१ थेसलोनिकी 4:9 - कोन्छ्‌योककी सुङ

⁹ त अच्‍युनुपतिवा ङ्‍यिङ्‍ज्‍येकी कोर्ला याङ सी साङ ख्‍यिराङला टिक गोवु मे। च्‍यिलासिसिन च्‍यिककी च्‍यिकला ङ्‍यिङ्‍ज्‍ये कितुपकी कोर्ला ति ख्‍यिराङला कोन्‍छ्‍योक नेसुर राङ येन्‍देन ङ्‍येतुप तप्‍की

१ थेसलोनिकी 4:9 Iomraidhean Croise

मत्ती 22:39

तमा क ङ्‍यिवा साङ ती दोके वे, ‘ख्‍योरो युल्‍वाला रङला दोके ङ्‍यिङ्‍ज्‍ये की।’

यूहन्‍ना 14:26

यिने पपी ङे मिङला तङ्‍गुप टोङ्‍गु तेरुप थु चाङ्माकी राङ ख्‍यिराङला तेरी ताम्‍ङेतिवा लोप्‍किवी, तमा ङे ख्‍यिराङला सिक्‍यावु तेरी ताम्‍ङेतिवा खोकी ख्‍यिराङला येलुङ टेन्‍सो लोङ्‍गिवी।

लोमा छ्‍येतिवी लाका 4:32

तमा तेपा कितुपतिवा तेरी सेम च्‍यिक राङ च्‍युङ्‍नी थिन देकिनोक। तिवा सी साङ खोप्‍रे नोर टोङ्‍बातिवा “दी ङे ति”, “ती ख्‍योरो ति” सिनी मिसिर्नोक। यिने तेरीकी खोप्‍रे च्‍यालकतिवा पिर्मा किनोक।

रोमी 12:10

च्‍यिककी च्‍यिकला अच्‍युनुप दोके क्‍यानी ङ्‍यिङ्‍ज्‍ये की। रङला सिनाङ मी यम्‍बाला मङ ताङ्‍देन की।

२ कोरिन्थी 9:1

यरूशलेमला वोतुप तेपा कितुपतिवी थोक्‍ला दाल्‍जा किटे क्‍यावु बुल्‍वाकी कोर्ला याङ ख्‍यिराङला ङे यिकी टिक मोगोवी।

फिलिप्पी 3:15

तमा दाक्‍पु तेपा क्‍यानी रम्‍बु वोतुप मीतिवा तेरीकी तुकै नासाम तोङ गोकिवी। दोजो ललाइ मीतिवी नासाम ति कुतुक कुतुक वोसुङ सिसिन ती ति कोन्‍छ्‍योककी ख्‍यिराङला ठछ्‍येली छ्‍या देन्‍गिवी।

१ थेसलोनिकी 5:1

अच्‍युनुपतिवा चोवो येशू चो पेला ताङ नम पेला फेपुप कोर्ला याङ ख्‍यिराङला काङ साङ टिक गोवु मे।

हिब्रू 10:16

“चोवो कोन्‍छ्‍योककी तुक सिनी सुङ्‍गिवी, ‘ज्‍युक्‍थमी ङ्‍यिमाला तिवी मुला ङे थाक्‍छ्‍येतुप ताम्‍ङे ति दी राङ यिनो, ङ ङे ठिम ति तिवी सेमला ज्‍योकिनो, तमा तिवी नासामला साङ टिनी तेरिनो।’”

हिब्रू 13:1

ख्‍यिराङ च्‍यिककी च्‍यिकला रङगी अच्‍युनुपतिवा दोके क्‍यानी ङ्‍यिङ्‍ज्‍ये किसा।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।

२ पत्रुस 1:7

कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

१ यूहन्‍ना 2:10

तमा चुका मी तीकी तेपा कितुप यम्‍बा नुप ताङ नुमला ङ्‍यिङ्‍ज्‍ये किवे, ती ति ठछ्‍येलीला युकुप मी यिन। तीकी काङ साङ लाका मेलोवा मिकिवी।

१ यूहन्‍ना 3:11

ख्‍यिरा तोङ नेज्‍यु थोवु सुङ ति दी राङ यिन। दाक्‍पी च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:21

तुक क्‍यानी सी कोन्‍छ्‍योकला ङ्‍यिङ्‍ज्‍ये किवे, तीकी यम्‍बा अच्‍युनुपतिवाला साङ ङ्‍यिङ्‍ज्‍ये कि गोकिवी सिनी खोकी दाक्‍पुला क नङ वे।