१ थेसलोनिकी 1:1 - कोन्छ्‌योककी सुङ

¹ टसी देलेक! पावल ताङ सिलास ताङ तिमोथी नेसुर पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेला वोतुप चर्चकी मीतिवाला दी यिकी ति टिवु यिनो। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ थेसलोनिकी 1:1 Iomraidhean Croise

लोमा छ्‍येतिवी लाका 15:22

ती ज्‍युक्‍ला लोमा छ्‍येतिवा ताङ यहूदी गोमा कितुप मी छ्‍येतिवा ताङ तेपा कितुपतिवा तेरी डिक्‍नी तिवी पर नेमा ललाइ मीतिवाला पेनी पावल ताङ बारनाबासकी मुला एन्‍टिओखियाला तोङ्‍गुप नो क्‍यासुङ। तुक क्‍यानी तेपा कितुपतिवी पर नेमा बारसाबास सिरुप यहूदा ताङ सिलास मिरा ङ्‍यीला पेसुङ।

लोमा छ्‍येतिवी लाका 15:27

तमा ङ्‍यिरा यहूदा ताङ सिलासला साङ ख्‍यिरा ते तङ्‍गुप यिनो। तिवी ख्‍यिराङला ङ्‍यिरा यिकी टिन तङ्‍गुप ताम्‍ङेकी कोर्ला शेकितो।

लोमा छ्‍येतिवी लाका 15:40

यिने पावलकी सिलासला पेनी ङ्‍यिकर मुला राङ डोप पेला ते तेपा कितुप मीतिवी तिवाला कोन्‍छ्‍योककी कटिनला दे थुप्‍शी सिनी मोलाम बिन्‍नी ताङ्‍सुङ।

लोमा छ्‍येतिवी लाका 16:19

ती मो ल्‍हाप पुम्‍पेजा नेमा डे थेन गलुप हाक्‍कोसिमा लावामकी ज्‍यिन्‍दाकतिवी खोप्‍राङला टङ्‍गा शम्‍नी खुन वुङ्‍गुप रेवा मेतुप थोङ्‍नी पावल ताङ सिलासला जिम्‍नी हाला टिनी ठिम तोङ्‍गुपतिवी चाला क्‍याल्‍सुङ।

लोमा छ्‍येतिवी लाका 16:25

यिने नुप फेका चोयीला पावल ताङ सिलास मोपोर कियी कोन्‍छ्‍योकला सोवा देकुप लु लङ्‍यिन नोक। तमा चोन्‍खाङला शोरुप यम्‍बा मीतिवा ति ङ्‍येन्‍नी देनोक।

लोमा छ्‍येतिवी लाका 16:29

तमा ती चोन्‍खाङ ल्‍हाप मी ति दिप्‍ली च्‍येनी छ्‍योङ्‍बाल ग्‍यकिन नाङ्‍ला वानी ज्‍यिवा कियी सिरा पावल ताङ सिलासकी चिप्‍ला खवुतुङ्‍मा देसुङ।

लोमा छ्‍येतिवी लाका 17:11

तेकी यहूदीतिवा ति थेसलोनिके यहूदीतिवा सिनाङ हाक्‍कोमु नोक। तुक क्‍यानी तिवा पावलकी ख्‍याप्‍टाक कितुप पेला सेम गा क्‍यानी ङ्‍येन्‍गिनोक। तमा येशूकी कोर्ला तिवी बिन्‍दुप येन्‍देन ति टेङ्‍बु यिन्‍ताङ मिन्‍ताङ सिनी ङ्‍यिमी टेङ कोन्‍छ्‍योककी सुङ लोप्‍किनोक।

लोमा छ्‍येतिवी लाका 18:5

ती पेला सिलास ताङ तिमोथी माकेडोनिया नेसुर वानोक। तुक क्‍यानी पावल ति कुर जोप लाका क्‍युर ज्‍याक्‍नी सुङ ख्‍याप्‍टाक कितुप ताङ यहूदीतिवाला येशू ति ख्रीष्‍ट यिन सिनी पङ्‍बु तेरिन नोक।

लोमा छ्‍येतिवी लाका 19:22

तमा खोरुङला दाल्‍जा कितुप तिमोथी ताङ इरास्‍तसला ति माकेडोनियाला ताङ्‍नी खोरुङ ति ङ्‍यिमा चेयी पर सेक एशिया लुङ्‍बाला देसुङ।

