१ पत्रुस 5:8 - कोन्छ्‌योककी सुङ

⁸ च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

१ पत्रुस 5:8 Iomraidhean Croise

मत्ती 13:39

ठिमा देपुप ड ति शैतान यिन। सप्‍ले दुतुप तुजे ति जम्‍बुलिङ ना डोप तिङ्‍मी तुजे यिन। सप्‍ले दुतुपतिवा ति देवाच्‍येनकी लेन क्‍योलुप थुतिवा यिन।

मत्ती 24:42

ती तप्‍की च्‍याङ्‍से देता, च्‍यिलासिसिन ख्‍यिरा चोवो चुका छेर्मु फेप्‍किवी सिरुप ति ख्‍यिराङला छ्‍या मे।

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

मत्ती 4:1

तमा ती ज्‍युक्‍ला कोन्‍छ्‍योककी थु चाङ्‍माकी येशूला शैतान नेमा खोक्‍पा ल्‍हापला ख्‍येल ज्‍यितुपला दासा पाङ्‍थेरीला टिनी गाल।

मत्ती 4:11

तमा शैतानकी येशूला क्‍युर ज्‍याक्‍नी गाल्‍सुङ। गल्‍सिमा देवाच्‍येनकी लेन क्‍योलुप थुतिवा वानी येशूला शब्‍ज्‍यी पुल्‍सुङ।

मर्कूस 4:15

तमा लामला ख्‍येलुप सेन ति दुका मीतिवा दोके यिन। तिवाला कोन्‍छ्‍योककी सुङ ख्‍याप्‍टाक कितुप पेला तिवी थोवु ति थोसुङ, यिने शैतान शार्क्येक वानी तीकी थोवु सुङ ति ठोनी डिवी।

लूका 21:34

“तुक क्‍यानी ख्‍यिराङ दाक दाक्‍पी थोक्‍ला च्‍याङ्‍से देता, सेम नोजु कितुप ताङ छ्‍याङ थुनी जेप ताङ मिजीकी थोक्‍ला पप कितुपला ख्‍यिरा सेम ख्‍येल माज्‍यी। मिसियाङ ती तुजे ति तर्वा दोके ख्‍यिरा हाक्‍माकोवा क्‍यानी ख्‍यिरा खला ख्‍येल्‍गिवी।

लूका 21:36

तुक क्‍यानी ख्‍यिराङ च्‍याङ्‍से देता, त च्‍युङ्‍गुप दी तेरी ताम्‍ङेतिवा नेसुर र्‍होक्‍नी मी पुज्‍युङकी चिप्ला लङ थुप्‍शी सिनी नरी मोपोर किसा।”

लूका 22:31

तमा येशूकी सुङ्‍सुङ, “ओ सिमोन, ओ सिमोन, ल्हो ताङ। शैतानकी ख्‍यिराङ तेरीला ट दोके योलुपला गोङ्‍बा शु वे।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

२ कोरिन्थी 2:11

तुक क्‍यावु तेन्‍दोक ति शैतानकी दाक्‍पुला च्‍यु छोल मुथुप्‍शी सिनी यिन। च्‍यिलासिसिन तीकी खोनक्‍पु वोतुप च्‍युतिवा दाक्‍पुला तेरी छ्‍या वे।

एफिसी 4:27

डेला ख्‍यिरा नाङ्‍ला लाका कि माज्‍यी।

एफिसी 6:11

शैतानकी च्‍युतिवी तेन्‍दोकला लानी दे थुपुपला कोन्‍छ्‌योककी नङ्‍गुप तेरी मक्‍मीकी लाक्‍च्‍येतिवा लोसा।

१ तिमोथी 2:15

यिने पुम्‍पेजातिवी येशूला तेपा कितुप ताङ ङ्‍यिङ्‍ज्‍ये कितुप ताङ टेङ्‍बुकी मिजी क्‍याङ्‍सुङ सिसिन आङा क्‍येप पेला कोन्‍छ्‍योककी तिवाला र्‍होकिवी।

१ तिमोथी 2:9

तुक राङ क्‍यानी पुम्‍पेजातिवी साङ छ्‍येजु कितुप मिन, कुसु ज्‍यम्‍बु क्‍यानी दाक दाक्‍पुला पोमु वुङ्‍गुप मज्‍यातिवा कोन्‍शी। र्‍ह ल्हामा ल्हानी मज्‍या ल्‍यामु कोन्‍नी छ्‍यानी सेर ताङ मोती ताङ गोङ नावु मज्‍यातिवा कोन्‍नी मिन,

१ तिमोथी 3:11

तुक राङ क्‍यानी तिवी पेर्मीतिवा साङ किताङ नालु ल्‍यामु वोतुप ताङ मीला मारे मोतोङ्‍गुप ताङ डेकला देतुप ताङ तेरी ताम्‍ङेला खोङ्‍तेर्मु वुङ गोकिवी।

