१ थेसलोनिकी 4:11 - कोन्छ्‌योककी सुङ

¹¹ ङ्‍यिरा ख्‍यिराङला टोङ्‍गु बिन्‍दुप दोके मी यम्‍बी कोर्ला ताम्‍ङे माकी, यिने दाक दाक्‍पी लाकाला नासाम तङ्‍नी लाका की।

१ थेसलोनिकी 4:11 Iomraidhean Croise

मर्कूस 13:34

दी ताम्‍ङे ति मी मिरा च्‍यिककी खोरो लावातिवाला दाक दाक्‍पी कि गोवु लाका चेक तेनी खाङ्‍बा र्‍हेन्‍दुप तीला ति चेर्मु क्‍यानी ल्‍हटे की सिनी खुरुङ ति मी लुङ्‍बा गलुप दोके यिन।

लोमा छ्‍येतिवी लाका 18:3

तिवाला ठेसिमा तिवी लाका ति च्‍यिक्‍पा राङ यिन्‍दुप तप्‍की पावल साङ तिवी मुला राङ देनी लाका क्‍यासुङ। तिवी लाका ति कुर जोप लाका नोक।

लोमा छ्‍येतिवी लाका 20:35

ख्‍यिरा साङ टेमु क्‍यानी काङ मेतुपतिवाला चुक क्‍यानी दाल्‍जा कि गोकिवी सिनी ङे मिजी नेमा राङ छ्‍या तेन वे। चोवो येशूकी ‘लङ्‍गुप सिनाङ तेरुप ति मङ मोलाम वोतुप यिन।’ सिनी सुङ्‍गुप ति ख्‍यिरा नासाम तोङ।”

रोमी 12:11

हुर्ताक कितुपला तिङ छ्‍येनी मादे, यिने कोन्‍छ्‍योककी थु चाङ्‍माकी ओङ नेसुर वुङ्‍गुप नासाम ताङ्‍नी कोन्‍छ्‍योककी थोक्‍ला शब्‍ज्‍यी पुल।

रोमी 15:20

मी यम्‍बी कोन्‍छ्‍योककी लेन ल्‍यामु ख्‍याप्‍टाक क्‍यावु दासाला येलुङ ख्‍याप्‍टाक कितुपला ङे नो माक्‍या, यिने सी साङ कोन्‍छ्‍योककी लेन ल्‍यामु ख्‍याप्‍टाक माक्‍यावु दासाला तिराङ ख्‍याप्‍टाक कितुप ति ङे नोवा वे।

१ कोरिन्‍थी 4:12

साप ताङ कोन्‍दुपकी थोक्‍ला ङ्‍यिरा राङ लाका टेमु कियी वे। मीतिवी ङ्‍यिराङला मोताप तप्सिनाङ ङ्‍यिरा तिवाला मोलाम तेर्किवी। दुक्‍पा बिन्‍सिनाङ हम क्‍या देकिवी।

२ कोरिन्थी 5:9

तुक क्‍यानी दाक्‍पु दी जुला देसिनाङ दी जु क्‍युर ज्‍याक्‍नी देसिनाङ चोवो येशूला तिराङ गा लोङ्‍गुप नोवा वे।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

१ तिमोथी 2:2

तमा ग्‍येल्‍वुतिवा ताङ ग्‍येल्‍वी ओङला लाका कितुप मी छ्‍येतिवा तेरीकी थोक्‍ला साङ मोपोर की। तुक क्‍यासिन दाक्‍पु लोदिमु क्‍यानी कोन्‍छ्‍योकला सोवा देकुप ताङ ल्‍यामु वोतुप मिजी क्‍योङ थुप्‍शी।

१ तिमोथी 5:13

तोजो तिराङ मिन, तिवा खाङ्‍बा खाङ्‍बाला युकुप ताङ छेरा कितुप ताङ ताम्‍ङे क्‍योलुप ताङ मी लाकाला लाक्‍पा जिम्‍बुप ताङ लप मोगोवु ताम्‍ङेतिवा लपुप डिवी।

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

१ पत्रुस 3:4

यिने ख्‍यिरा सेमगी दिङ्‍ला ति नाम्‍साङ मोफोवु कुसु ज्‍यम्‍बु ताङ हम क्‍या देतुप च्‍युङ्‍नी मज्‍या ल्‍यामु कोन्‍नी छ्‍यावु दोके जेमु जो। ती ति कोन्‍छ्‍योककी थोङ्‍दाङला छासे गोङ नावु वे।

१ पत्रुस 4:15

यिने ख्‍यिराङ सु साङ मी सेतुप ताङ कुन कितुप ताङ दुक्‍टा कितुप ताङ मी यम्‍बी लाकाला लाक्‍पा ग्‍यप्‍नी छेटाङ माखुर।