१ थेसलोनिकी 2:5 - कोन्छ्‌योककी सुङ

⁵ ङ्‍यिरा नाम्‍साङ मीतिवाला ताम्‍ङे ल्‍यामु तिराङ क्‍यानी गा लोङ्‍गुप लाका माक्‍या। तमा देर्पा साङ माक्‍यावु ति ख्‍यिराङला छ्‍या राङ वे। दीकी पङ्‍बु ति कोन्‍छ्‍योक राङ यिन।

१ थेसलोनिकी 2:5 Iomraidhean Croise

मत्ती 22:16

तमा तिवी खोप्‍रे लोमातिवाला ग्‍येल्‍वु हेरोदकी छोक्‍पाकी मीतिवी मुला येशूकी चाला ताङ्‍नी खोला दुक सिनी टि च्‍यिसुङ, “गेकेन, गेकेन याङ टेङ्‍बु यिन। गेकेनकी मीतिवी थोक्‍ला कोन्‍छ्‍योककी नोवा काङ यिन सिरुपकी कोर्ला टेङ्‍बो लोप्‍किवी। तमा सुला साङ ज्‍यिवा मिकिवी, च्‍यिलासिसिन गेकेनकी मीतिवाला ल्‍हानी ती मीतिवा ति सु यिन सिनी ङ्‍याम मिकिवी।

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

लोमा छ्‍येतिवी लाका 20:33

मी ज्‍येनकी सेर ङुल ताङ कोन्‍दुप मज्‍याला ङे नाम्‍साङ देर्पा माक्‍या।

रोमी 1:9

ङ ङे सेमगी दिङ नेज्‍युनी खोकी सेवु येशू ख्रीष्‍टकी थोक्‍ला लेन ल्‍यामु ख्‍याप्‍टाक क्‍यानी खोला शब्‍ज्‍यी क्‍यावु तप्‍की ङे नरी ख्‍यिराङला टेन्‍नी ङ्‍यी ताङ नुप्‍ज्‍या ख्‍यिरा थोक्‍ला मोपोर क्‍यावु ति कोन्‍छ्‍योकला राङ छ्‍या वे।

रोमी 16:18

च्‍यिलासिसिन तुका मीतिवी दाक्‍पी चोवो येशू ख्रीष्‍टकी थोक्‍ला शब्‍ज्‍यी कितुप मिन, यिने खोरो सुप सोपला तिराङ कोन्‍छ्‍योकला शब्‍ज्‍यी किवी। तिवा ताम्‍ङे ल्‍यामु ल्‍यामु क्‍यानी क्‍योक्‍पु लोक्‍पु मिकिवु मीतिवाला साङ जिनोक जेवी।

रोमी 9:1

ङ येशू ख्रीष्‍टकी मी यिन्‍दुप तप्‍की ख्‍यिराङला जिनोक माजोनी टेङ्‍बो सिरिन। दी ताम्‍ङे ति कोन्‍छ्‍योककी थु चाङ्‍मा नेमा ङे सेमगी पङ्‍बु तेर्किवी।

२ कोरिन्थी 12:17

काङ ङे ख्‍यिरा ते तङ्‍गुप मीतिवी पर्ला ललाइ मीतिवी ख्‍यिरा लो नेसुर ख्‍येप्‍साङ तेन्‍सुङ रो?

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

२ कोरिन्थी 7:2

ख्‍यिरा ङ्‍यिराङला ङ्‍यिङ्‍ज्‍ये क्‍यानी सेमला लो। ङ्‍यिरा सुला साङ मेलोवा माक्‍या वे, तमा सुला साङ दुक्‍पा माबिन वे। ङ्‍यिरा सी लो नेसुर साङ ख्‍येप्‍साङ माला वे।

गलाती 1:20

दी ङे ख्‍यिरा थोक्‍ला टिवु ताम्‍ङे ति तेरी कोन्‍छ्‍योककी थोङ्‍दाङला टेङ्‍बु वे।

१ थेसलोनिकी 2:10

तमा ख्‍यिराङ तेपा कितुपतिवी पर्ला ङ्‍यिरा किताङ नालु ति चाङ्‍मा ताङ टेङ्‍बु वोतुप ताङ काङ साङ क्‍येन मेतुप ति ख्‍यिराङ राङ पङ्‍बु वे, तमा कोन्‍छ्‍योक साङ पङ्‍बु वे।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 3:8

तुक राङ क्‍यानी चर्चला ल्हाटे कितुप मीतिवा साङ नासाम ल्‍यामु तोङ्‍गुप वुङ गोकिवी। तन्‍दा राङ च्‍यिक तन्‍दा राङ च्‍यिक सिरुप ताङ छ्‍याङ्‍गेले कितुप ताङ नोरला देर्पा कितुप मिन,

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

१ पत्रुस 5:2

ख्‍यिराङला चेक तेन ज्‍यकुप कोन्‍छ्‍योककी पेतुप मीतिवाला लुक गोठालाकी लुकतिवाला ल्‍हावु दोके क्‍यानी ल्‍यामु ल्‍हटे किसा। कर्खापला ख्‍येल्‍नी कितुप मिन, यिने कोन्‍छ्‍योककी नोवा यिन सिनी सेम्‍बा सेमगी किसा। टङ्‍गा डेवी देर्पाला ख्‍येल्‍नी मिन, यिने गा क्‍यानी किसा।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।