१ थेसलोनिकी 3:2 - कोन्छ्‌योककी सुङ

² कोन्‍छ्‍योककी सुङ ख्‍याप्‍टाक कितुप दाक्‍पी नुप तिमोथीला ख्‍यिरा ते तङ्‍यिन। च्‍यिलासिसिन तीकी ख्‍यिराङला तेपा रम्‍बु क्‍यानी दे ज्‍यितुपला ताङ टोङ्‍गु तेरुपला ताङ

१ थेसलोनिकी 3:2 Iomraidhean Croise

लोमा छ्‍येतिवी लाका 16:1

तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

लोमा छ्‍येतिवी लाका 16:5

तमा चर्चकी मीतिवा तेपा रम्‍बु डोयी गल्‍नी ङ्‍यिमी टेङ फेलिन गाल।

लोमा छ्‍येतिवी लाका 18:5

ती पेला सिलास ताङ तिमोथी माकेडोनिया नेसुर वानोक। तुक क्‍यानी पावल ति कुर जोप लाका क्‍युर ज्‍याक्‍नी सुङ ख्‍याप्‍टाक कितुप ताङ यहूदीतिवाला येशू ति ख्रीष्‍ट यिन सिनी पङ्‍बु तेरिन नोक।

रोमी 16:21

ङे मुला राङ कोन्‍छ्‍योकला शब्‍ज्‍यी बुलुप तिमोथी ताङ ङे छेङ्‍गा लुकियस ताङ यासोन ताङ सोसिपात्रोसकी साङ ख्‍यिराङला टसी देलेक सिनी ताङ वोतो।

१ कोरिन्‍थी 3:10

कोन्‍छ्‍योककी ङला नङ्‍गुप कटिनकी राङ ङ ति खाङ्‍बा जोप मी खामु दोके डम्‍ज्‍यी तिङ्‍यिन। तमा यम्‍बातिवी ती डम्‍ज्‍यी खला खाङ्‍बा जेवी। तमा खाङ्‍बा जोपतिवी चुक क्‍यानी जो गोकिवी सिनी नासाम ल्‍यामु तोङ गोकिवी।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

२ कोरिन्थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुप ङ पावल ताङ दाक्‍पी नुप तिमोथी नेसुर कोरिन्‍थीला वोतुप कोन्‍छ्‍योककी चर्चकी मीतिवा ताङ अखैया लुङ्‍बाला वोतुप तेरी कोन्‍छ्‍योकला तेपा कितुप मीतिवाला टिवु यिनो।

२ कोरिन्थी 1:19

च्‍यिलासिसिन सिलास ताङ तिमोथी ताङ ङे ख्‍यिराङला ख्‍याप्‍टाक क्‍यावु कोन्‍छ्‍योककी सेवु येशू ख्रीष्‍ट साङ पर्साला “यिन”, पर्साला “मिन” सिनी ताम्‍ङे ङ्‍यी कितुप मिन। यिने खो ति नरी “यिन” सिरुप तिराङ वे।

२ कोरिन्थी 2:12

ङ ख्रीष्‍टकी कोर्ला लेन ल्‍यामु ख्‍याप्‍टाक कितुपला त्रोआसला वुङ्‍गुप पेला चोवोकी ङला खोकी थोक्‍ला शब्‍ज्‍यी कितुप लाम पेन नाङ्‍सुङ।

२ कोरिन्थी 2:13

यिने ङे मुला लाका कितुप नुप तीतसला ते माठेसिमा ङला लोदिमु माच्‍युङ। तुक क्‍यानी ते वोतुप मीतिवी मु नेसुर क्‍येनी माकेडोनियाला गलिन।

२ कोरिन्थी 8:23

तीतस ति ख्‍यिरा थोक्‍ला ङे मुला राङ लाका कितुप दाल्‍जा यिन। यम्‍बा नुपतिवा ति चर्चतिवी शब्‍ज्‍यी कितुपला पेतुप मीतिवा यिन। तिवा ख्रीष्‍टकी थोङ्‍दाङला ताङ्‍देन वोतुप मीतिवा यिन।

फिलिप्पी 1:25

दी ताम्‍ङे ति तेन्‍तेन हाक्‍कोनी ङ सेन्‍बु देतिन। ख्‍यिराङ येशूला तेपा क्‍यानी येर्के डोप ताङ गा किशी सिनी ङ ख्‍यिराङ तेरीकी मुला नरी देतिन।

कलस्सी 1:1

टसी देलेक! दी यिकी ति कोन्‍छ्‍योककी नोवा नेसुर ख्रीष्‍ट येशूकी लोमा छ्‍ये ङ पावल ताङ नुप तिमोथी नेसुर

कलस्सी 1:7

दी कोन्‍छ्‍योककी कटिन ति ङ्‍यिरा मुला राङ शब्‍ज्‍यी कितुप दाल्‍जा इपाफ्रास नेसुर ख्‍यिराङला लापुप यिन। ती ति ङ्‍यिरा छापला ख्‍यिरा पर्ला ख्रीष्‍टकी थोक्‍ला लाका कितुप खोङ्‍तेर्मु वोतुप नुप यिन।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

कलस्सी 4:9

तीकी मुला ङ्‍यिरा ङ्‍यिङ्‍ज्‍येवु ताङ खोङ्‍तेर्मु वोतुप नुप ओनेसिमस साङ वुङ्‍यिन वोतो। ती ति ख्‍यिरा मु नेसुर राङ वावु मी यिनो। दे च्‍युङ्‍गुप ताम्‍ङेतिवा तिवी राङ तेरी ख्‍यिराङला लप्‍कितो।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

१ थेसलोनिकी 3:5

तुक क्‍यानी ङ तरोङ साङ हम क्‍यानी दे माथुप्‍नी ती खोक्‍पा ल्‍हाप शैतानकी ख्‍यिराङला साङ खोक्‍पा ल्‍हासिन ङ्‍यिरा क्‍यावु टेमु ति तेर्मे राङ डिते सिनी ज्‍यिवा लानी ख्‍यिरा तेपा चुकै नोक सिनी ल्हापला तिमोथीला ख्‍यिरा ते तङ्‍गुप यिन।

२ थेसलोनिकी 2:17

ख्‍यिरा सेमला लोदिमु नङ्‍शी, तमा तेरी लाका ताङ ताम्‍ङे ल्‍यामु कितुपला ख्‍यिराङला रम्‍बु जो नङ्‍शी।