१ थेसलोनिकी 2:10 - कोन्छ्‌योककी सुङ

¹⁰ तमा ख्‍यिराङ तेपा कितुपतिवी पर्ला ङ्‍यिरा किताङ नालु ति चाङ्‍मा ताङ टेङ्‍बु वोतुप ताङ काङ साङ क्‍येन मेतुप ति ख्‍यिराङ राङ पङ्‍बु वे, तमा कोन्‍छ्‍योक साङ पङ्‍बु वे।

१ थेसलोनिकी 2:10 Iomraidhean Croise

लूका 23:41

ङ्‍यिरा याङ रङगी क्‍यावु दुक्‍टाकी छ्‍येर्पा खुरिन वे, यिने दी मी तीकी याङ काङ साङ लाका मेलोवा माक्‍या वे।”

लोमा छ्‍येतिवी लाका 20:18

तमा ती गोमा कितुप मी छ्‍येतिवा ते वासिमा पावलकी तिवाला दुक सिनी सिक्‍यासुङ, “ङ एशियाला वावु छेर्मु नेज्‍युनी ख्‍यिरा पर्ला चुक क्‍यानी देतिन सिरुप ताम्‍ङे याङ ख्‍यिराङला छ्‍या वे।

लोमा छ्‍येतिवी लाका 20:26

ती तप्‍की ख्‍यिरा क्‍यावु तेपा क्‍युर्नी ज्‍याक्‍सिनाङ तीकी क्‍येन ति ङला मोफोक्‍शी सिनी हारिङ ङ ख्‍यिराङला ल्‍यामो क्‍यानी पङ्‍बु तेरिन।

लोमा छ्‍येतिवी लाका 24:16

ती तप्‍की कोन्‍छ्‍योककी थोङ्‍दाङला ताङ मीतिवी थोक्‍ला साङ ङ नरी टेङ्‍बु कितुप छोलिन।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 11:11

तुक सिक्‍यावु ति ङे ख्‍यिराङला ङ्‍यिङ्‍ज्‍ये माक्‍यावु तप्‍की यिन रो? ङ ख्‍यिराङला ङ्‍यिङ्‍ज्‍ये कितिन। ती ति कोन्‍छ्‍योकला तेरी छ्‍या वे।

२ कोरिन्थी 11:31

चोवो येशूकी पपा कोन्‍छ्‍योकला नरीकी नरी सोवा वुङ्‍शी। ङे नाम्‍साङ जिनोक मोजोयी सिरुप ति खोला छ्‍या वे।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

२ कोरिन्थी 5:11

चोवो कोन्‍छ्‍योकला दाक्‍पी ज्‍यिवा कि गोकिवी सिरुप ति हाक्‍कोवु तप्‍की ङ्‍यिराङ मी यम्‍बाला साङ टोङ्‍गु तेर्किवी। कोन्‍छ्‍योककी ङ्‍यिराङला ल्‍यामो क्‍यानी ङो शेकिवी, तमा ख्‍यिरा दोङ्‍ला ङ्‍यिराङ चुकै वे सिरुप ति ख्‍यिरा सेमला साङ ठछ्‍येली छ्‍या वे सिरुप ति ङला रेवा वे।

२ कोरिन्थी 7:2

ख्‍यिरा ङ्‍यिराङला ङ्‍यिङ्‍ज्‍ये क्‍यानी सेमला लो। ङ्‍यिरा सुला साङ मेलोवा माक्‍या वे, तमा सुला साङ दुक्‍पा माबिन वे। ङ्‍यिरा सी लो नेसुर साङ ख्‍येप्‍साङ माला वे।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ थेसलोनिकी 2:5

ङ्‍यिरा नाम्‍साङ मीतिवाला ताम्‍ङे ल्‍यामु तिराङ क्‍यानी गा लोङ्‍गुप लाका माक्‍या। तमा देर्पा साङ माक्‍यावु ति ख्‍यिराङला छ्‍या राङ वे। दीकी पङ्‍बु ति कोन्‍छ्‍योक राङ यिन।

२ थेसलोनिकी 3:7

च्‍यिलासिसिन ङ्‍यिरा काङ क्‍यावे, ख्‍यिरा साङ तुकै राङ क्‍यानी ङ्‍यिरा लुमु से गोकिवी सिरुप ति ख्‍यिराङला छ्‍या राङ वे। ख्‍यिरा मुला वोतुप पेला ङ्‍यिरा छेरा माक्‍या,

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

२ तिमोथी 3:10

यिने त याङ ख्‍योरो ङे बिन्‍दुप येन्‍देन ताङ ङे किताङ नालु ताङ ङे मिजीकी नोवा ताङ ङे क्‍यावु तेपा ताङ ङे हम क्‍या देतुप ताङ ङे क्‍यावु ङ्‍यिङ्‍ज्‍ये ताङ ङ डेकला देतुप ति तेरी थोङ्‍नी वे।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।