१ थेसलोनिकी 2:6 - कोन्छ्‌योककी सुङ

^6-7 ङ्‍यिराङ ख्रीष्‍टकी लोमा छ्‍ये यिन्‍दुप तप्‍की ङ्‍यिरा ख्‍यिरा खला ओङ्‍ज्‍येन साङ कि थुप्‍किवी, यिने ख्‍यिराङ ताङ मी यम्‍बा सु नेसुर साङ ङ्‍यिरा ताङ्‍देन माछल्‍नी आमी खोरो आङातिवाला ल्‍हावु दोके ङ्‍यिराङ ख्‍यिरा पर्ला सेम बोल्‍मु च्‍युङ्‍यिन।

१ थेसलोनिकी 2:6 Iomraidhean Croise

यूहन्‍ना 12:43

तिवा कोन्‍छ्‍योक नेमा वुङ्‍गुप मोवा छोलुप सिनाङ मीतिवी खोप्‍राङला ताङ्देन क्‍यावु ति मङ गा किनोक।

यूहन्‍ना 5:41

ङ ति मीतिवा नेसुर मोवा ङ्‍येतुप मोछोल।

यूहन्‍ना 5:44

ख्‍यिराङ च्‍यिककी च्‍यिक नेमा ताङ्‍देन ङ्‍येतुपला गा किवी, यिने च्‍यिक राङ वोतुप कोन्‍छ्‍योक नेमा वुङ्‍गुप मोवा ति मोछोली सिसिन ख्‍यिरा चुक क्‍यानी तेपा कि थुप्‍किवी रो?

यूहन्‍ना 7:18

खोरो राङ लापुप मी तीकी मीतिवा नेसुर ताङ्‍देन छोल्‍गिवी, यिने खोरुङला तोङ्‍गुप तीला मोवा कितुप नो वोतुप मी ति टेङ्‍बु वे, तीकी काङ साङ जिनोक मोजोवी।

१ कोरिन्‍थी 11:9

तमा पुम्‍पेजी थोक्‍ला ख्‍योक्‍पेजा जोवु मिन, यिने ख्‍योक्‍पेजी थोक्‍ला पुम्‍पेजा जोवु यिन।

२ कोरिन्थी 13:10

ख्‍यिरा मु नेसुर ङ थाक्‍रिङ्‍बु वोतुप तप्‍की दी यिकी टिकिन वोतो। दीकी तेन्‍दोक ति ङ ख्‍यिरा ते वुङ्‍गुप पेला चोवोकी ङला नङ्‍गुप ओङ्‍ज्‍येन नेसुर ङे ख्‍यिराङला च्‍युरुवु कि मोगोशिता। ती ओङ्‍ज्‍येन ति ख्यिराङला ना तोङ्‍गुपला मिन, तेपा रम्‍बु जोपला यिन।

२ कोरिन्थी 4:5

ङ्‍यिराङ रङगी कोर्ला ख्‍याप्‍टाक मिकिवी, यिने येशू ख्रीष्‍ट तिराङ चोवो यिन सिरुप ताङ ङ्‍यिराङ ति येशूकी थोक्‍ला शब्‍ज्‍यी कितुप ख्‍यिरा योक्‍पु यिन सिनी ख्‍याप्‍टाक किवी।

गलाती 1:10

त ङे सिक्‍यावु ताम्‍ङे ति मीला गा लोङ्‍गुपला यिनाङ की, कोन्‍छ्‍योकला गा लोङ्‍गुपला यिन? याङ्‍ना ङ मीतिवा नेसुर ताङ्‍देन छोलुपला यिन? ङे तरोङ साङ मीतिवा नेसुर ताङ्‍देन छोलुप लाका क्‍यासुङ सिसिन ङ ख्रीष्‍टला शब्‍ज्‍यी कितुप लावा मिन।

गलाती 5:26

दाक्‍पु ङ राङ यिन सिरुप मेवी, च्‍यिककी च्‍यिकला ङ्‍यिर्मु लोङ्‍गुप मेवी, तमा च्‍यिककी च्‍यिकला ठतोक साङ कितुप मेवी।

गलाती 6:13

सी यहूदी च्‍येतुप लुक्‍सु तेन्‍गिवे, तीकी ठिमला मेतेन्‍दी। यिन्‍सिनाङ ख्‍यिराङला ति च्‍येतुप लुक्‍सु तेन गोकिवी सिनी सिवी। तिवी तुक क्‍यावु तेन्‍दोक ति ख्‍यिरा जुकी थोक्‍ला तेके कितुपला यिन।

१ थेसलोनिकी 2:9

अच्‍युनुपतिवा, ङ्‍यिरा हुर्ताक क्‍यानी रङगी टेमु क्‍यावु याङ ख्‍यिराङला छ्‍या राङ वे। ख्‍यिराङ सुला साङ काले मेख्‍येल्‍शी सिनी ङ्‍यिरा ङ्‍यी ताङ नुप्‍ज्‍या लाका बङी क्‍यानी कोन्‍छ्‍योककी लेन ल्‍यामु ति ख्‍यिरा पर्ला ख्‍याप्‍टाक क्‍यायिन।

१ तिमोथी 5:17

चर्चला ल्हाटे क्‍यानी गोमा कितुप मीतिवाला तेरीकी दोम्‍बा ङ्‍यी ताङ्‍देन कि गोकिवी। खक्‍छ्‍येवुला कोन्‍छ्‍योककी सुङ ख्‍याप्‍टाक कितुप ताङ लोपुप मीतिवाला मङ ताङ्‍देन की।