१ थेसलोनिकी 2:1 - कोन्छ्‌योककी सुङ

¹ अच्‍युनुपतिवा, ङ्‍यिराङ ख्‍यिरा चिप्‍ला वावु ति तेर्मे राङ मागल सिनी ख्‍यिराङला छ्‍या वे।

१ थेसलोनिकी 2:1 Iomraidhean Croise

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 15:2

ख्‍यिरा ङे ख्‍याप्‍टाक क्‍यावु लेन ल्‍यामुकी सुङला तेपा क्‍यासिन ख्‍यिराङ दिक्‍पा ने थर्किवी, यिने तेपा रम्‍बु क्‍यानी मादेसुङ सिसिन ख्‍यिरा क्‍यावु तेपा ति तेर्मेला डिवी।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

२ कोरिन्थी 6:1

ङ्‍यिरा कोन्‍छ्‍योककी थोक्‍ला मुला राङ लाका क्‍यावु तप्‍की ख्‍यिराङला ठाकुरे सिरिन, खोकी ख्‍यिराङला नङ्‍गुप कटिन ति तेर्मेला डो माज्‍यी।

गलाती 2:2

कोन्‍छ्‍योककी ते ग्‍युक सिनी छ्‍या तेन्‍दुप तप्‍की ङ ते गल्‍नी यहूदी मिन्‍दुप मिरिक यम्‍बाला ख्‍याप्‍टाक क्‍यावु लेन ल्‍यामुकी कोर्ला ते वोतुप चर्चकी गोमा कितुप मी छ्‍येतिवी मुला दासा कुतुकला देनी ताम्‍ङे क्‍यायिन। तुक क्‍यावु ति ङे क्‍यावु गोमी लाका ताङ तिङ्‍ला कितुप लाका तेरी तेर्मे मोडोशी सिनी नो क्‍यावु तप्‍की यिन।

गलाती 4:11

ङे दुक्‍पा क्‍यानी क्‍यावु लाका ति तेर्मेला डिते सिनी ङला पप लङ्‍गिनोक।

फिलिप्पी 2:16

मिजीकी सुङला ख्‍यिराङ रम्‍बु क्‍यानी देता, तमा ङे लाका ताङ हुर्ताक क्‍यावु ति तेर्मेला मोडोवी। तुक क्‍यासिन ख्रीष्‍ट फेवु तुजेला ख्‍यिराङ को छ्‍येवु तप्‍की ङे सेमला छासे गा लङ्‍गिवी।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

१ थेसलोनिकी 3:5

तुक क्‍यानी ङ तरोङ साङ हम क्‍यानी दे माथुप्‍नी ती खोक्‍पा ल्‍हाप शैतानकी ख्‍यिराङला साङ खोक्‍पा ल्‍हासिन ङ्‍यिरा क्‍यावु टेमु ति तेर्मे राङ डिते सिनी ज्‍यिवा लानी ख्‍यिरा तेपा चुकै नोक सिनी ल्हापला तिमोथीला ख्‍यिरा ते तङ्‍गुप यिन।

२ थेसलोनिकी 1:10

चोवो येशू फेपुप तुजेला खोला तेपा कितुपतिवा तेरीकी खोला मोवा कितुप ताङ सोवा देकिवी। ङ्‍यिरा पङ्‍बु बिन्‍दुप ताम्‍ङेला ख्‍यिरा तेपा क्‍यावु तप्‍की ती पेला ख्‍यिराङ साङ तिवी मुला राङ वुङ्‍गिवी।

२ थेसलोनिकी 3:1

त तेरी सिनाङ तिङ्‍ला अच्‍युनुपतिवा, ङ्‍यिरा थोक्‍ला मोपोर किसा। कोन्‍छ्‍योककी लेन ल्‍यामु ति ख्‍यिरा पर्ला टम्‍बुप दोके टिम्‍बु क्‍यानी टम्‍शी, तमा दासा तेरीकी मीतिवी ताङ्‍देन क्‍यानी ङ्‍येन्‍शी,