१ थेसलोनिकी 4:1 - कोन्छ्‌योककी सुङ

¹ तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

१ थेसलोनिकी 4:1 Iomraidhean Croise

यूहन्‍ना 15:2

ङे लोला वोसिनाङ डेलु मोगोरुप येल्‍कातिवा रे रेला खोकी च्‍येकिवी, तमा डेलु गोरुप येल्‍कातिवाला ति मङ डेलु गोर्शी सिनी सेप्‍किवी।

लोमा छ्‍येतिवी लाका 20:27

च्‍यिलासिसिन कोन्‍छ्‍योककी नोवाला वोतुप ताम्‍ङेतिवा तेरी ङे ख्‍यिराङला लापिन।

रोमी 8:8

तुक क्‍यानी दिक्‍पी नासाम ताङ्‍नी युकुप मी तीकी कोन्‍छ्‍योकला गा लोङ मुथुपी।

१ कोरिन्‍थी 11:23

दी ङे बिन्‍दुप येन्‍देन ति चोवो येशू नेमा राङ ङला थोपुप यिन। खो डकी लकला जिम्‍बुप नुपला खोकी शुब्‍ज्‍याङ लकला लासुङ।

१ कोरिन्‍थी 15:1

अच्‍युनुपतिवा, ङे ख्‍यिराङला ख्‍याप्‍टाक क्‍यावु लेन ल्‍यामु ति ख्‍यिराङला येलुङ सिरिन। ख्‍यिराङ ती सुङ ति सेमला लानी तेपा रम्‍बु च्‍युङ्‍नी देन वे।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

२ कोरिन्थी 5:9

तुक क्‍यानी दाक्‍पु दी जुला देसिनाङ दी जु क्‍युर ज्‍याक्‍नी देसिनाङ चोवो येशूला तिराङ गा लोङ्‍गुप नोवा वे।

२ कोरिन्थी 6:1

ङ्‍यिरा कोन्‍छ्‍योककी थोक्‍ला मुला राङ लाका क्‍यावु तप्‍की ख्‍यिराङला ठाकुरे सिरिन, खोकी ख्‍यिराङला नङ्‍गुप कटिन ति तेर्मेला डो माज्‍यी।

गलाती 6:1

अच्‍युनुपतिवा, मी ललाइ दिक्‍पाला ख्‍येल्‍सुङ सिसिन ख्‍यिराङ तेपा कितुपतिवी कुसु ज्‍यम्‍बु क्‍यानी तीला ल्‍यामु जोप लाका की। ती पेला ख्‍यिराङ ति च्‍याङ्‍से किसा, मिसियाङ ख्‍यिराङ साङ दिक्‍पाला ख्‍येल्‍गितो।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

एफिसी 4:20

यिने ख्‍यिरा याङ ख्रीष्‍टकी कोर्ला तुकै मालाप वे।

एफिसी 5:17

तुक क्‍यानी अम्‍बारङ्‍शिङ माकी, यिने कोन्‍छ्‌योककी नोवा काङ यिनोक सिनी हाक्‍कोवा की।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 1:9

ख्‍यिरा रिक्‍पा ताङ ल्‍यामु मेलोवा काङ यिन सिरुप ति हाक्‍कोनी ख्‍यिरा ङ्‍यिङ्‍ज्‍ये ति मङ मङ फेलिन डोशी सिनी ङ मोपोर कितिन।

फिलिप्पी 3:14

येशू ख्रीष्‍ट नेमा कोन्‍छ्‍योककी देवाच्‍येन नेसुर ङला कताङ नङ्‍गुप छ्‍यक्‍तक थोपुपला ङ कशेन छ्‍योङ्‍बाल ग्‍यप्‍नी डोयी वे।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

कलस्सी 2:6

येशू ख्रीष्‍टला ङे चोवो यिन सिनी ख्‍यिरा सेमला लावु तप्‍की ख्‍यिराङ नरी खोकी सुङला ङ्‍येन्‍नी मिजी क्‍योङ।

१ थेसलोनिकी 3:12

चुक क्‍यानी ङ्‍यिरा ख्‍यिराङला ङ्‍यिङ्‍ज्‍ये क्‍यावे, तुक राङ क्‍यानी कोन्‍छ्‍योककी ख्‍यिराङला च्‍यिककी च्‍यिकला ताङ मी तेरीला मङ मङ ङ्‍यिङ्‍ज्‍ये कितुप जो नङ्‍शी।

