१ थेसलोनिकी 2:19 - कोन्छ्‌योककी सुङ

¹⁹ च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ थेसलोनिकी 2:19 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मर्कूस 8:38

दी शम्‍डेन कितुप ताङ दिक्‍पा वोतुप गिपा नेसुर सी ङ ताङ ङे सुङला ङोछा किवे, ङ मी पुज्‍युङ साङ चाङ्‍मा वोतुप देवाच्‍येनकी लेन क्‍येलुप थुतिवी मुला ङे पपी मोवा थोप्‍नी वुङ्‍गुप पेला तीला ङोछा कितिनो।”

यूहन्‍ना 21:22

तमा येशूकी तीला “ङ माङुवा सेक तीला सेन्‍बु देशी सिरुप ङे नो क्‍यासिनाङ ती ताम्‍ङे ति ख्‍युरुङला काङ गोसुङ? ख्‍युरुङ ति ङे तिङ्‍ला तिङ्‍यो।” सिनी सुङ्‍सुङ।

१ कोरिन्‍थी 15:23

यिने सेन्‍बु लङ्‍गुप पेला रिम्‍बा क्‍यानी सेन्‍बु लङ्‍गिवी। तेरी सिनाङ गोमाला ख्रीष्‍ट टुङ्‍गुप ने ङोसु लावु यिन। तमा खो फेवु तुजेला खोला तेपा कितुपतिवा तेरी शेप ने सेन्‍बु लङ्‍गिवी।

१ कोरिन्‍थी 4:5

तुक क्‍यानी ख्‍यिराङ कोन्‍छ्‍योककी ठिम क्‍या नङ्‍गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्‍पी सी साङ हाक्‍माकोवा क्‍यानी क्‍यावु लाका ल्‍यामु मेलोवा ति तेरी खोकी ठछ्‍येली थोङ्‍गिवी। मी सेमगी नोवातिवा साङ ठछ्‍येली छ्‍या देन्‍गिवी। ती पेला मीतिवा रे रेला कोन्‍छ्‍योककी “ख्‍यिरा छासे को छ्‍येसुङ।” सिनी सुङ्‍गिवी।

२ कोरिन्थी 1:14

यिने तिङ्‍ला ति ख्‍यिरा तेरी हाक्‍को थुप्‍किवी सिनी ङ रेवा कितिन। तुक क्‍यानी दाक्‍पी चोवो येशू फेवु तुजेला ङ्‍यिरा ख्‍यिरा थोक्‍ला तेके क्‍यावु दोके ख्‍यिरा ङ्‍यिरा थोक्‍ला तेके किवितो।

फिलिप्पी 2:16

मिजीकी सुङला ख्‍यिराङ रम्‍बु क्‍यानी देता, तमा ङे लाका ताङ हुर्ताक क्‍यावु ति तेर्मेला मोडोवी। तुक क्‍यासिन ख्रीष्‍ट फेवु तुजेला ख्‍यिराङ को छ्‍येवु तप्‍की ङे सेमला छासे गा लङ्‍गिवी।

फिलिप्पी 4:1

तुक क्‍यानी अच्‍युनुपतिवा, ङ ख्‍यिराङला ङ्‍यिङ्‍ज्‍ये लानी नम पेला ठेतुप सिनी नासाम शर्किनोक। तमा ख्‍यिराङला नासाम तोङ्‍गुप पेला ङ छासे गा लानी मीतिवाला ख्‍यिरा कोर्ला तेके कितिन। ङे ङ्‍यिङ्‍ज्‍येवु अच्‍युनुपतिवा, ख्‍यिराङ तुक राङ क्यानी चोवो येशूला तेपा रम्‍बु क्‍यानी देता।

१ थेसलोनिकी 2:20

ङ्‍यिरा मोवा ताङ लोदिमु साङ वुतुङ के ख्‍यिराङ राङ यिन।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

१ थेसलोनिकी 4:15

चोवो येशू दी जम्‍बुलिङला ज्‍युवु पेला नङ्‍गुप सुङ नेसुर राङ ङ्‍यिराङ ख्‍यिराङला सिरिन। ती शेपतिवा ति चोवो येशू लोङ दी जम्‍बुलिङला फेपुप पेला सेक सेन्‍बु वोतुपतिवा सिनाङ गोमाला के येशूला ठेकिवी।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

२ थेसलोनिकी 2:1

अच्‍युनुपतिवा, दाक्‍पी चोवो येशू ख्रीष्‍ट फेपुप ताङ दाक्‍पु खोला ठेतुपला मुला राङ जोम्‍बुप कोर्ला ङ्‍यिराङ ख्‍यिराङला गोङ्‍बा शोयी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

याकूब 5:7

ती तप्‍की अच्‍युनुपतिवा, ख्‍यिराङ ति चोवो येशू फेवु तुजे माछेवा सेक्‍ला हम क्‍यानी दे। ल्‍होसा, सप्‍ले कितुप मीकी सशिङकी गोङ नावु डुप्‍सेनला ल्‍येशी नोनी येर्वी छ्‍यर्वा ग्‍यक्‍ता सेक ताङ गुन्‍बी छ्‍यर्वा ग्‍यक्‍ता सेक हम क्‍यानी गु देकिवी।

याकूब 5:8

ती दोके क्‍यानी ख्‍यिराङ सेम थिला ज्‍याक्‍नी चोवो फेवु तुजेकी थोक्‍ला हम क्‍यानी गुनी देता, च्‍यिलासिसिन चोवो ङमु राङ फेप्‍कितो।

१ पत्रुस 5:4

तमा लुक गोठाला छ्‍ये दोके यिन्‍दुप ख्रीष्‍ट फेपुप पेला ख्‍यिराङला नाम्‍साङ मेसेतुप मोवा वोतुप ग्‍येल्‍वुकी उशाक थोप्‍कितो।

२ पत्रुस 1:16

ङ्‍यिरा ख्‍यिराङला चोवो येशू ख्रीष्‍ट चोछ्‍येवु वोतुप ताङ खो येलुङ फेवु कोर्ला लेन ल्‍यामु ख्‍याप्‍टाक क्‍यावु ति टेङ्‍बु मेतुप जिनोक जोप पे मिन, यिने ङ्‍यिरा वुतुङ के मिककी थोङ्‍गुप खोकी मोवाकी कोर्ला पङ्‍बु बिन्‍दुप यिन।

२ पत्रुस 3:4

“ख्रीष्‍ट फेप्‍किवी सिनी थाक्‍छ्‍येतुप मिन रो? दाक्‍पी पगावा हङ्‍गावातिवा शिसिमा साङ दी जम्‍बुलिङ ति थल्‍माला ज्‍येङ्‍गुप पेला नेज्‍युन काङ साङ माफो वे।”

१ यूहन्‍ना 2:28

ङे आङातिवा, ख्रीष्‍ट येलुङ फेपुप तुजेला ख्‍यिराङ ङाडेङ क्‍यानी खोकी चिप्‍ला ङोछाला मेख्‍येल्‍शी सिनी तेपा रम्‍बु क्‍यानी देता।

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।

ज्‍यल्‍का 22:12

येशूकी दुक सुङ वे, “ल्‍होसा, ङ ङमु राङ वुङ्‍यिनो। ङ वासिमा सु सुकी लाका ल्‍यामु मेलोवा क्‍यावे, तिवाला तिवी क्‍यावु लाकाकी छ्‍यक्‍तक ति तेरिनो।