१ थेसलोनिकी 4:7 - कोन्छ्‌योककी सुङ

⁷ काङ यिन सिसिन कोन्‍छ्‍योककी दाक्‍पुला मेटेङ्‍बुकी थोक्‍ला मिन, यिने टेङ्‍बुकी थोक्‍ला कताङ नङ्‍गुप यिन।

१ थेसलोनिकी 4:7 Iomraidhean Croise

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

गलाती 5:19

दिक्‍पी च्‍योलामकी लाकातिवा शम्‍डेन कितुप ताङ मेटेङ्‍बु कितुप ताङ छ्‍येवु छ्‍येमु कितुप ताङ

एफिसी 1:4

ती मोलाम ति खोकी थोङ्‍दाङला दाक्‍पु चाङ्‍मा ताङ क्‍येन मेतुप च्‍युङ्‍शी सिनी जम्‍बुलिङ ज्‍येङ्‍गुप सिनाङ गोमाला के खोकी दाक्‍पुला पेन नङ्‍गुप यिन।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

एफिसी 4:19

तिवा ङोछा मेतुप ताङ शम्‍डेन कितुप ताङ देर्पाला ख्‍येल्‍नी सेम नोजु कितुप गल वे।

१ थेसलोनिकी 2:3

ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु ति ङ्‍यिरा नासाम मेलोवा ताङ्‍नी क्‍यावु मिन, सेम मेटेङ्‍बु क्‍यानी क्‍यावु साङ मिन, ताम्‍ङे जोनी ख्‍यिराङला केन्‍दुपला साङ मिन।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।