१ थेसलोनिकी 2:11 - कोन्छ्‌योककी सुङ

^11-12 पपी खोरो पुज्‍युङपुमला क्‍यावु दोके ङ्‍यिरा ख्‍यिराङ रे रेला टोङ्‍गु ताङ ङाडेङ बिन्‍दुप ति ख्‍यिराङला राङ छ्‍या वे। तुका टोङ्‍गु बिन्‍दुप ति ख्‍यिरा किताङ नालु ति कोन्‍छ्‍योककी सेमला डो छ्‍योवु च्‍युङ्‍गुपला यिन। ती कोन्‍छ्‍योककी ख्‍यिराङला खोकी ग्‍येल्‍खाप ताङ खोकी मोवाला कताङ नाङ्‍सुङ।

१ थेसलोनिकी 2:11 Iomraidhean Croise

लूका 16:28

ङे अच्‍युनुप पिन ङ वे। तीकी तिवाला च्‍याङ्‍से क्‍यानी दे च्‍यिनी तिवा दी छेटाङ ख्‍येलुप दासाला वुङ मेख्‍येल्‍शी।’

लोमा छ्‍येतिवी लाका 20:2

ते वोतुप दासा दासाला गल्‍सिमा तेकी तेपा कितुप मीतिवाला टोङ्‍गु बङी बिन्‍नी ग्रीसला गाल।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

१ थेसलोनिकी 4:6

तमा सी साङ खोरो नुपला मेलोक्‍पा मिकिशी। च्‍यिलासिसिन दी तेरी ताम्‍ङेकी छ्‍येर्पा तेरुप ति कोन्‍छ्‍योक राङ यिन। ङ्‍यिरा ख्‍यिराङला गोमाला राङ सिक्‍यायिन।

१ थेसलोनिकी 5:11

तुक क्‍यानी ख्‍यिरा तसाम क्‍यावु दोके च्‍यिककी च्‍यिकला टोङ्‍गु बिन्‍नी तेपा रम्‍बु क्‍यानी देता।

१ थेसलोनिकी 5:14

अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

२ थेसलोनिकी 2:5

ती ताम्‍ङे ति ङ ख्‍यिरा मुला वोतुप पेला नेज्‍युनी ख्‍यिराङला सिक्‍यावु मिन रो?

२ थेसलोनिकी 3:12

तिवाला ङ्‍यिराङ चोवो येशू ख्रीष्‍टकी मिङला क ताङ टोङ्‍गु तेरिन। तिवा खरक्‍पा सोक सोके देनी दाक दाक्‍पी लाका क्‍यानी सशी।

१ तिमोथी 5:21

कोन्‍छ्‍योक ताङ येशू ख्रीष्‍ट ताङ कोन्‍छ्‍योककी पेन नङ्‍गुप देवाच्‍येनकी मीतिवी थोङ्‍दाङला ङ ख्‍युरुङला क छ्‍येम्‍बु तेरिन। ख्‍ये मापेवा क्‍यानी ख्‍युरुङ ङे सिक्‍यावु ठिमला वोतुप दोके क्‍यानी किसा।

१ तिमोथी 5:7

तुक क्‍यानी तिवा क्‍येन मेतुप च्‍युङ्‍नी देशी सिनी तिवाला दी येन्‍देन बिन।

१ तिमोथी 6:13

मी तेरीला मिजी नङ्‍गुप कोन्‍छ्‍योक ताङ पन्‍तियस पिलातसकी दोङ्‍ला पङ्‍बु टेङ्‍बु नङ्‍गुप येशू ख्रीष्‍टकी थोङ्‍दाङला

१ तिमोथी 6:17

दी जम्‍बुलिङकी मी छ्‍युक्‍पुतिवाला दुक सिनी क बिन, “अम्‍बारङ्‍शिङ माकी, चेयी पर सेक तिराङ लुवु टोङ्‍बाला मिन, यिने दाक्‍पुला गोवु तेरी च्‍यालकतिवा लोदिमुकी थोक्‍ला ग्‍यक्‍चे क्‍यानी नङ्‍गुप कोन्‍छ्‍योकला तिराङ रेवा की।”

१ तिमोथी 6:2

ख्‍यिराङ तेपा कितुप योक्‍पुतिवा ज्‍यिन्‍दाककी वोक्‍ला लाका कितुप पेला तिवा दाक्‍पी तेपा कितुप अच्‍युनुप राङ यिन सिनी ताङ्‍देन कितुप ताङ तिवाला मङ ल्‍यामु क्‍यानी शब्‍ज्‍यी की। च्‍यिलासिसिन ख्‍यिरा लाका ल्‍यामु क्‍यासिमा ज्‍यिन्‍दाकला ख्‍येप्‍साङ वुङ्‍गिवी। ती ज्‍यिन्‍दाक ति तेपा कितुप ख्‍यिरा ङ्‍यिङ्‍ज्‍येवु अच्‍युनुपतिवा यिन। दी ताम्‍ङे ति ख्‍यिराङ ल्‍यामु क्‍यानी येन्‍देन तेरुप ताङ ख्‍याप्‍टाक की।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

तीतस 2:6

तुक राङ क्‍यानी ख्‍योक्‍पेजा ज्‍येन्‍दातिवाला साङ डेकला दे सिनी टोङ्‍गु बिन।

तीतस 2:9

योक्‍पुतिवा साङ दाक दाक्‍पी ज्‍यिन्‍दाककी ओङ्‍ज्‍येनला देनी ज्‍यिन्‍दाकला गा लङ्‍गुप ताङ ख मग्‍यकुप वुङ गोकिवी सिनी लोप।

हिब्रू 13:22

अच्‍युनुपतिवा, ङ ख्‍यिराङला ठाकुरे सिरिन, ङे टोङ्‍गु बिन्‍दुप ति ङ्‍येना। दी टोङ्‍गु ति ङे ख्‍यिराङला चेयी तिराङ टिनी वोतो।

३ यूहन्‍ना 1:4

ङे ङ्‍यिङ्‍ज्‍येवु आङातिवा टेङ्‍बु क्‍यानी युकिनोक सिरुप ताम्‍ङे थोवु सिनाङ मङ गाकी लेन ति ङे थोक्‍ला काङ के वोतुप्‍जा?