१ थेसलोनिकी 3:10 - कोन्छ्‌योककी सुङ

¹⁰ ख्‍यिराङला येलुङ ठेनी ख्‍यिरा तेपा ति मङ रम्‍बु जोपला ङ्‍यी ताङ नुप्‍ज्‍या ङ्‍यिराङ कोन्‍छ्‍योकला मोपोर कितिन।

१ थेसलोनिकी 3:10 Iomraidhean Croise

लूका 2:37

तमा युक्‍सिम फोक्‍नी लो खाल गे ताङ ज्‍यी लेपुप पेला सेक ल्‍हङाङला क्‍युर्नी माज्‍याक्‍नी ङ्‍युङ्‍ने र्‍हुङ्‍यिन ताङ मोपोर कियी ङ्‍यी ताङ नुप्‍ज्‍या कोन्‍छ्‍योकला सोवा देकिनोक।

लोमा छ्‍येतिवी लाका 26:7

दाक्‍पी गिपा च्‍यिङ्‍ङीकी मीतिवी ङ्‍यी ताङ नुप्‍ज्‍या सेम च्‍यिक राङ च्‍युङ्‍नी ती कोन्‍छ्‍योककी थाक्‍छ्‍येन नङ्‍गुप ति ङ्‍येतुपला सोवा तेक्‍नी रेवा क्‍यासुङ। ओ ग्‍येल्‍वु, दी रेवाकी थोक्‍ला यहूदीतिवी ङला क्‍येन ग्‍यम वे।

२ कोरिन्थी 1:15

ती ताम्‍ङे ति ङला तेन्‍तेन वोतुप तप्‍की गोमाला ङे ख्‍यिराङला ठेतुपला वुङ्‍गुप नो क्‍यायी। तुक क्‍यासिन ङ ख्‍यिरा ते थेङ्‍मा ङ्‍यी वासिमा ख्‍यिराङला लोदिमु च्‍युङ्‍गिवी।

२ कोरिन्थी 1:24

ङ्‍यिरा ख्‍यिराङला चुक क्‍यानी तेपा कि गोकिवी सिनी ओङ्‍ज्‍येन कितुपला कार क्‍यावु मिन, यिने ख्‍यिराङला गा लोङ्‍गुपला राङ ङ्‍यिराङ ख्‍यिरा मुला लाका कितिनो। च्‍यिलासिसिन ख्‍यिराङ याङ येशूला तेपा रम्‍बु वे।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

२ कोरिन्थी 13:9

ङ्‍यिराङ ङार मेतुप वोसिनाङ ख्‍यिराङ ति रम्‍बु वोतुप पेला ङ्‍यिराङ छासे गा लङ्‍गिवी। ख्‍यिराङ तेरी येर्के गल्‍नी ल्‍यामु च्‍युङ्‍शी सिनी ङ्‍यिराङ मोपोर किवी।

फिलिप्पी 1:25

दी ताम्‍ङे ति तेन्‍तेन हाक्‍कोनी ङ सेन्‍बु देतिन। ख्‍यिराङ येशूला तेपा क्‍यानी येर्के डोप ताङ गा किशी सिनी ङ ख्‍यिराङ तेरीकी मुला नरी देतिन।

कलस्सी 1:28

ङ्‍यिराङ दी ख्रीष्‍टकी कोर्ला मीतिवा तेरीला ख्‍याप्‍टाक कितिन। तमा तेरीकी ख्रीष्‍टला तेपा रम्‍बु क्‍यानी कोन्‍छ्‍योककी थोङ्‍दाङला ल्‍यामु वोतुप जोपला ङ्‍यिराङला वोतुप तेरी रिक्‍पा नेसुर तिवा रे रेला टोङ्‍गु ताङ येन्‍देन तेर्किवी।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 3:11

त दाक्‍पी पपा कोन्‍छ्‍योक ताङ चोवो येशू ख्रीष्‍टकी ङ्‍यिराङला ख्‍यिरा चाला वुङ्‍गुप लाम ति पेन नङ्‍शी।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

फिलेमोन 1:22

तमा यम्‍बा साङ ताम्‍ङे च्‍यिक वे। ख्‍यिरा क्‍यावु मोपोरकी ङ ख्‍यिरा ते वुङ थुप्‍किवी सिरुप ति ङे रेवा क्‍या वे। तुक क्‍यानी ङे थोक्‍ला देतुप दासा यी टडिक क्‍यानी ज्‍योका।

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”

ज्‍यल्‍का 7:15

तुक क्‍यानी तिवा कोन्‍छ्‍योककी ग्‍येल्‍ठिककी चिप्‍ला वे। तिवा ङ्‍यी ताङ नुप्‍ज्‍या खोकी ल्‍हङाङला देनी खोला शब्‍ज्‍यी बुल्‍गिवी। तमा ग्‍येल्‍ठिकला ज्‍यु वोतुप तीकी तिवी मुला ज्‍युनी तिवाला र्‍होक्‍टे किवी।