१ तिमोथी 3:2

यिने तुका चर्चला गोमा कितुप मीतिवा ति क्‍येन मेतुप ताङ पेर्मी च्‍यिक राङ वोतुप ताङ काङ किसिनाङ छे क्‍यानी कितुप ताङ सेम थिला ज्‍योकुप ताङ मीतिवी ताङ्‍देन क्‍यावु ताङ डेन्‍बुला ताङ्‍देन कितुप ताङ येन्‍देन लोप थुपुप वुङ गोकिवी।

२ तिमोथी 4:17

यिने चोवो येशू ङे मिजीला ज्‍युनी ङला ङार नङ्‍सुङ। तीकी तेन्‍दोक ति यहूदी मिन्‍दुप मिरिक यम्‍बाकी मीतिवा तेरीला कोन्‍छ्‍योककी सुङ ख्‍याप्‍टाक क्‍यानी तिवाला ती सुङ तेरी हाक्‍को ज्‍यितुपला यिन। तमा खोकी ङला ठिम्‍खाङकी सेतुप छ्‍येर्पा नेसुर र्‍होक्‍सुङ।

तीतस 1:8

यिने डेन्‍बुला ल्‍यामु कितुप ताङ ङ्‍यिङ्‍ज्‍ये च्‍यङ्‍च्‍यु वोतुप ताङ खुरुङला डेकला देतुप ताङ टेङ्‍बु वोतुप ताङ चाङ्‍मा वोतुप ताङ हम क्‍यानी देतुप ताङ

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

तीतस 2:2

मी गावातिवाला कुसुमी देतुप ताङ ताङ्‍देन कि छ्‍योवु ताङ खुरुङला डेकला ज्‍योक थुपुप जो। तमा तिवाला तेपा रम्‍बु ताङ ङ्‍यिङ्‍ज्‍ये कितुप ताङ हम क्‍यानी दे थुपुप वुङ गोकिवी सिनी लोप।

तीतस 2:4

तुक राङ क्‍यानी मी गामातिवी पुम्‍पेजा ज्‍येन्‍दातिवाला दाक दाक्‍पी ख्‍योवा ताङ पेजातिवाला ङ्‍यिङ्‍ज्‍ये कितुप ताङ

तीतस 2:6

तुक राङ क्‍यानी ख्‍योक्‍पेजा ज्‍येन्‍दातिवाला साङ डेकला दे सिनी टोङ्‍गु बिन।

याकूब 4:7

तुक क्‍यानी रङगी मिजी ति कोन्‍छ्‍योककी ओङला ज्‍योक, तमा शैतानकी तेन्‍दोकला लो। तुक क्‍यासिन ती शैतान ति ख्‍यिरा नेसुर टोनी डिवी।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

ज्‍यल्‍का 12:10

ती पेला देवाच्‍येनला दुक सिक्‍यावु वोरु ग्‍येर्पु यी ङे थोसुङ। “त याङ दाक्‍पी कोन्‍छ्‍योककी तेरी मीतिवाला थर्वा नङ्‍गुप ताङ खोकी ङार ताङ ग्‍येल्‍खाप ताङ खोकी पेन नङ्‍गुप ख्रीष्‍टकी ओङ्‍ज्‍येन ति वा वे। च्‍यिलासिसिन तेपा कितुप दाक्‍पी अच्‍युनुपतिवाला ङ्‍यी ताङ नुप्‍ज्‍या कोन्‍छ्‍योककी दोङ्‍ला क्‍येन तेरुप शैतान ति देवाच्‍येन नेमा तेन्‍नी क्‍युर्नी वे।

ज्‍यल्‍का 12:12

ती तप्‍की ओ देवाच्‍येन ताङ देवाच्‍येनला वोतुपतिवा, ख्‍यिराङ कशेन गा की। यिने जम्‍बुलिङ ताङ ग्‍येम्‍छोला वोतुपतिवाला छासे ज्‍यिवा यिन। च्‍यिलासिसिन खुरुङ ना डोप तुजे अला मे सिरुप हाक्‍कोनी शैतान ति छासे ङ्‍यिर्मु कोक्‍पु लानी ख्‍यिराङ जम्‍बुलिङला वोतुपतिवी पर्ला गाल वे।”

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 20:10

तमा तिवाला लुतुप डे ति मे ताङ तुसोक कशेन वोतुप चो दोके वोतुप ते क्‍युर्सुङ। ते ती सेम्‍ज्‍येन ताङ लुङ्‍तेम्‍बा मेटेङ्‍बुतिवा गोमाला के क्‍युर्नी नोक। ते तिवी ङ्‍यी ताङ नुप्‍ज्‍या नरीकी नरी छेटाङ खुर्किवी।

ज्‍यल्‍का 20:2

तीकी ति तोङगी रुल यिन्‍दुप डुक तीला जिम्‍नी लो तोङ्‍डा च्‍यिककी थोक्‍ला टासुङ। ती डुक तीला डे याङ्‍ना शैतान साङ सिवी।