१ थेसलोनिकी 3:6 - कोन्छ्‌योककी सुङ

⁶ यिने तन्‍दा तिमोथी ख्‍यिरा तेसुर ङ्‍यिरा चाला वानी ख्‍यिरा तेपा ताङ ङ्‍यिङ्‍ज्‍ये क्‍यावु लेन ल्‍यामु ति ङ्‍यिराङला लाप्‍सुङ। तोजो तिराङ मिन, ख्‍यिरा ङ्‍यिराङला ङ्‍यिङ्‍ज्‍ये लानी नरी टेन्‍गिनोक। तमा ङ्‍यिरा ख्‍यिराङला ठेतुप नो क्‍यावु दोके ख्‍यिरा साङ ङ्‍यिराङला छासे ठेतुप नो क्‍या वे सिरुप ति तीकी ङ्‍यिराङला लाप्‍सुङ।

१ थेसलोनिकी 3:6 Iomraidhean Croise

लोमा छ्‍येतिवी लाका 16:1

तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

लोमा छ्‍येतिवी लाका 18:1

ती ज्‍युक्‍ला पावल एथेन्‍स नेसुर थेन्‍नी कोरिन्‍थला गाल्‍नोक।

लोमा छ्‍येतिवी लाका 18:5

ती पेला सिलास ताङ तिमोथी माकेडोनिया नेसुर वानोक। तुक क्‍यानी पावल ति कुर जोप लाका क्‍युर ज्‍याक्‍नी सुङ ख्‍याप्‍टाक कितुप ताङ यहूदीतिवाला येशू ति ख्रीष्‍ट यिन सिनी पङ्‍बु तेरिन नोक।

१ कोरिन्‍थी 11:2

ख्‍यिरा ङला नरी टेन्‍दुप ताङ ङे लापुप येन्‍देनला ङ्‍येन्‍दुप तप्‍की ङ ख्‍यिरा थोक्‍ला छासे गा लान वे।

१ कोरिन्‍थी 13:13

तुक क्‍यानी तेपा कितुप ताङ रेवा कितुप ताङ ङ्‍यिङ्‍ज्‍ये कितुप दी सुमतिवा ति नरी लुकिवी, यिन्‍सिनाङ दिवा सुमकी पर्ला खक्‍छ्‍येवु ति ङ्‍यिङ्‍ज्‍ये कितुप राङ यिन।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

फिलिप्पी 1:8

येशू ख्रीष्‍टकी सेम दोके ख्‍यिराङ तेरीला ङ छासे नासाम शर्नी ठेतुपला गा लासुङ। दी ताम्‍ङे ति टेङ्‍बु यिन। तीकी थोक्‍ला कोन्‍छ्‍योक पङ्‍बु वे।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

कलस्सी 4:18

ङ पावलकी छ्‍योक नेमा ख्‍यिराङला टसी देलेक वोतो। दी टसी देलेक सिक्‍यावु ति ङे लाक्‍पी राङ टिवु यिनो। ङ चोन्‍खाङला शोर्नी च्‍याटोक ग्‍यपुप ति ख्‍यिरा टोक माज्‍येता। कोन्‍छ्‍योककी कटिन ति ख्‍यिरा मुला लुशी।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ थेसलोनिकी 2:17

अच्‍युनुपतिवा, दाक्‍पु तन्‍दा चेयी पर सेक दासा कुतुक कुतुकला देनी वे, यिने सेम ति च्‍यिक्‍पा राङ वोतुप तप्‍की ख्‍यिराङला छासे ठेयिन्‍दे लासुङ।

१ थेसलोनिकी 2:9

अच्‍युनुपतिवा, ङ्‍यिरा हुर्ताक क्‍यानी रङगी टेमु क्‍यावु याङ ख्‍यिराङला छ्‍या राङ वे। ख्‍यिराङ सुला साङ काले मेख्‍येल्‍शी सिनी ङ्‍यिरा ङ्‍यी ताङ नुप्‍ज्‍या लाका बङी क्‍यानी कोन्‍छ्‍योककी लेन ल्‍यामु ति ख्‍यिरा पर्ला ख्‍याप्‍टाक क्‍यायिन।

१ थेसलोनिकी 3:7

तुक क्‍यानी अच्‍युनुपतिवा, ख्‍यिरा तेपा क्‍यावु तप्‍की ङ्‍यिराङ दुक्‍पा ताङ छेटाङला ख्‍येलुप पेला साङ ङाडेङ ङ्‍येनी वे।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

फिलेमोन 1:5

च्‍यिलासिसिन ख्‍योरो तेपा ति चोवो येशूला वोतुप ताङ कोन्‍छ्‍योकला तेपा कितुप मी तेरीला ख्‍योरो ङ्‍यिङ्‍ज्‍ये क्‍यावु ति ङे थोसुङ।

हिब्रू 13:3

ख्‍यिराङ खुरुङ साङ चोन्‍खाङला वोतुप दोके नासाम तङ्‍नी चोन्‍खाङला शोरुप तिवाला ङ्‍याम किसा। तमा मीतिवी पाङ्‍शर तङ्‍गुपतिवाला साङ नासाम तोङ, च्‍यिलासिसिन ख्‍यिराङ साङ जुला राङ वे।

हिब्रू 13:7

ख्‍यिराङला कोन्‍छ्‍योककी सुङ लोपुप गेकेनतिवाला नासाम तोङ। तिवी चुक क्‍यानी मिजी क्‍याङ्‍सुङ, तिवा चुक क्‍यानी शिसुङ, तीकी कोर्ला ल्‍यामु क्‍यान ल्‍हानी ख्‍यिराङ साङ तिवी दोके तेपा किसा।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।