लोमा छ्‍येतिवी लाका 20:4

ती पेला पावलकी मुला डोप मीतिवा ति बेरियाला क्‍येवु पुरासकी पुज्‍युङ सेपोत्रस ताङ थेसलोनिकेकी अरिस्‍तार्खस ताङ सिकन्‍दस ताङ डर्बीकी गायस ताङ तिमोथी ताङ एशियाकी तुखिकस ताङ त्रोफिमस नोक।

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

२ कोरिन्थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुप ङ पावल ताङ दाक्‍पी नुप तिमोथी नेसुर कोरिन्‍थीला वोतुप कोन्‍छ्‍योककी चर्चकी मीतिवा ताङ अखैया लुङ्‍बाला वोतुप तेरी कोन्‍छ्‍योकला तेपा कितुप मीतिवाला टिवु यिनो।

२ कोरिन्थी 1:19

च्‍यिलासिसिन सिलास ताङ तिमोथी ताङ ङे ख्‍यिराङला ख्‍याप्‍टाक क्‍यावु कोन्‍छ्‍योककी सेवु येशू ख्रीष्‍ट साङ पर्साला “यिन”, पर्साला “मिन” सिनी ताम्‍ङे ङ्‍यी कितुप मिन। यिने खो ति नरी “यिन” सिरुप तिराङ वे।

गलाती 1:22

ती पेला सेक ते यहूदियाला वोतुप चर्चकी मीतिवी ङला ङो माशेनोक।

एफिसी 1:2

दाक्‍पी पपा कोन्‍छ्‌योक ताङ चोवो येशू ख्रीष्‍ट नेमा ख्‍यिराङला कटिन ताङ लोदिमु वुङ्‍शी।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

कलस्सी 1:1

टसी देलेक! दी यिकी ति कोन्‍छ्‍योककी नोवा नेसुर ख्रीष्‍ट येशूकी लोमा छ्‍ये ङ पावल ताङ नुप तिमोथी नेसुर

२ थेसलोनिकी 1:1

टसी देलेक! दी यिकी ति ङ पावलकी सिलास ताङ तिमोथी मुला राङ दाक्‍पी पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेकी चर्चकी मीतिवाला टिवु यिनो।

१ तिमोथी 1:2

वुतुङ के तेपा कितुप आङ तिमोथीला टिवु यिनो। पपा कोन्‍छ्‍योक ताङ दाक्‍पी चोवो येशू ख्रीष्‍ट नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

२ तिमोथी 1:2

आङ तिमोथीला दी यिकी ति टिवु यिनो। पपा कोन्‍छ्‍योक ताङ दाक्‍पी चोवो ख्रीष्‍ट येशू नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

हिब्रू 13:23

ङ ख्‍यिराङला दी ताम्‍ङे ति हाक्‍को ज्‍यितिन, दाक्‍पी नुप तिमोथी साङ चोन्‍खाङ ने थेन वोतो। दोजो ती ङमु राङ वासिन ङ तीकी मुला ख्‍यिराङला ठेतुपला वुङ्‍गुप्‍नो।

१ पत्रुस 5:12

दी यिकी ति खोङ्‍तेर्मु वोतुप ङे नुप सिलासला टिक च्‍यितुप यिनो। दी यिकी ति ख्‍यिराङला टोङ्‍गु तेरुपला ताङ कोन्‍छ्‍योककी कटिन टेङ्‍बु ति दी राङ यिन सिनी पङ्‍बु तेरुपला टिवु यिनो। तुक क्‍यानी ख्‍यिराङ दी कटिनला ल्‍यामो क्‍यानी देता।

१ यूहन्‍ना 1:3

ङ्‍यिरा काङ थोङ्‍गुप ताङ थोवु ति ख्‍यिराङला सिरिन वे। च्‍यिलासिसिन ख्‍यिराङ ङ्‍यिरा मुला डिक्‍जोम च्‍युङ्‍नी तम्‍जी ल्‍यामु वुङ्‍शी। तमा ङ्‍यिरा डिक्‍जोम ति पपा कोन्‍छ्‍योक ताङ खोकी सेवु येशू ख्रीष्‍टकी मुला जो वे।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।