१ थेसलोनिकी 1:3 - कोन्छ्‌योककी सुङ

³ च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ थेसलोनिकी 1:3 Iomraidhean Croise

यूहन्‍ना 14:15

“दोजो ख्‍यिरा ङला ङ्‍यिङ्ज्‍ये क्‍यावु यिन्‍सिन ङे कला ङ्‍येन्‍गिवी।

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

लोमा छ्‍येतिवी लाका 10:31

‘ओ कर्नेलियस, ख्‍योरो मोपोर क्‍यावु ति कोन्‍छ्‍योककी थोनी वे। तमा पेराङ्‍बुतिवाला ख्‍योरो च्‍यम्‍बा क्‍यावु ति कोन्‍छ्‍योकला छ्‍या वे।

लोमा छ्‍येतिवी लाका 3:19

ती तप्‍की ‘ङ दिक्‍छेन यिनोक’ सिनी सेम ग्‍युर्नी कोन्‍छ्‍योककी थाकाला ग्‍युर! तुक क्‍यासिन खोकी ख्‍यिरा दिक्‍पा ता च्‍यिनी लोदिमु नङ्‍गिवी।

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 15:4

तुक क्‍यानी तोङ्‍ला कोन्‍छ्‍योककी सुङला टिवु ताम्‍ङेतिवा दाक्‍पी थोक्‍ला येन्‍देन तेरुप च्‍युङ वे। ती सुङगी नाङ्‍ला वोतुप हम क्‍यानी देतुप ताङ टोङ्‍गु नेसुर दाक्‍पुला रेवा ङ्‍येकिवी।

रोमी 16:26

यिने त याङ ती छ्‍याकला वोतुप लेन ल्‍यामु ति कोन्‍छ्‍योककी लुङ्‍तेम्‍बातिवी टिवु खोकी सुङला ल्‍यामो क्‍यानी ठछ्‍येली हाक्‍को थुपुप गल वे। तमा नरीकी नरी लुवु कोन्‍छ्‍योककी क नेसुर यहूदी मिन्‍दुप मिरिक यम्‍बाकी मीतिवा तेरीकी तेपा क्‍यानी खोकी सुङला ङ्‍येन्‍सुङ।

रोमी 16:6

मरियमला साङ टसी देलेक वोतो सिनी सिसा। तीकी साङ ख्‍यिरा थोक्‍ला टेमु क्‍यासुङो।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

१ कोरिन्‍थी 13:13

तुक क्‍यानी तेपा कितुप ताङ रेवा कितुप ताङ ङ्‍यिङ्‍ज्‍ये कितुप दी सुमतिवा ति नरी लुकिवी, यिन्‍सिनाङ दिवा सुमकी पर्ला खक्‍छ्‍येवु ति ङ्‍यिङ्‍ज्‍ये कितुप राङ यिन।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

गलाती 6:9

दाक्‍पु मी यम्‍बी थोक्‍ला लाका ल्‍यामु कितुपला नाम्‍साङ येन छ्‍येतुप ताङ यिछ्‍येतुप मेङ्‍गिवी, च्‍यिलासिसिन तुजे छेसिमा ङक थुप्‍किवी।

१ थेसलोनिकी 3:6

यिने तन्‍दा तिमोथी ख्‍यिरा तेसुर ङ्‍यिरा चाला वानी ख्‍यिरा तेपा ताङ ङ्‍यिङ्‍ज्‍ये क्‍यावु लेन ल्‍यामु ति ङ्‍यिराङला लाप्‍सुङ। तोजो तिराङ मिन, ख्‍यिरा ङ्‍यिराङला ङ्‍यिङ्‍ज्‍ये लानी नरी टेन्‍गिनोक। तमा ङ्‍यिरा ख्‍यिराङला ठेतुप नो क्‍यावु दोके ख्‍यिरा साङ ङ्‍यिराङला छासे ठेतुप नो क्‍या वे सिरुप ति तीकी ङ्‍यिराङला लाप्‍सुङ।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

