१ थेसलोनिकी 4:15 - कोन्छ्‌योककी सुङ

¹⁵ चोवो येशू दी जम्‍बुलिङला ज्‍युवु पेला नङ्‍गुप सुङ नेसुर राङ ङ्‍यिराङ ख्‍यिराङला सिरिन। ती शेपतिवा ति चोवो येशू लोङ दी जम्‍बुलिङला फेपुप पेला सेक सेन्‍बु वोतुपतिवा सिनाङ गोमाला के येशूला ठेकिवी।

१ थेसलोनिकी 4:15 Iomraidhean Croise

मत्ती 17:25

तमा पत्रुसकी “यिन, खोकी तेकिवी।” सिनी सिक्‍यासुङ। पत्रुस खाङ्‍बा शुनी ती ताम्‍ङे कितुप सिनाङ गोमाला राङ येशूकी तीला “सिमोन, ख्‍योरो नासामला चुकै वे? जम्‍बुलिङकी ग्‍येल्‍वुतिवी सु नेसुर से दुकिवी? खोरो पुज्‍युङतिवा नेसुर दुकिवी ताङ की, मी यम्‍बातिवा नेसुर दुकिवी?” सिनी सुङ्‍सुङ।

१ कोरिन्‍थी 15:18

तुकै यिन्‍सिन ख्रीष्‍टला तेपा क्‍यानी गोमाला शेपतिवा साङ तेरी ना गलुप यिन्‍जा।

२ कोरिन्थी 12:1

ङे तेके क्‍यावु ताम्‍ङे ति ख्‍येप्‍साङ मेसिनाङ, ङला चोवो नेमा थोपुप ज्‍यल्‍का ताङ खोकी हाक्‍को च्‍यितुप ताम्‍ङेकी कोर्ला ङ सिरिन।

२ कोरिन्थी 4:14

ङ्‍यिराङला छ्‍या वे, चोवो येशूला शेप ने ङोसु लोङ्‍गुप कोन्‍छ्‍योककी ङ्‍यिराङला साङ खो ताङ मुला सेन्‍बु लोङ्‍गिवी। तमा ख्‍यिराङ ताङ ङ्‍यिराङ तेरी मुला राङ खोकी चाला टिनी फेप्‍किवी।

गलाती 1:12

च्‍यिलासिसिन ती ति मी ङला सिक्‍यावु मिन, मी लापुप साङ मिन, यिने चोवो येशू ख्रीष्‍टकी ङला ज्‍यल्‍का नेसुर नङ्‍गुप यिन।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ थेसलोनिकी 4:13

अच्‍युनुपतिवा शेपतिवी कोर्ला ख्‍यिराङ हाक्‍माकोवा क्‍यानी मेदेशी, तमा रेवा मेतुप मीतिवा दोके सेम्‍दुक क्‍यानी साङ मेदेशी सिरुप ति ङ्‍यिरा नोवा वे।

१ थेसलोनिकी 5:10

खो दाक्‍पी थोक्‍ला टुङ्‍सुङ। ती तप्‍की दाक्‍पु सेन्‍बु देसिनाङ शिसिनाङ नरी खोकी मुला राङ मिजी क्‍योङ्‍गुप।

२ थेसलोनिकी 2:1

अच्‍युनुपतिवा, दाक्‍पी चोवो येशू ख्रीष्‍ट फेपुप ताङ दाक्‍पु खोला ठेतुपला मुला राङ जोम्‍बुप कोर्ला ङ्‍यिराङ ख्‍यिराङला गोङ्‍बा शोयी।