१ थेसलोनिकी 2:16 - कोन्छ्‌योककी सुङ

¹⁶ तमा यहूदी मिन्‍दुप मिरिक यम्‍बाकी मीतिवा थर्शी सिनी ङ्‍यिरा तिवाला सुङ ख्‍याप्‍टाक कितुप पेला साङ तिवी ङ्‍यिराङला क्‍येक्‍सुङ। तुक क्‍यानी तिवा ङ्‍यिमी टेङ दिक्‍पी क्‍येङ्‍गुप तप्‍की कोन्‍छ्‍योककी पर्च्या ति तिवी खला ख्‍येल्‍नी वे।

१ थेसलोनिकी 2:16 Iomraidhean Croise

मत्ती 12:45

तमा ती ति गल्‍नी खुरुङ सिनाङ मङ दुक्‍टा वोतुप डे दिनतिवा टिनी वानी ती दासाला शुनी ते राङ देकिवी। तुक क्‍यानी ती मी ति गोमाला सिनाङ ज्‍युक्‍ला मङ मेलोक्‍पा डिवी। ती दोके दुक्‍टा वोतुप दी गिपाकी मीतिवा साङ तुकै राङ डिवी।”

मत्ती 23:32

तुकै यिन्‍सिन ख्‍यिरा हङ्‍गावातिवी सिन्‍दा माक्‍यावु लाकातिवा ख्‍यिरा तेरी सिन्‍दा की!

मत्ती 24:14

तमा दी कोन्‍छ्‍योककी ग्‍येल्‍खापकी लेन ल्‍यामु ति तेरी जम्‍बुलिङला ख्‍याप्‍टाक क्‍यानी तेरी मिरिककी मीतिवाला पङ्‍बु तेर्किवी। ती ज्‍युक्‍ला दी जम्‍बुलिङकी तिङ्‍मी तुजे गिवी।”

मत्ती 24:6

तमा ख्‍यिरा मक ग्‍यकुप ताम्‍ङे ताङ मक ग्‍यकिवी सिरुप ताम्‍ङे थोकितो। यिने ख्‍यिराङ ति यर्मिन मर्मिन मोडोवुला च्‍याङ्‍से क्‍यानी देता। च्‍यिलासिसिन दी तेरी ताम्‍ङेतिवा वुङ राङ गोकिवी, यिने तन्‍दा राङ जम्‍बुलिङ तेरी ना डोप तिङ्‍मी तुजे ति मिन।

मत्ती 3:12

खोकी छ्‍याकला ग्‍यालुक वे, तमा खोकी लेङाङ चेङ्‍गा जोनी टतिवा टाप्‍नी डुमातिवा ति पङाङ नाङ्‍ला लुकिवी, फुङ्‍मातिवा ति नाम्‍साङ मिशिवु मे नाङ्‍ला र्‍हेकिवी।”

मर्कूस 16:16

सी तेपा क्‍यानी बप्‍तिस्‍मा लङ्‍गिवे, तिवा दिक्‍पा ने थर्वा ङ्‍येकिवी। यिने सी तेपा मिकिवे, तीला पर्च्या फोकिवी।

लोमा छ्‍येतिवी लाका 13:45

मी माङ्‍छ्‍योक वुङ्‍गुप थोङ्‍नी यहूदीतिवा ठतोक लानी पावलकी मीतिवाला लापुप ताम्‍ङे ति टेङ्‍बु मिन सिनी पावलकी तेन्‍दोकला लासुङ।

लोमा छ्‍येतिवी लाका 13:50

यिने यहूदीतिवी पावल ताङ बारनाबासकी तेन्‍दोकला लानी कोन्‍छ्‍योकला सोवा देकुप पुम्‍पेजा छ्‍युक्‍पुतिवा ताङ ती ग्‍येसाला गोमा कितुप मी छ्‍येतिवाला चेन्‍नी तिवाला छेटाङ बिन च्‍यिनी ती ग्‍येसा नेवा तेन ताङ्‍सुङ।

लोमा छ्‍येतिवी लाका 14:19

ति ज्‍युक्‍ला ललाइ यहूदीतिवा एन्‍टिओखिया ताङ आइकोनियन नेसुर ते वानोक। तिवी मी माङ्‍छ्‍योकला चेन्‍नी पावलला दो थ्‍वोनी बेप च्‍यिसुङ, तमा पावल शिते यिन्‍दे नोनी ग्‍येसा ने पाङ्‍ला दररर टिनी गाल।

लोमा छ्‍येतिवी लाका 14:2

यिने तेपा मिकिवु यहूदीतिवी मिरिक यम्‍बातिवाला चेन्‍नी तेपा कितुपतिवाला सेम मेलोक्‍पा जोसुङ।

लोमा छ्‍येतिवी लाका 14:5

तमा मिरिक यम्‍बा ताङ यहूदीतिवा ति तिवी खला ओङ्‍ज्‍येन कितुपतिवी मुला डिक्‍नी तिवाला छेटाङ तेरुप ताङ दो पोप्‍नी सेतुप छाल्‍सुङ।

लोमा छ्‍येतिवी लाका 17:13

पावलकी बेरियाला साङ कोन्‍छ्‍योककी सुङ ख्‍याप्‍टाक कियी नोक सिरुप ति थेसलोनिकेकी यहूदीतिवी हाक्‍कोनी तिवा ते साङ वानी मी माङ्‍छ्‍योकला ठका ठुका जोसुङ।

