१ थेसलोनिकी 1:6 - कोन्छ्‌योककी सुङ

⁶ ख्‍यिराङला छेटाङ ताङ दुक्‍पा बङी च्‍युङ्‍सिनाङ कोन्‍छ्‍योककी थु चाङ्‍माकी लोदिमु नङ्‍गुप तप्‍की ख्‍यिरा कोन्‍छ्‍योककी सुङ ल्‍यामु क्‍यानी ङ्‍येन्‍सुङ। तुक क्‍यानी ख्‍यिरा ङ्‍यिराङ ताङ चोवो येशूकी दोके लुमु सेतुप च्‍युङ्‍सुङ।

१ थेसलोनिकी 1:6 Iomraidhean Croise

मत्ती 16:24

ती ज्‍युक्‍ला येलुङ येशूकी लोमातिवाला सुङ्‍सुङ, “सु ङे तिङ्‍ला तिङ्‍योकुप नो किवे, तीकी खोरो नोवातिवा क्‍युर ज्‍याक्‍नी खोरो ग्‍यङ्‍शिङ खुर्नी ङे तिङ्‍ला तिङ्‍योक गोकिवी।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

लोमा छ्‍येतिवी लाका 13:52

तमा एन्‍टिओखियाला वोतुप येशूकी लोमातिवा कोन्‍छ्‍योककी थु चाङ्‍माकी क्‍येङ्‍नी सेम किर्मु क्‍यानी देसुङ।

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

लोमा छ्‍येतिवी लाका 9:31

तमा यहूदिया ताङ गालील ताङ सामरियाला वोतुप तेरी चर्चतिवाला लोदिमु ताङ रम्‍बु डोयी गाल। तेपा कितुपतिवा कोन्‍छ्‍योकला ज्‍यिवा क्‍यानी खोकी सुङला युकुप ताङ खोकी थु चाङ्‍माकी टोङ्‍गु ङ्‍येनी चर्चतिवा मङ मङ फरिन गाल्‍सुङ।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

१ कोरिन्‍थी 11:1

ङे ख्रीष्‍टकी लुमु सेतुप दोके ख्‍यिराङ साङ ङे लुमु से।

१ कोरिन्‍थी 11:2

ख्‍यिरा ङला नरी टेन्‍दुप ताङ ङे लापुप येन्‍देनला ङ्‍येन्‍दुप तप्‍की ङ ख्‍यिरा थोक्‍ला छासे गा लान वे।

१ कोरिन्‍थी 4:16

तुक क्‍यानी ख्‍यिराङ ङे दोके लुमु सेतुप वुङ गोकिवी सिनी ङ ख्‍यिराङला ठाकुरे सिरिन।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 8:5

तमा तिवी ङ्‍यिरा नासाम तङ्‍गुप सिनाङ मङ ल्‍हक्‍पा लाका क्‍यासुङ। तिवी गोमाला खोप्‍रे मिजी ति कोन्‍छ्‍योककी थोक्‍ला पुल्‍सुङ, तमा ती ज्‍युक्‍ला कोन्‍छ्‍योककी नोवाला वोतुप दोके क्‍यानी ङ्‍यिरा थोक्‍ला साङ खोप्‍रे मिजी ति चेक तेसुङ।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

एफिसी 5:1

तुक क्‍यानी ख्‍यिराङ ति कोन्‍छ्‌योककी ङ्‍यिङ्‍ज्‍येवु आङातिवा यिन्‍दुप तप्‍की खोकी लुमु से गोकिवी।

फिलिप्पी 3:17

अच्‍युनुपतिवा, ङे काङ क्‍यावे, ख्‍यिरा साङ तुकै राङ नरी लुमु से। तमा ङ्‍यिरा मिजी नेसुर छ्‍या तेन्‍दुप दोके क्‍यानी मिजी क्‍योङ्‍गुप यम्‍बा मीतिवाला ल्हानी लोपा।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

२ थेसलोनिकी 3:7

च्‍यिलासिसिन ङ्‍यिरा काङ क्‍यावे, ख्‍यिरा साङ तुकै राङ क्‍यानी ङ्‍यिरा लुमु से गोकिवी सिरुप ति ख्‍यिराङला छ्‍या राङ वे। ख्‍यिरा मुला वोतुप पेला ङ्‍यिरा छेरा माक्‍या,

२ थेसलोनिकी 3:9

ङ्‍यिराङला ख्‍यिराङ नेसुर दाल्‍जा ङ्‍येतुप ओङ मेतुप याङ मिन, यिन्‍सिनाङ ख्‍यिरा ङ्‍यिरा क्‍यावु दोके क्‍यानी ङ्‍यिरा लुमु से गोकिवी सिरुप ति ख्‍यिराङला हाक्‍कोशी सिनी ङ्‍यिरा तुक क्‍यावु यिन।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

हिब्रू 10:34

तमा चोन्‍खाङला शोरुप मीतिवाला ख्‍यिरा च्‍यम्‍बा क्‍यासुङ, ख्‍यिरा टोङ्‍बा मीतिवी ठोसिनाङ ख्‍यिराङ गा क्‍यानी हम क्‍या देसुङ। च्‍यिलासिसिन ख्‍यिरा मुला ती सिनाङ मङ ल्‍यामु ताङ नरी लुवु टोङ्‍बा वे सिरुप ति ख्‍यिराङला छ्‍या नोक।

१ पत्रुस 1:6

तुक क्‍यानी तन्‍दा ख्‍यिराङ चेयी पर सेक रङगी मिजीला छेटाङ बङी वानी सेमला दुक्‍पा वोसिनाङ गा कि गोकिवी।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।

१ पत्रुस 3:13

दोजो ख्‍यिरा मीतिवी थोक्‍ला लाका ल्‍यामु कितुपला छासे नो क्‍यासिन सी ख्‍यिराङला मेलोक्‍पा किवी रो?

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।