१ थेसलोनिकी 2:4 - कोन्छ्‌योककी सुङ

⁴ यिने कोन्‍छ्‍योककी ङ्‍यिराङला लो तेन्‍नी लेन ल्‍यामु ख्‍याप्‍टाक कि च्‍यिसुङ। ङ्‍यिरा ख्‍याप्‍टाक क्‍यावु लेन ल्‍यामु ति मीला गा लोङ्‍गुपला मिन, यिने दाक्‍पी सेम ल्‍हाप कोन्‍छ्‍योकला गा लोङ्‍गुपला यिन।

१ थेसलोनिकी 2:4 Iomraidhean Croise

लूका 12:42

तमा चोवोकी सुङ्‍सुङ, “चुका मी ति खोङ्‍तेर्मु ताङ रिक्‍पा वोतुप खाङ्‍बी लाका चेक लावु मी वोज्‍यिवी? ज्‍यिन्‍दाककी तीला खोरो यम्‍बा लावातिवाला टेके तुजेला समा तेरुपला चेक तेकिवी।

लूका 16:11

तुक क्‍यानी दोजो ख्‍यिराङ जम्‍बुलिङकी टोङ्‍बाला खोङ्‍तेर्मु मेसुङ सिसिन सी देवाच्‍येनकी टोङ्‍बा टेङ्‍बु ति ख्‍यिराङला चेक तेकिवी?

यूहन्‍ना 21:17

तमा थेङ्‍मा सुम्‍बाला येशूकी पत्रुसला “यूहन्‍नाकी पुज्‍युङ सिमोन, काङ ख्‍युरुङ ङला ङ्‍यिङ्‍ज्‍ये किवी?” सिनी टि नाङ्‍सुङ। खोकी थेङ्‍मा सुम सेक “ख्‍योरो ङला ङ्‍यिङ्‍ज्‍ये किवी?” सिनी टिन नङ्‍सिमा पत्रुसला छासे पप लानी येशूला “चोवो, चोवोला राङ तेरी छ्‍या वे। चोवोला ङे ङ्‍यिङ्‍ज्‍ये क्‍यावु ति चोवोला राङ छ्‍या वे।” सिनी सिक्‍यासुङ। येलुङ येशूकी पत्रुसला सुङ्‍सुङ, “ख्‍योरो ङे लुकतिवाला चोसा।

रोमी 8:27

तमा तेरी मीतिवी सेमगी ताम्‍ङे ल्‍यामु हाक्‍कोवु कोन्‍छ्‍योककी राङ खोकी थु चाङ्‍माकी नोवा काङ यिन सिरुप ति हाक्‍कोकिवी, च्‍यिलासिसिन कोन्‍छ्‍योककी नोवाला वोतुप दोके थु चाङ्‍माकी खोला तेपा कितुप मीतिवी छापला मोपोर क्‍या नङ्‍गिवी।

१ कोरिन्‍थी 7:25

त जेन्‍दी माक्‍यावु मीतिवी कोर्ला याङ चोवो येशू नेमा काङ साङ क मे। यिने कोन्‍छ्‍योककी च्‍यम्‍बाकी ङला खोङ्‍तेर्मु जो नङ्‍गुप तप्‍की ङ ख्‍यिराङला टोङ्‍गु तेरिन।

१ कोरिन्‍थी 9:17

ती सुङ ख्‍याप्‍टाक कितुप लाका ति ङरा राङ क्‍यावु यिन्‍सियाङ ङला काङ रे च्‍यिक रे छ्‍यक्‍तक थोपुप ति यिन्‍जा, यिने दी लाका ति कोन्‍छ्‍योककी ङला चेक तेन नङ्‍गुप तप्‍की ङे क्‍यावु यिन।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

