१ थेसलोनिकी 4:5 - कोन्छ्‌योककी सुङ

⁵ कोन्‍छ्‍योकला ङो माशेवु मिरिक यम्‍बातिवा दोके शम्‍डेन माकी सिनी सिक्‍यावु यिन।

१ थेसलोनिकी 4:5 Iomraidhean Croise

मत्ती 6:32

दिवा तेरी ति कोन्‍छ्‍योकला ङो माशेवु मिरिक यम्‍बातिवी छोल्‍गिवी। यिने देवाच्‍येनला ज्‍यु वोतुप पपा कोन्‍छ्‍योककी ख्‍यिराङला ती तेरी गोकिवी सिनी छ्‍या वे।

लूका 12:30

कोन्‍छ्‍योकला ङो माशेवु मिरिक यम्‍बातिवी के दिवा तेरी छोल्‍गिवी। दिवा ख्‍यिराङला गोकिवी सिनी ख्‍यिरा पपा कोन्‍छ्‍योकला राङ छ्‍या वे।

लोमा छ्‍येतिवी लाका 17:23

ङ फार छुर युनी ल्‍हासिन ख्‍यिरा तेन्‍दुप ल्‍हतिवा बङी वोतुप ति ङे थोङ्‍सुङ। ती पर्ला ‘ङो मेशेवु ल्‍हे थोक्‍ला’ सिनी टिवु छोटी साङ ङे थोङ्‍सुङ। तमा ख्‍यिरा हाक्‍माकोवा क्‍यानी तेन्‍दुप ति ल्‍हकी कोर्ला ङ ख्‍यिराङला ख्‍याप्‍टाक कितिन।

रोमी 1:24

तुक क्‍यानी कोन्‍छ्‍योककी तिवाला तिवी सेमला काङ मेलोक्‍पा कियी दे लङ्‍गुप ति किशी नोनी पि ताङ ताङ्‍सुङ। ती तप्‍की तिवा तिवी खोप्‍रे पर्ला राङ ङोछा मेतुप लाकातिवा क्‍यासुङ।

रोमी 1:26

ती तप्‍की कोन्‍छ्‍योककी तिवाला ङोजु मेतुप लाका कि ज्‍यितुपला पि ताङ ताङ्‍सुङ। तिवा पुम्‍पेजातिवी साङ पुम्‍पेजातिवी मुला राङ शम्‍डेन क्‍यानी लाका मेलोवा क्‍यासुङ।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

गलाती 4:8

गोमाला ख्‍यिरा कोन्‍छ्‍योकला ङो माशेवु पेला जम्‍बुलिङला वोतुप ल्‍हलुतिवाला योक्‍पु दोके क्‍यानी शब्‍ज्‍यी क्‍यासुङ।

एफिसी 2:12

ती पेला येशू ख्रीष्‍टला ख्‍यिरा ङो माशेवु तप्‍की इस्राएलकी गिपा माच्‍युङ। तमा ख्‍यिराङ ति कोन्‍छ्‌योककी थाक्‍छ्‌येतुप ठिम नेसुर थाक्‍रिङ्‍बु गल्‍नी दी जम्‍बुलिङला रेवा मेतुप ताङ कोन्‍छ्‌योक ङो माशेनी दे नोक।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

२ थेसलोनिकी 1:8

कोन्‍छ्‍योकला ङो माशेवु ताङ दाक्‍पी चोवो येशूकी लेन ल्‍यामुला तेपा मिकिवु मीतिवाला खोकी पर्च्या तोङ्‍गिवी।

१ पत्रुस 4:3

तोङ्‍ला याङ ख्‍यिराङ साङ यहूदी मिन्‍दुप मिरिक यम्‍बाकी मीतिवा दोके दुक्‍टा कितुप ताङ नासाम मेलोक्‍पा तोङ्‍गुप ताङ छ्‍याङ्‍गेले कितुप ताङ ङ्‍याम तोङ्‍गुप ताङ सज्‍युरे कितुप ताङ कुतिवाला तेन्‍नी ङोछा लङ्‍गुप लाका क्‍यानी बङी लाताक च्‍यक्‍सुङ।