१ थेसलोनिकी 3:4 - कोन्छ्‌योककी सुङ

⁴ तोङ्‍ला ङ्‍यिराङ ख्‍यिरा मुला वोतुप पेला साङ ख्‍यिराङला छेटाङ ख्‍येल्‍गिवी सिनी ङ्‍यिरा ख्‍यिराङला थेङ्‍मा बङी सिक्‍यायिन। दी ति वुतुङ के च्‍युङ्‍सुङ। ती ति ख्‍यिराङला साङ छ्‍या वे।

१ थेसलोनिकी 3:4 Iomraidhean Croise

मत्ती 24:25

ङ्‍येना, ङ दी ताम्‍ङे ति गोमाला के ख्‍यिराङला सिरिन वे।

लोमा छ्‍येतिवी लाका 17:1

ती ज्‍युक्‍ला पावल ताङ सिलास अम्‍फिपोलिस ताङ अपोल्‍लोनियाकी लाम नेवा क्‍यानी थेसलोनिकेला वासुङ। ते यहूदी छ्‍योखाङ यी नोक।

लोमा छ्‍येतिवी लाका 17:13

पावलकी बेरियाला साङ कोन्‍छ्‍योककी सुङ ख्‍याप्‍टाक कियी नोक सिरुप ति थेसलोनिकेकी यहूदीतिवी हाक्‍कोनी तिवा ते साङ वानी मी माङ्‍छ्‍योकला ठका ठुका जोसुङ।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

१ थेसलोनिकी 2:14

अच्‍युनुपतिवा, ख्‍यिराङ यहूदियाला वोतुप तेपा कितुप कोन्‍छ्‍योककी चर्चकी मीतिवी दोके लुमु सेतुप च्‍युङ्‍सुङ। च्‍यिलासिसिन यहूदियाला वोतुप तेपा कितुप मीतिवाला तेपा मिकिवु यहूदीतिवी छेटाङ बिन्‍दुप दोके ख्‍यिरा साङ ख्‍यिरा लुङ्‍बी मीतिवा नेसुर छेटाङ खुरिन वे।

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

२ थेसलोनिकी 2:5

ती ताम्‍ङे ति ङ ख्‍यिरा मुला वोतुप पेला नेज्‍युनी ख्‍यिराङला सिक्‍यावु मिन रो?

२ थेसलोनिकी 3:10

च्‍यिलासिसिन ङ्‍यिराङ ख्‍यिरा मुला वोतुप पेला “सी लाका मिकिवे, तीकी समा साङ मासाशी।” सिनी ख्‍यिराङला टोङ्‍गु बिन्‍दुप यिन।