१ तिमोथी 2:3

दी ति दाक्‍पुला दिक्‍पा ने थर ज्‍यितुप कोन्‍छ्‍योककी थोङ्‍दाङला ल्‍यामु ताङ खोला सोवा देक छ्‍योवु डिवी।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

हिब्रू 11:17

तेपा नेसुर राङ अब्राहामला कोन्‍छ्‍योककी खोक्‍पा ल्‍हाप पेला खोरो पुज्‍युङ इसहाक ति जिन्‍बा ताङ्‍सुङ। ती इसहाक ति कोन्‍छ्‍योककी अब्राहामला थाक्‍छ्‍येतुप नेसुर नङ्‍गुप च्‍यिक राङ वोतुप पुज्‍युङ यिन्‍सिनाङ तीकी कोन्‍छ्‍योककी थोक्‍ला सेनी जिन्‍बा तोङ्‍गुपला टडिक क्‍यासुङ।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 6:15

तमा अब्राहामकी कोन्‍छ्‍योककी कला ङ्‍येन्‍नी हम क्‍यानी गुनी देतुप तप्‍की अब्राहामला खोकी थाक्‍छ्‍येन नङ्‍गुप मोलाम ति तेरी थोप्‍सुङ।

१ पत्रुस 3:4

यिने ख्‍यिरा सेमगी दिङ्‍ला ति नाम्‍साङ मोफोवु कुसु ज्‍यम्‍बु ताङ हम क्‍या देतुप च्‍युङ्‍नी मज्‍या ल्‍यामु कोन्‍नी छ्‍यावु दोके जेमु जो। ती ति कोन्‍छ्‍योककी थोङ्‍दाङला छासे गोङ नावु वे।

१ यूहन्‍ना 3:18

ङे ङ्‍यिङ्‍ज्‍येवु आङातिवा, ख्‍यिराङ ख तिराङकी ङ्‍यिङ्‍ज्‍ये कितिन सिरुप मिन, यिने लाका टेङ्‍बु क्‍यानी ङ्‍यिङ्‍ज्‍ये छ्‍या तेन।

१ यूहन्‍ना 3:21

तुक क्‍यानी ङे ङ्‍यिङ्‍ज्‍येवुतिवा, दाक्‍पी सेमगी दाक्‍पुला क्‍येन माबिन्‍सिन, दाक्‍पु कोन्‍छ्‍योककी चिप्‍ला ङाडेङ क्‍यानी डो थुप्‍किवी।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।

१ यूहन्‍ना 5:3

कोन्‍छ्‍योककी कला ङ्‍येन्‍दुप ति दाक्‍पी खोला ङ्‍यिङ्‍ज्‍ये क्‍यावु यिन। खोकी कतिवा ङ्‍येन्‍दुप ति कले मे।

ज्‍यल्‍का 2:19

ख्‍योरो काङ काङ किवी, ख्‍योरो ङला चो ङ्‍यिङ्‍ज्‍ये किवी, ख्‍योरो ङला चो तेपा किवी, ख्‍योरो ङला चो शब्‍ज्‍यी किवी, तमा ख्‍युरुङ ङे थोक्‍ला हम क्‍यानी गुनी देकिवी सिरुप ति ङला तेरी छ्‍या वे। येलुङ ख्‍योरो ङला गोमाला सिनाङ तसाम मङ शब्‍ज्‍यी किवी सिरुप साङ ङला छ्‍या वे।

ज्‍यल्‍का 3:10

ख्‍योरो ङे कला ङ्‍येन्‍नी हम क्‍या देसुङ। ती तप्‍की जम्‍बुलिङकी मीतिवा तेरीला खोक्‍पा ल्‍हापला छेटाङ ख्‍येल वुङ्‍गुप पेला ङ ख्‍युरुङला ती छेटाङ नेसुर र्‍होकिनो।