१ थेसलोनिकी 4:3 - कोन्छ्‌योककी सुङ

³ च्‍यिलासिसिन कोन्‍छ्‍योककी नोवा ति ख्‍यिराङ चाङ्‍मा देशी सिरुप यिन। तीकी तेन्‍दोक ति ख्‍यिराङ शम्‍डेन माकी,

१ थेसलोनिकी 4:3 Iomraidhean Croise

मत्ती 12:50

सु देवाच्‍येनला ज्‍यु वोतुप ङे पपी नोवाला युकिवे, तिवा राङ ङे नुप ताङ नुम ताङ आमा यिन।”

मत्ती 15:19

च्‍यिलासिसिन सेम नेमा नासाम दुक्‍टा थेन्‍गिवी। तिवा ति मी सेतुप ताङ शम्‍डेन कितुप ताङ छ्‍येवु छ्‍येमु कितुप ताङ कुन कितुप ताङ पङ्‍बु मेटेङ्‍बु तेरुप ताङ मीला मारे तोङ्‍गुप यिन।

मत्ती 5:32

यिने ङ ख्‍यिराङला सिरिन, सी शम्‍डेन क्‍यावु तप्‍की मिसिन खोरो पेर्मीला क्‍युर्नी ज्‍योकिवे, तीकी ती पेर्मीला शम्‍डेन कि च्‍यितुप यिन। तमा सी क्‍युर्नी ज्‍यकुप पुम्‍पेजाला जेन्‍दी किवे, तीकी साङ शम्‍डेन क्‍यावु राङ यिन।”

मत्ती 7:21

“ङला ‘चोवो, चोवो!’ सिरुपतिवा तेरी कोन्‍छ्‍योककी ग्‍येल्‍खापला शुक मोछ्‍योकिवी, यिने देवाच्‍येनला ज्‍यु वोतुप ङे पपा कोन्‍छ्‍योककी नोवाला युकुपतिवा तिराङ कोन्‍छ्‍योककी ग्‍येल्‍खापला शुक छ्‍योकिवी।

मर्कूस 3:35

सी कोन्‍छ्‍योककी नोवा दोके किवे, तिवा राङ ङे नुप ताङ नुम ताङ आमा यिनो।”

यूहन्‍ना 4:34

तमा येशूकी लोमातिवाला सुङ्‍सुङ, “ङे समा ति ङला तोङ्‍गुप कोन्‍छ्‍योककी नोवाला वोतुप दोके कितुप ताङ खोकी ङला कि ज्‍यितुप लाका तेरी कितुप यिन।

यूहन्‍ना 7:17

चुका मी तीकी कोन्‍छ्‍योककी नोवाला दोके युकिवे, तीकी ङे तेरुप येन्देन ति कोन्‍छ्‍योक नेमा वावु यिनाङ की, ङे राङ तेरुप यिन सिनी हाक्‍कोकिवी।

लोमा छ्‍येतिवी लाका 15:20

यिने तिवाला ‘ल्‍हलुतिवाला पुलुप समातिवा मासा! शम्‍डेन माकी! ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी श ताङ ठक मासा।’ सिरुप ताम्‍ङे ति यिकी टिनी तोङ्‍गुप।

लोमा छ्‍येतिवी लाका 15:29

ती ताम्‍ङे ति काङ यिन सिसिन, ख्‍यिराङ ल्‍हला पुलुप च्‍यालक ताङ ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी श ताङ ठक साप ताङ शम्‍डेन कितुप लाकातिवा माक्‍यानी देसुङ सिसिन ख्‍यिराङला ल्‍यामु गितो। हारिङ ति दोजोयी राङ गोङ्‍बा शोप्‍नो।”

लोमा छ्‍येतिवी लाका 20:32

त याङ ङ ख्‍यिराङला कोन्‍छ्‍योककी लकला ज्‍योकिनो। कोन्‍छ्‍योककी कटिन वोतुप सुङगी ख्‍यिराङला र्‍होकिवी। तमा ती सुङगी राङ ख्‍यिराङला रम्‍बु जेवी। खोकी पेतुपतिवा तेरीला खोकी मोलाम नङ्‍गिवी।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

रोमी 12:2

तमा दी जम्‍बुलिङकी किताङ नालुला येनी मादे, यिने रङगी सेम ति सम्‍बा फोनी ख्‍यिरा थोक्‍ला कोन्‍छ्‍योककी नोवाला ल्‍यामु वोतुप ति काङ यिन, चुक क्‍यानी खोला गा लोङ्‍गुप, चुक क्‍यानी खोकी नोवा दोके क्‍यानी मिजी क्‍योङ्‍गुप, ती तेरी हाक्‍कोवा की।

रोमी 6:22

यिने त याङ ख्‍यिराङ दिक्‍पा ने थर्नी कोन्‍छ्‍योककी थोक्‍ला शब्‍ज्‍यी कितुप च्‍युङ्‍गुप तप्‍की ख्‍यिराङ कोन्‍छ्‍योककी थोङ्‍दाङला टेङ्‍बु ङ्‍येनी ख्‍यिराङला नाम्‍साङ मिशिवु मिजी थोप्‍नी वे।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 7:2