लोमा छ्‍येतिवी लाका 19:9

यिने मी ललाइकी सेम क्‍योङ्‍बु वोतुप तप्‍की पावलकी ताम्‍ङेला तेपा माक्‍यानी मीतिवी मिङ्‍गाला पावलकी ताम्‍ङेकी तेन्‍दोकला लासुङ। तुक क्‍यानी पावलकी ती ताम्‍ङे मेलोक्‍पा कितुपतिवाला क्‍युर ज्‍याक्‍नी लोमातिवाला टिनी टुरान्‍नस सिरुप लोपुप दासाला देनी ङ्‍यिमी टेङ तिवाला येशूकी कोर्ला लाप्‍सुङ।

लोमा छ्‍येतिवी लाका 21:21

तिवी ख्‍योरो कोर्ला ताम्‍ङे चेयी थोनोक। ती ति यहूदी मिन्‍दुप मिरिक यम्‍बाकी मीतिवी पर्ला देतुप यहूदीतिवाला मोशाकी ठिम क्‍युर्नी ज्‍योकुप ताङ तिवी आङातिवाला यहूदीतिवी च्‍येतुप लुक्‍सु ताङ यम्‍बा लुक्‍सु साङ मातेन सिनी ख्‍योरो लापुप यिन सिनोक।

लोमा छ्‍येतिवी लाका 23:12

नाम लासिमा यहूदीतिवा जोम्‍नी पावलला माशेता सेक्‍ला छ्‍यु साङ मुथुङ, समा साङ मासा सिनी न क्‍याल्‍सुङ।

लोमा छ्‍येतिवी लाका 24:9

यम्‍बा यहूदीतिवी साङ ती ताम्‍ङेतिवा टेके राङ यिन सिक्‍यासुङ।

लोमा छ्‍येतिवी लाका 25:2

तमा ते वोतुप कोङ्‍यार छ्‍येतिवा ताङ यहूदी मी छ्‍येतिवा वानी फेस्‍तसला पावलकी थोक्‍ला क्‍येन ग्‍यप्‍नी

लोमा छ्‍येतिवी लाका 25:7

तमा पावलला टि वासिमा यरूशलेम नेसुर वावु यहूदीतिवा पावलकी गारी गुरीला लानी तीकी थोक्‍ला छासे क्‍येन मेलोवातिवा ग्‍यप्‍सुङ। यिने तिवी ती क्‍येनकी पङ्‍बु ति काङ साङ तेर माथुप।

लोमा छ्‍येतिवी लाका 4:12

येशू मिसिन सी साङ दिक्‍पा ने थर ज्‍यि मुथुपी। च्‍यिलासिसिन दी जम्‍बुलिङला मी पर्ला कनी साङ दाक्‍पुला दिक्‍पा ने थर ज्‍यितुप यम्‍बा मिङ काङ साङ मे।”

लोमा छ्‍येतिवी लाका 9:23

ती तप्‍की ङ्‍यिमा अलायी ज्‍युक्‍ला यहूदीतिवी शाऊलला सेतुप छाल्‍सुङ।

१ कोरिन्‍थी 10:33

तुक राङ क्‍यानी ङे साङ काङ क्‍यासिनाङ मी तेरीला सेम गा लोङ्‍गुप नो क्‍यायी। ङ ङरा थोक्‍ला तिराङ मिन, यिने मी तेरीला ल्‍यामु च्‍युङ्‍शी सिरुप नो कितिन। तुक क्‍यानी ती मीतिवा साङ दिक्‍पा ने थर्शी।

गलाती 5:11

ङे अच्‍युनुपतिवा, ङ च्‍येतुप लुक्‍सुकी कोर्ला तिराङ ख्‍याप्‍टाक किवी सिसिन, च्‍यिला तन्‍दा सेक साङ यहूदीतिवी ङला छेटाङ दुङल तेर्किवी? तुकै यिन्‍सिन ग्‍यङ्‍शिङला कलुप येशूकी दिक्‍पा ने थरुप लेन ल्‍यामु ख्‍याप्‍टाक कितुपला काङ साङ छेटाङ मे।

एफिसी 3:13

तुक क्‍यानी ङ ख्‍यिराङला गोङ्‍बा शोयी, ख्‍यिरा थोक्‍ला ङे छेटाङ खुर्सुङ सिनी ख्‍यिराङ यिछ्‍येता माकी। दी ति ख्‍यिरा थोक्‍ला छासे ताङ्‍देन वोतुप ताम्‍ङे यिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

२ थेसलोनिकी 2:10

येशूला तेपा माक्‍यावु तप्‍की ना डोपतिवाला जिनोक छ्‍या तेन्‍गिवी। च्‍यिलासिसिन दाक्‍पुला मिजी नङ्‍गुप टेङ्‍बु वोतुप कोन्‍छ्‍योकला तिवी सेमला मालावु तप्‍की यिन।

१ तिमोथी 2:4

मीतिवा तेरी दिक्‍पा ने थर्नी टेङ्‍बु वोतुप कोन्‍छ्‍योककी रिक्‍पा ङ्‍येशी सिरुप ति कोन्‍छ्‍योककी नोवा यिन।

हिब्रू 6:8

यिने ती शिङ खला छेर्क्योक ताङ युर्मा तिराङ क्‍येसुङ सिसिन ती ति काङ साङ फेन मोथोवी। तुका शिङला कोन्‍छ्‍योककी मोताप सुक थुप्‍किवी। तमा ती शिङ खला मे ग्‍यप्‍नी ना डिवी।

ज्‍यल्‍का 22:11

तुक क्‍यानी लाका दुक्‍टा कितुपतिवा ति लाका दुक्‍टा राङ किशी, क्‍युक्‍टो लङ्‍गुप लाका कितुप ति क्‍युक्‍टो लङ्‍गुप लाका राङ किशी, टेङ्‍बु कितुपतिवा ति टेङ्‍बु राङ किशी, तमा चाङ्‍मा वोतुपतिवा ति चाङ्‍मा राङ देशी।”