१ थेसलोनिकी 1:5 - कोन्छ्योककी सुङ5 च्यिलासिसिन ङ्यिरा ख्याप्टाक क्यावु लेन ल्यामु ति ख्यिरा ते सुङला तिराङ बिन्दुप मिन, यिने ओङ ताङ कोन्छ्योककी थु चाङ्मा नेमा तेन्तेन क्यानी बिन्दुप यिन। ङ्यिराङ ख्यिरा पर्ला वोतुप पेला चुक क्यानी ख्यिराङला दाल्जा किटे क्यासुङ सिरुप ति ख्यिराङला राङ छ्या वे। Faic an caibideil |
१ थेसलोनिकी 1:5
60 Iomraidhean Croise
ती पेला ते जोम्बुप पुम्पेजातिवी नाङ्ला लिडिया सिरुप कोन्छ्योकला शब्ज्यी बुलुप पुम्पेजा मिरा च्यिककी ङ्यिरा ख्याप्टाक क्यावु सुङ ति ङ्येन्सुङ। ती पुम्पेजा ति थिआटीरा ग्येसा ने वावु रा मुक्पु चोङ्गुप छोङ्मेन नोक। कोन्छ्योककी तीकी सेम ति पेतुप तप्की पावलकी ख्याप्टाक क्यावु सुङ ति ल्यामो क्यानी ङ्येन्सुङ।
कोन्छ्योककी ते ग्युक सिनी छ्या तेन्दुप तप्की ङ ते गल्नी यहूदी मिन्दुप मिरिक यम्बाला ख्याप्टाक क्यावु लेन ल्यामुकी कोर्ला ते वोतुप चर्चकी गोमा कितुप मी छ्येतिवी मुला दासा कुतुकला देनी ताम्ङे क्यायिन। तुक क्यावु ति ङे क्यावु गोमी लाका ताङ तिङ्ला कितुप लाका तेरी तेर्मे मोडोशी सिनी नो क्यावु तप्की यिन।
कोन्छ्योककी लुङ्तेम्बातिवी नम्दर शेतुप ताम्ङे ति खोप्रे थोक्ला मिन, यिने ख्यिरा थोक्ला यिन। दी ताम्ङे ति देवाच्येन नेमा तङ्गुप कोन्छ्योककी थु चाङ्मा नेमा ख्यिराङला लेन ल्यामु ख्याप्टाक कितुपतिवी तसाम ख्यिराङला सिक्यावु यिन। ती ताम्ङे ति देवाच्येनकी लेन क्योलुप थुतिवी साङ छासे ल्हाप गा किवी।
Sanasan