१ थेसलोनिकी 4:6 - कोन्छ्‌योककी सुङ

⁶ तमा सी साङ खोरो नुपला मेलोक्‍पा मिकिशी। च्‍यिलासिसिन दी तेरी ताम्‍ङेकी छ्‍येर्पा तेरुप ति कोन्‍छ्‍योक राङ यिन। ङ्‍यिरा ख्‍यिराङला गोमाला राङ सिक्‍यायिन।

१ थेसलोनिकी 4:6 Iomraidhean Croise

मर्कूस 10:19

कोन्‍छ्‍योककी नङ्‍गुप कतिवा याङ ख्‍युरुङला छ्‍या वे। तिवा ति दी यिन, ‘मी मासे, शम्‍डेन माकी, कुन माकी, जिनोक जोनी पङ्‍बु मातेर, माक्‍येन, तमा ख्‍योरो फमाला ताङ्‍देन की।’”

लूका 12:5

यिने ख्‍यिराङ सी मुला ज्‍यिवा कि गोकिवी सिरुप ति ङ ख्‍यिराङला हाक्‍को ज्‍यितिन, जुला सेसिमा ज्‍युक्‍ला ङ्‍येलाला क्‍युरुप ओङ वोतुप तीला ज्‍यिवा की। यिन, ङ ख्‍यिराङला सिरिन, खोला ज्‍यिवा की।

लूका 16:28

ङे अच्‍युनुप पिन ङ वे। तीकी तिवाला च्‍याङ्‍से क्‍यानी दे च्‍यिनी तिवा दी छेटाङ ख्‍येलुप दासाला वुङ मेख्‍येल्‍शी।’

रोमी 1:18

कोन्‍छ्‍योककी पर्च्या ति खोकी सुङ टेङ्‍बुला हाक्‍मोकोवु जोप दुक्‍टातिवा ताङ खोला मोवा मिकिवुतिवी थोक्‍ला देवाच्‍येन नेमा छ्‍या देन्‍गिवी।

रोमी 12:19

ङे ङ्‍यिङ्‍ज्‍येवु अच्‍युनुपतिवा, ख्‍यिरा नाम्‍साङ मीला ङ्‍येन मालाङ, यिने कोन्‍छ्‍योककी लकला चेक ते। च्‍यिलासिसिन कोन्‍छ्‍योककी सुङला “ङ्‍येन लङ्‍गुप ति ङ राङ यिन, ङ राङ ङ्‍येन लङ्‍यिन।” सिनी टि वे।

रोमी 13:4

च्‍यिलासिसिन ओङ्‍ज्‍येन कितुप मीतिवा ख्‍युरुङला ल्‍यामु च्‍युङ्‍शी सिनी कोन्‍छ्‍योकला शब्‍ज्‍यी कितुप मीतिवा यिन। यिने दोजो ख्‍युरुङ दुक्‍टा किवी सिसिन ख्‍युरुङ तिवाला ज्‍यिवा कि गोकिवी। तीकी तेन्‍दा मेताला खुर्पा मेजेर्वी, लाका दुक्‍टा कितुपतिवाला पर्च्या तोङ्‍गुप कोन्‍छ्‍योकला शब्‍ज्‍यी कितुप मीतिवा यिन।

२ कोरिन्थी 7:11

तुक क्‍यानी ल्हो ताङ, कोन्‍छ्‍योककी थोक्‍ला पप क्‍यासिमा ख्‍यिराङला काङ च्‍युङ्‍सुङ, ती ति नासाम तोङ। ख्‍यिराङ काङ लाका क्‍यासिनाङ छासे ङ्‍यम्‍ले क्‍यानी किवी, खुरुङ क्‍येन मेतुप च्‍युङ्‍गुपला ख्‍यिराङ टेमु किवी, तमा मेटेङ्‍बुकी थोक्‍ला चो ङ्‍यिर्मु किवी, काङ कितुप चुक कितुप सिनी ज्‍यिवा किवी, ङला ठेतुपला छासे नो किवी, चुका ङाडेङ नोक, तमा ख्‍यिरा पर्ला दिक्‍पा कितुप मीला पर्च्या फोक्‍शी सिनी चो नोकिवी। ती तेरी ताम्‍ङे नेसुर ख्‍यिराङ ति दिक्‍पा मेतुप यिन सिरुप छ्‍या तेन्‍सुङ।