१ थेसलोनिकी 4:2

तमा चोवो येशूकी ओङला चुका चुका कतिवा ङ्‍यिरा ख्‍यिराङला बिन वे, ती ति ख्‍यिराङला राङ छ्‍या वे।

१ थेसलोनिकी 5:12

अच्‍युनुपतिवा, ख्‍यिराङला ङ्‍यिराङ ठाकुरे सिनी गोङ्‍बा शोयी। ख्‍यिरा पर्ला टेमु क्‍यानी ख्रीष्‍टकी ओङला गोमा कितुप ताङ टोङ्‍गु तेरुपतिवाला ताङ्‍देन की।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

२ थेसलोनिकी 2:1

अच्‍युनुपतिवा, दाक्‍पी चोवो येशू ख्रीष्‍ट फेपुप ताङ दाक्‍पु खोला ठेतुपला मुला राङ जोम्‍बुप कोर्ला ङ्‍यिराङ ख्‍यिराङला गोङ्‍बा शोयी।

२ थेसलोनिकी 3:1

त तेरी सिनाङ तिङ्‍ला अच्‍युनुपतिवा, ङ्‍यिरा थोक्‍ला मोपोर किसा। कोन्‍छ्‍योककी लेन ल्‍यामु ति ख्‍यिरा पर्ला टम्‍बुप दोके टिम्‍बु क्‍यानी टम्‍शी, तमा दासा तेरीकी मीतिवी ताङ्‍देन क्‍यानी ङ्‍येन्‍शी,

२ थेसलोनिकी 3:13

अच्‍युनुपतिवा, ख्‍यिराङ ति लाका ल्‍यामु कितुपला यिछ्‍येता माकी।

१ तिमोथी 5:21

कोन्‍छ्‍योक ताङ येशू ख्रीष्‍ट ताङ कोन्‍छ्‍योककी पेन नङ्‍गुप देवाच्‍येनकी मीतिवी थोङ्‍दाङला ङ ख्‍युरुङला क छ्‍येम्‍बु तेरिन। ख्‍ये मापेवा क्‍यानी ख्‍युरुङ ङे सिक्‍यावु ठिमला वोतुप दोके क्‍यानी किसा।

२ तिमोथी 4:1

येशू ख्रीष्‍ट ग्‍येला कितुपला फेपुप पेला सेन्‍बु वोतुप ताङ शेपतिवा तेरीला ठिम क्‍या नङ्‍गिवी। तुक क्‍यानी कोन्‍छ्‍योक ताङ ती येशू ख्रीष्‍टकी थोङ्‍दाङला ङ ख्‍युरुङला क छ्‍येम्‍बु बिन्‍नी सिरिन।

हिब्रू 11:6

यिने कोन्‍छ्‍योकला तेपा माक्‍यासिन सी साङ खोला गा लोङ मुथुपी। सु खोकी चाला वुङ्‍गिवे, तीकी कोन्‍छ्‍योक ज्‍यु वोतुप ताङ खोला छोलुपतिवाला खोकी छ्‍यक्‍तक नङ्‍गिवी सिनी तेपा कि गोकिवी।

हिब्रू 13:16

च्‍यिककी च्‍यिकला ल्‍यामु कितुप ताङ रङगी लोला वोतुप च्‍यालकतिवा यम्‍बा गोवुतिवाला तेरुप लाका कितुप टोक माज्‍येता। च्‍यिलासिसिन दाक्‍पी तुका जिन्‍बा पुलुप ति कोन्‍छ्‍योकला सेमला डिवी।

हिब्रू 13:22

अच्‍युनुपतिवा, ङ ख्‍यिराङला ठाकुरे सिरिन, ङे टोङ्‍गु बिन्‍दुप ति ङ्‍येना। दी टोङ्‍गु ति ङे ख्‍यिराङला चेयी तिराङ टिनी वोतो।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

१ यूहन्‍ना 3:22

तमा दाक्‍पी काङ लङ्‍सिनाङ खोकी दाक्‍पुला नङ्‍गिवी। च्‍यिलासिसिन ती ति दाक्‍पु खोकी कला ङ्‍येन्‍नी खोला गा लङ्‍गुप लाका क्‍यावु तप्‍की यिन।