१ थेसलोनिकी 3:11 - कोन्छ्‌योककी सुङ

¹¹ त दाक्‍पी पपा कोन्‍छ्‍योक ताङ चोवो येशू ख्रीष्‍टकी ङ्‍यिराङला ख्‍यिरा चाला वुङ्‍गुप लाम ति पेन नङ्‍शी।

१ थेसलोनिकी 3:11 Iomraidhean Croise

मत्ती 6:14

दोजो ख्‍यिराङला मेलोवा कितुपतिवाला ख्‍यिरा माफ बिन्‍सुङ सिसिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी साङ ख्‍यिराङला माफ नङ्‍गिवी।

मत्ती 6:18

तुक क्‍यानी ख्‍योरो ङ्‍युङ्‍ने र्‍हुङ्‍गुप ति मीतिवाला थोङ माच्‍यिनी छ्‍याकला ज्‍यु वोतुप ख्‍यिरा पपा कोन्‍छ्‍योकला थोङ च्‍यी। तमा ती छ्‍याकला ज्‍यु वोतुप ख्‍यिरा पपा कोन्‍छ्‍योककी ख्‍यिराङला छ्‍यक्‍तक नङ्‍गिवी।”

मत्ती 6:26

नामगी च्‍यच्‍युमतिवाला ल्हो। तिवी सेन साङ मेदेपी, सप्‍ले साङ मुदुवी, तमा पङाङ नाङ्‍ला दुम्‍बुप साङ मुदुम्बिवी। यिने देवाच्‍येनला ज्‍यु वोतुप ख्‍यिरा पपा कोन्‍छ्‍योककी राङ तिवाला ल्‍हेवी। काङ ख्‍यिराङ याङ ती च्‍यच्‍युमतिवा सिनाङ मङ खक्‍छ्‍येवु मिन रो?

मत्ती 6:32

दिवा तेरी ति कोन्‍छ्‍योकला ङो माशेवु मिरिक यम्‍बातिवी छोल्‍गिवी। यिने देवाच्‍येनला ज्‍यु वोतुप पपा कोन्‍छ्‍योककी ख्‍यिराङला ती तेरी गोकिवी सिनी छ्‍या वे।

मत्ती 6:4

ख्‍योरो कतुकारला तेरुप ति छ्‍याकला ज्‍योक। तमा छ्‍याकला ख्‍योरे क्‍यावु लाका थोङ्‍गुप ख्‍योरो पपा कोन्‍छ्‍योककी ख्‍युरुङला छ्‍यक्‍तक नङ्‍गिवी।”

मत्ती 6:6

ख्‍युरुङ मोपोर कितुप पेला खाङ्‍बी नाङ्‍ला गल्‍नी गो च्‍येनी छ्‍याकला ज्‍यु वोतुप ख्‍योरे पपा कोन्‍छ्‍योकला मोपोर की। तुक क्‍यासिन छ्‍याकला ख्‍योरो क्‍यावु लाका थोङ्‍गुप ख्‍योरो पपा कोन्‍छ्‍योककी ख्‍युरुङला छ्‍यक्‍तक नङ्‍गिवी।

मर्कूस 1:3

दासा पाङ्‍थेरीला दुक सिनी च्‍यार देन्‍दुप वोरु ग्‍येकितो, ‘चोवो फेपुप लाम टडिक की। खो फेपुप लाम थेकाङ जो।’”

लूका 12:30

कोन्‍छ्‍योकला ङो माशेवु मिरिक यम्‍बातिवी के दिवा तेरी छोल्‍गिवी। दिवा ख्‍यिराङला गोकिवी सिनी ख्‍यिरा पपा कोन्‍छ्‍योकला राङ छ्‍या वे।

लूका 12:32

“ओ छो टिक्‍पे, ज्‍यिवा माकी, च्‍यिलासिसिन ख्‍यिरा पपा कोन्‍छ्‍योककी ख्‍यिराङला खोकी ग्‍येल्‍खाप नङ्‍गुपला गा किनोक।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

रोमी 1:3

ती येशू ख्रीष्‍ट ति जम्‍बुलिङकी ताम्‍ङे कितुप पेला ग्‍येल्‍वु दाऊदकी गिपा नेमा क्‍येवु यिन।

२ कोरिन्थी 6:18

“तमा ङ ख्‍यिरा पपा यिनो, ख्‍यिराङ ति ङे पुज्‍युङपुमतिवा यिनो। सिनी चोछ्‍ये वोतुप चोवो कोन्‍छ्‍योककी सुङ्‍गिवी।”

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

कलस्सी 1:2

कलस्‍सेला देतुप कोन्‍छ्‍योकला तेपा कितुप चाङ्‍मा ताङ खोङ्‍तेर्मु वोतुप अच्‍युनुपतिवाला टिवु यिनो। दाक्‍पी पपा कोन्‍छ्‍योककी ख्‍यिराङला कटिन ताङ लोदिमु नङ्‍शी।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

१ थेसलोनिकी 4:16

च्‍यिलासिसिन चोवो फेपुप पेला क नङ्‍गुप थोर ग्‍येर्पु ताङ देवाच्‍येनकी लेन क्‍योलुप थु छ्‍येकी वोरु ताङ कोन्‍छ्‍योककी ग्‍यङ्‍डा तोङ्‍गुप वोरु ताङ मुला देवाच्‍येन नेमा पाप्‍नी फेप्‍किवी। तमा ख्रीष्‍टला तेपा क्‍यानी शेपतिवा ति गोमाला के सेन्‍बु लङ्‍गिवी।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ थेसलोनिकी 2:16

तमा दाक्‍पुला ङ्‍यिङ्‍ज्‍ये क्‍या नङ्‍गुप ताङ खोकी कटिन नेसुर नरीकी थोक्‍ला टोङ्‍गु ताङ रेवा ल्‍यामु नङ्‍गुप दाक्‍पी पपा कोन्‍छ्‍योक ताङ चोवो येशू ख्रीष्‍टकी

२ थेसलोनिकी 3:16

त लोदिमु वोतुप चोवोकी ख्‍यिराङला चो पेला कनी गल्‍सिनाङ नरी लोदिमु नङ्‍शी। तमा खो नरी ख्‍यिरा तेरीकी मुला राङ ज्‍युशी।

२ थेसलोनिकी 3:5

कोन्‍छ्‍योककी ख्‍यिराङला चुक क्‍यानी ङ्‍यिङ्‍ज्‍ये क्‍या नङ्‍गुप ताङ ख्रीष्‍टकी चो छेटाङ ख्‍येल्‍सिनाङ हम क्‍या देतुप ति ख्‍यिरा सेमला ल्‍यामो क्‍यानी हाक्‍कोवुला गोमा किशी।

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।

ज्‍यल्‍का 21:3

ती ज्‍युक्‍ला ग्‍येल्‍ठिक नेमा दुक सिनी वोरु थोर ग्‍यपुप ति ङे थोसुङ, “ल्‍होसा, तफेन्‍ला कोन्‍छ्‍योककी देसा ति मीतिवी मुला गिवी। तमा खो मीतिवी मुला ज्‍युकिवी। मीतिवा खोकी गिपा च्‍युङ्‍गिवी। खो खुरुङ मीतिवी मुला ज्‍युकिवी, तमा खो ति तिवी कोन्‍छ्‍योक च्‍युङ्‍गिवी।