गलाती 5:21

ठतोक ङर्केल कितुप ताङ छ्‍याङ्‍गेले ताङ खावाला मुदुवु यिन। तीकी कोर्ला ङे ख्‍यिराङला गोमाला सिक्‍यावे, येलुङ साङ सिरिन। सी दुका लाका किवे, तिवा ति कोन्‍छ्‍योककी ग्‍येल्‍खापला शुक मोछ्‍योवी।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

एफिसी 5:6

सी साङ ख्‍यिराङला ताम्‍ङे मेशोलोक लाप्‍नी जिनोक मोजोशी, च्‍यिलासिसिन ती ताम्‍ङेकी जोसालेन्‍सिन कोन्‍छ्‌योककी सुङ मेङ्‍येन्‍दुपतिवी खला खोकी पर्च्या फोकिवी।

१ थेसलोनिकी 2:11

पपी खोरो पुज्‍युङपुमला क्‍यावु दोके ङ्‍यिरा ख्‍यिराङ रे रेला टोङ्‍गु ताङ ङाडेङ बिन्‍दुप ति ख्‍यिराङला राङ छ्‍या वे। तुका टोङ्‍गु बिन्‍दुप ति ख्‍यिरा किताङ नालु ति कोन्‍छ्‍योककी सेमला डो छ्‍योवु च्‍युङ्‍गुपला यिन। ती कोन्‍छ्‍योककी ख्‍यिराङला खोकी ग्‍येल्‍खाप ताङ खोकी मोवाला कताङ नाङ्‍सुङ।

२ थेसलोनिकी 1:8

कोन्‍छ्‍योकला ङो माशेवु ताङ दाक्‍पी चोवो येशूकी लेन ल्‍यामुला तेपा मिकिवु मीतिवाला खोकी पर्च्या तोङ्‍गिवी।

हिब्रू 13:4

तेरीकी पर्ला जेन्‍दी ति ताङ्‍देन वोतुप वुङ्‍शी। तमा ख्‍योवा ताङ पेर्मी जेन्‍दी क्‍यासिमा मी यम्‍बा ताङ मुला शम्‍डेन कितुप मेङ्‍गिवी, च्‍यिलासिसिन शम्‍डेन कितुप ताङ यम्‍बा ख्‍योक्‍पेजा याङ्‍ना यम्‍बा पुम्‍पेजा ताङ मुला मेलोक्‍पा कितुपतिवाला कोन्‍छ्‍योककी ठिम क्‍या नङ्‍गिवी।

हिब्रू 2:6

यिने कोन्‍छ्‍योककी सुङला दासा च्‍यिकला दुक सिनी टि वे, “कोन्‍छ्‍योक, मी ति काङ यिन रो! ख्‍योरे तीकी थोक्‍ला नासाम तोङ्‍गुप ती। मी पुज्‍युङ ति सु यिन रो? ख्‍योरे तीकी थोक्‍ला ल्‍हटे कितुप ती।

याकूब 2:6

यिने ख्‍यिरा याङ पेराङ्‍बुतिवाला ङ्‍यिङ्‍मर क्‍यासुङ। काङ मी छ्‍युक्‍पुतिवी ख्‍यिराङला ओङ्‍ज्‍येन क्‍यानी दुक्‍पा मेतेर्वी रो? काङ तिवी ख्‍यिराङला ठिम्‍खाङला टिनी मोक्‍योल्‍वी रो?

याकूब 5:4

ल्‍होसा, ख्‍यिरा रङगी शिङ खला लाका कितुपतिवाला तेर गोवु लतिवा माबिन वे। ती तप्‍की तिवा ख्‍योरो तेन्‍दोकला ङुप्‍राङ कियी वे। तिवी ङुप्‍राङ क्‍यावु ति ओङ छ्‍येन्‍बु कोन्‍छ्‍योककी सेन्‍नी वे।