१ थेसलोनिकी 4:17 - कोन्छ्‌योककी सुङ

¹⁷ ती ज्‍युक्‍ला दाक्‍पु तेपा क्‍यानी ती पेला सेक सेन्‍बु लुवुतिवा तिवा ताङ मुला राङ नाम ने केला मुक्‍पी पर्ने चोवोला ठेतुपला तेक्‍नी डिवी। तमा दाक्‍पु नरी खोकी मुला राङ देतुप ङ्‍येकिवी।

१ थेसलोनिकी 4:17 Iomraidhean Croise

मत्ती 26:64

तमा येशूकी तीला सुङ्‍सुङ, “ख्‍योरो राङ सिक्‍यासुङ। यिने ङ ख्‍यिराङ तेरीला सिरिन, तफेन्‍ला ङ मी पुज्‍युङ ति चोछ्‍येवु कोन्‍छ्‍योककी यावी थाकाला देतुप ताङ देवाच्‍येनकी मुक्‍पी ख नेमा वुङ्‍गुप ति ख्‍यिरा थोङ्‍गितो।”

मर्कूस 14:62

येशूकी सुङ्‍सुङ, “यिन, ती ति ङ राङ यिन। मी पुज्‍युङ चोछ्‍ये वोतुप कोन्‍छ्‍योककी यावी थाकाला देतुप ताङ देवाच्‍येन नेमा मुक्पी ख नेमा वुङ्‍गुप ति ख्‍यिरा थोङ्‍गितो।”

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 14:3

ङ गल्‍नी ख्‍यिरा थोक्‍ला दासा टडिक क्‍यासिमा लोङ वानी ख्‍यिराङला ङे ते टिनी डोयिनो, तमा ङ देतुप ते ख्‍यिराङला साङ देतुप ङ्‍येकितो।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

लोमा छ्‍येतिवी लाका 1:9

खोकी तुक सुङ्‍सिमा लोमातिवी ल्‍हयी ल्‍हयी राङ कोन्‍छ्‍योककी खोला येर देवाच्‍येन ने टि फेप्‍सुङ। तमा मुक्‍पी पर्ने तोक तोर्सुङ।

लोमा छ्‍येतिवी लाका 8:39

तमा तिवा ङ्‍यिकर छ्‍यी नाङ ने थेन्‍लुङ्‍मे कोन्‍छ्‍योककी थु चाङ्‍माकी फिलिपला शार्क्येक टिनी फेप्‍सुङ। ती ज्‍युक्‍ला ती मी तीकी फिलिपला माथोङ, यिन्‍सिनाङ गा कियी सिरा खोरो लाम शुसुङ।

१ कोरिन्‍थी 15:52

ती पेला शेपतिवा येलुङ नाम्‍साङ मिशिवु च्‍युङ्‍नी सेन्‍बु लङ्‍गितो। तमा कोन्‍छ्‍योककी दाक्‍पी जु साङ फो ज्‍यिकितो।

२ कोरिन्थी 5:8

वुतुङ के दाक्‍पु ङार क्‍यानी दाक्‍पी जु ति क्‍युर ज्‍याक्‍नी चोवो येशूकी मुला देवाच्‍येनला देतुपला छासे गा लानी वे।

फिलिप्पी 1:23

तुक क्‍यानी ङ काङ कितुप काङ कितुप गल वे। ङला याङ जम्‍बुलिङ क्‍युर ज्‍याक्‍नी ख्रीष्‍टकी चिप्‍ला राङ देतुप नो वे। ङला ती राङ ल्‍यामु यिन।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

१ थेसलोनिकी 4:15

चोवो येशू दी जम्‍बुलिङला ज्‍युवु पेला नङ्‍गुप सुङ नेसुर राङ ङ्‍यिराङ ख्‍यिराङला सिरिन। ती शेपतिवा ति चोवो येशू लोङ दी जम्‍बुलिङला फेपुप पेला सेक सेन्‍बु वोतुपतिवा सिनाङ गोमाला के येशूला ठेकिवी।

१ थेसलोनिकी 4:18

तुक क्‍यानी च्‍यिककी च्‍यिकला चोवो येशूकी नङ्‍गुप दी सुङ नेसुर टोङ्‍गु बिना।

१ थेसलोनिकी 5:10

खो दाक्‍पी थोक्‍ला टुङ्‍सुङ। ती तप्‍की दाक्‍पु सेन्‍बु देसिनाङ शिसिनाङ नरी खोकी मुला राङ मिजी क्‍योङ्‍गुप।

२ पत्रुस 3:13

यिने दाक्‍पु याङ खोकी थाक्‍छ्‍येन नङ्‍गुप दोके देवाच्‍येन सम्‍बा ताङ जम्‍बुलिङ सम्‍बाकी थोक्‍ला लाम ल्‍हयी वे। ते कोन्‍छ्‍योककी थोङ्‍दाङला टेङ्‍बु वोतुपतिवा तिराङ दे थुप्‍किवी।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।

ज्‍यल्‍का 11:12

तमा देवाच्‍येन नेमा कशेन थोर ग्‍यप्‍नी “दे केला शोक।” सिक्‍यावु ति ती पङ्‍बु तेरुप मिरा ङ्‍यीतिवी थोसुङ। तमा तिवी डतिवी ल्‍हयी ल्‍हयी तिवा मुक्‍पी पर्ने केला देवाच्‍येन ने गाल्‍सुङ।

ज्‍यल्‍का 12:5

तमा ती पुम्‍पेजा तीकी लुङ्‍बा तेरीकी मीतिवाला च्‍याङ्‍युङ थ्‍वोनी च्‍युरुवु क्‍यानी ग्‍येला कितुप पुज्‍युङ यी क्‍येसुङ। यिने ती पुज्‍युङ तीला शार्क्येक लङ्‍नी कोन्‍छ्‍योक ताङ खोकी ग्‍येल्‍ठिकला टि गाल्‍सुङ।