१ थेसलोनिकी 1:8 - कोन्छ्‌योककी सुङ

⁸ च्‍यिलासिसिन ख्‍यिरा नेसुर राङ चोवो येशूकी सुङ ति माकेडोनिया ताङ अखैयाला तिराङ फेलुप मिन, यिने कोन्‍छ्‍योकला ख्‍यिरा क्‍यावु तेपा ति दासा तेरीला फेलुप तप्‍की त ख्‍यिराङला दीकी कोर्ला ङ्‍यिरा सि गोवु ताम्‍ङे काङ साङ मे।

१ थेसलोनिकी 1:8 Iomraidhean Croise

लोमा छ्‍येतिवी लाका 18:12

तमा गलियोन ति अखैया लुङ्‍बा ओङ्‍ज्‍येन कितुप मी छ्‍ये वोतुप पेला यहूदीतिवा ख च्‍यिक क्‍यानी पावलकी तेन्‍दोकला लानी पावलला ठिम्‍खाङला टिन गल्‍सिमा

रोमी 1:8

थल्‍माला ख्‍यिराङ तेरीकी थोक्‍ला येशू ख्रीष्‍टकी छ्‍योक नेमा ङ ङे कोन्‍छ्‍योकला थुचिछे बुल्‍गिवी, च्‍यिलासिसिन ख्‍यिरा खोला तेपा क्‍यावु ताम्‍ङे ति जम्‍बुलिङ तेरीला टम वे।

रोमी 15:26

च्‍यिलासिसिन यरूशलेमला वोतुप तेपा कितुप मी पेराङ्‍बुतिवी थोक्‍ला माकेडोनिया ताङ अखैयाकी तेपा कितुप मीतिवी गा ताङ क्‍यानी टङ्‍गा चेयी दुम्‍नी कल ताङ वे।

रोमी 16:19

ख्‍यिराङ खला ङ्‍येमु वोतुप ति तेरी मीतिवाला छ्‍या वे। तुक क्‍यानी ख्‍यिरा थोक्‍ला ङ छासे सेम गा लानी वे। यिने ख्‍यिराङ चुका ति टेङ्‍बु नोके, तीला राङ च्‍यङ्‍बु वुङ गोकिवी। चुका ति दुक्‍टा नोके, ती नेसुर कुतुक दे गोकिवी।

१ कोरिन्‍थी 14:36

काङ कोन्‍छ्‍योककी सुङ ति ख्‍यिराङ कोरिन्‍थकी चर्चकी मीतिवी पर नेमा गो चुवु यिन रो? खोकी सुङ ति ख्‍यिरा पर्ला तिराङ वावु यिन रो?

२ कोरिन्थी 2:14

यिने कोन्‍छ्‍योकला थुचिछे, च्‍यिलासिसिन खोकी ङ्‍यिराङला शैतानकी खला ओङ्‍ज्‍येन कितुपला नरी ख्रीष्‍ट नेसुर गोमा किवी। तमा खोकी ख्रीष्‍टकी कोर्ला वोतुप रिक्‍पा ति छो ज्‍यीला फेल ज्‍यितुपला ङ्‍यिराङला दाल्‍जा किवी। ती रिक्‍पा ति टी जङ्‍बु खाप यिन।

२ कोरिन्थी 3:4

ख्रीष्‍ट नेसुर कोन्‍छ्‍योककी थोङ्‍दाङला तेन्‍तेन वोतुप तप्‍की ङ्‍यिराङ दी ताम्‍ङे ति सिरिन।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

२ थेसलोनिकी 3:1

त तेरी सिनाङ तिङ्‍ला अच्‍युनुपतिवा, ङ्‍यिरा थोक्‍ला मोपोर किसा। कोन्‍छ्‍योककी लेन ल्‍यामु ति ख्‍यिरा पर्ला टम्‍बुप दोके टिम्‍बु क्‍यानी टम्‍शी, तमा दासा तेरीकी मीतिवी ताङ्‍देन क्‍यानी ङ्‍येन्‍शी,

१ तिमोथी 2:8

ती तप्‍की तेरी जोम्‍नी सोवा देकुप पेला ख्‍योक्‍पेजातिवी सेमला ङ्‍यिर्मु मिकिवु ताङ खाँदा माक्‍यानी क्‍येन मेतुप लाक्‍पा लाङ्‍नी मोपोर किशी सिरुप ति ङे नोवा वे।

२ तिमोथी 2:9

ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।

३ यूहन्‍ना 1:12

डेमेत्रियसकी थोक्‍ला याङ मी तेरीकी पङ्‍बु ल्‍यामु बिन वे, ती ति तीकी टेङ्‍बु वोतुप मिजी ल्‍हानी साङ हाक्‍कोकिवी। ङ्‍यिराङ साङ तीकी थोक्‍ला पङ्‍बु तेरिन। ती ति ङ्‍यिरा बिन्‍दुप पङ्‍बु टेङ्‍बु यिन सिनी ख्‍यिरा हाक्‍कोकिवी।

ज्‍यल्‍का 14:6

येलुङ यम्‍बा देवाच्‍येनकी लेन क्‍योलुप थु मिरा च्‍यिक नामगी पर्ला फुरिन वोतुप ति ङे थोङ्‍सुङ। तीकी मुला जम्‍बुलिङला वोतुप तेरी मिरिक ताङ गिपा ताङ ग्‍येताम ताङ लुङ्‍बाकी मीतिवाला ख्‍याप्‍टाक कितुप नरीकी नरी लुवु कोन्‍छ्‍योककी लेन ल्‍यामु नोक।

ज्‍यल्‍का 22:17

कोन्‍छ्‍योककी थु चाङ्‍मा ताङ नमाकी दुक सुङ्‍गिवी, “फेप!” सी दी ताम्‍ङे थोकिवे, तीकी साङ “फेप!” सिनी सिशी। सुला कोम्‍बा लङ्‍गिवे, ती ति वुङ्‍शी। सी मिजीकी छ्‍यु थुङ्‍गुप नोकिवे, तीला तुक राङ थुङ्‍शी।