ङ ख्‍यिराङला काङ सिरिन सिसिन, शम्‍डेन कितुप नासाम बङी शरुप तप्‍की ख्‍योक्‍पेजातिवी दाक दाक्‍पी थोक्‍ला पेर्मी लङ्‍शी, पुम्‍पेजातिवाला साङ दाक दाक्‍पी थोक्‍ला ख्‍योवा वोशी।

२ कोरिन्थी 12:21

ङ येलुङ ख्‍यिरा ते वुङ्‍गुप पेला कोन्‍छ्‍योककी ख्‍यिरा दोङ्‍ला ङला मो बेप्‍किते यिन्‍दे सिनी ङला ज्‍यिवा लानी वे। तमा गोमाला लाका मेटेङ्‍बु क्‍यावु ताङ शम्‍डेन कितुप ताङ ङोछा लङ्‍गुप लाका क्‍यानी दिक्‍पा कितुप नेसुर सेम मुग्‍युरुपतिवा बङीकी थोक्‍ला ङला छासे पप लानी वे।

गलाती 5:19

दिक्‍पी च्‍योलामकी लाकातिवा शम्‍डेन कितुप ताङ मेटेङ्‍बु कितुप ताङ छ्‍येवु छ्‍येमु कितुप ताङ

एफिसी 5:17

तुक क्‍यानी अम्‍बारङ्‍शिङ माकी, यिने कोन्‍छ्‌योककी नोवा काङ यिनोक सिनी हाक्‍कोवा की।

एफिसी 6:6

मीतिवाला गा लोङ्‍गुपला तिवी मिङ्‍गाला तिराङ छ्‌या देन्‍दुप लाका माकी, यिने ख्रीष्‍टला शब्‍ज्‍यी पुलुप दोके सेम टेङ्‍बु क्‍यानी कोन्‍छ्‌योककी नोवाला वोतुप लाका की।

कलस्सी 1:9

ती ताम्‍ङे थो नेज्‍युनी ख्‍यिरा थोक्‍ला नरी ङ्‍यिराङ कोन्‍छ्‍योकला मोपोर कियी वे। ख्‍यिराङ कोन्‍छ्‍योककी थु चाङ्‍माकी च्‍यु ताङ रिक्‍पा नेसुर खोकी नोवा काङ यिन सिनी ल्‍यामु हाक्‍कोशी सिनी ङ्‍यिराङ नरी मोपोर कितिन।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 4:2

तमा चोवो येशूकी ओङला चुका चुका कतिवा ङ्‍यिरा ख्‍यिराङला बिन वे, ती ति ख्‍यिराङला राङ छ्‍या वे।

१ थेसलोनिकी 4:4

ख्‍यिराङ दाक दाक्‍पुला टेङ्‍बु क्‍यानी रङगी पेर्मीला ताङ्‍देन की,

१ थेसलोनिकी 5:18

दुक्‍पा ख्‍येल्‍सिनाङ किर्मु वोसिनाङ कोन्‍छ्‍योकला थुचिछे पुल। च्‍यिलासिसिन येशूला तेपा कितुप मीतिवा तुकै राङ वुङ गोकिवी सिरुप ति कोन्‍छ्‍योककी नोवा यिन।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ थेसलोनिकी 2:13

यिने चोवोकी ङ्‍यिङ्‍ज्‍येवु अच्‍युनुपतिवा, ख्‍यिरा थोक्‍ला कोन्‍छ्‍योकला ङ्‍यिराङ नरी थुचिछे बुलिन। च्‍यिलासिसिन कोन्‍छ्‍योककी गोमा नेज्‍यु ख्‍यिराङला खोकी थु चाङ्‍मा नेमा चाङ्‍मा जो नङ्‍गुपला ताङ कोन्‍छ्‍योक टेङ्‍बुला तेपा क्‍यानी शेप ने र्‍होकुपला खोकी पेन नङ्‍गुप तप्‍की यिन।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

हिब्रू 12:16

ख्‍यिरा पर्ला सु साङ शम्‍डेनकी लाका माकी। तमा एसाव दोके कोन्‍छ्‍योकला ङ्‍याम मिकिवु माकी। तीकी समा छेक च्‍यिककी थोक्‍ला पुज्‍युङ छ्‍येकी ओङ साङ चोनी सोसुङ।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

हिब्रू 13:4

तेरीकी पर्ला जेन्‍दी ति ताङ्‍देन वोतुप वुङ्‍शी। तमा ख्‍योवा ताङ पेर्मी जेन्‍दी क्‍यासिमा मी यम्‍बा ताङ मुला शम्‍डेन कितुप मेङ्‍गिवी, च्‍यिलासिसिन शम्‍डेन कितुप ताङ यम्‍बा ख्‍योक्‍पेजा याङ्‍ना यम्‍बा पुम्‍पेजा ताङ मुला मेलोक्‍पा कितुपतिवाला कोन्‍छ्‍योककी ठिम क्‍या नङ्‍गिवी।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 4:2

तमा तीकी खोरो मिजी वोता सेक दुक्‍टा कितुप नोवाला मिन, यिने कोन्‍छ्‍योककी नोवाला मिजी क्‍योङ्‍गिवी।

१ यूहन्‍ना 2:17

जम्‍बुलिङ ना डिवी, जम्‍बुलिङला वोतुप नोवातिवा साङ ना डिवी, यिने कोन्‍छ्‍योककी नोवाला वोतुप लाका कितुप मी ति नरीकी नरी लुकिवी।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।