२ कोरिन्थी 5:11

चोवो कोन्‍छ्‍योकला दाक्‍पी ज्‍यिवा कि गोकिवी सिरुप ति हाक्‍कोवु तप्‍की ङ्‍यिराङ मी यम्‍बाला साङ टोङ्‍गु तेर्किवी। कोन्‍छ्‍योककी ङ्‍यिराङला ल्‍यामो क्‍यानी ङो शेकिवी, तमा ख्‍यिरा दोङ्‍ला ङ्‍यिराङ चुकै वे सिरुप ति ख्‍यिरा सेमला साङ ठछ्‍येली छ्‍या वे सिरुप ति ङला रेवा वे।

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।

गलाती 1:10

त ङे सिक्‍यावु ताम्‍ङे ति मीला गा लोङ्‍गुपला यिनाङ की, कोन्‍छ्‍योकला गा लोङ्‍गुपला यिन? याङ्‍ना ङ मीतिवा नेसुर ताङ्‍देन छोलुपला यिन? ङे तरोङ साङ मीतिवा नेसुर ताङ्‍देन छोलुप लाका क्‍यासुङ सिसिन ङ ख्रीष्‍टला शब्‍ज्‍यी कितुप लावा मिन।

गलाती 2:7

यिने पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला पेतुप दोके ङला ति कोन्‍छ्‍योककी यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला तङ्‍गुप ति तिवी हाक्‍कोसुङ।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

एफिसी 6:6

मीतिवाला गा लोङ्‍गुपला तिवी मिङ्‍गाला तिराङ छ्‌या देन्‍दुप लाका माकी, यिने ख्रीष्‍टला शब्‍ज्‍यी पुलुप दोके सेम टेङ्‍बु क्‍यानी कोन्‍छ्‌योककी नोवाला वोतुप लाका की।

कलस्सी 3:22

लावातिवा, ख्‍यिराङ दी जम्‍बुलिङकी रङगी ज्‍यिन्‍दाकतिवी सिक्‍यावु खला ङ्‍येना। तिवाला गा लोङ्‍गुप नोनी तिराङ तिवी थोङ्‍दाङला लाका माकी, यिने चोवोला ज्‍यिवा खुर्नी सेम टेङ्‍बुकी लाका की।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

२ तिमोथी 1:14

तमा ख्‍युरुङला चेक तेतुप सुङ टेङ्‍बु ति दाक्‍पी मुला ज्‍यु वोतुप कोन्‍छ्‍योककी थु चाङ्‍माकी ओङला र्‍होक्‍नी ज्‍योक।

२ तिमोथी 2:2

मी मङ्‍मुकी मिङ्‍गाला ङे ख्‍युरुङला येन्‍देन बिन्‍दुप ताम्‍ङे ति खोङ्‍तेर्मु वोतुप मी यम्‍बाला साङ लोप। तमा तिवी येलुङ मी यम्‍बातिवाला लोप थुप्‍शी।

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

हिब्रू 4:13

कोन्‍छ्‍योककी ज्‍येवु च्‍यालकतिवी नाङ्‍ला खोकी थोङ मुथुपुप ति काङ साङ मे। खोकी थोङ्‍दाङला तेरी ताम्‍ङेतिवा ठछ्‍येली थोङ्‍गिवी। तमा खोला राङ दाक दाक्‍पी क्‍यावु लाकाकी कोर्ला तेरी ताम्‍ङे टेङ्‍बु कि गोकी।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।

ज्‍यल्‍का 2:23

तुक राङ क्‍यानी तीकी पुज्‍युङपुमतिवाला साङ शि ज्‍यितिनो। तमा मी तेरीकी सेम ताङ नासाम हाक्‍कोवु ति ङ राङ यिनोक सिनी चर्च तेरीकी हाक्‍कोकितो। तमा ङ ख्‍यिराङला लाका ल्‍यामु क्‍यावुतिवाला छ्‍यक्‍तक ल्‍यामु तेरिनो, लाका मेलोवा कितुपतिवाला पर्च्या तोङ्‍यिनो।