१ पत्रुस 5:4 - कोन्छ्‌योककी सुङ

⁴ तमा लुक गोठाला छ्‍ये दोके यिन्‍दुप ख्रीष्‍ट फेपुप पेला ख्‍यिराङला नाम्‍साङ मेसेतुप मोवा वोतुप ग्‍येल्‍वुकी उशाक थोप्‍कितो।

१ पत्रुस 5:4 Iomraidhean Croise

यूहन्‍ना 10:11

ङ गोठाला ल्‍यामु यिन। गोठाला ल्‍यामुकी खोरो लुकतिवा र्‍होकुपला खुरुङ शि राङ गोसिनाङ शिवी।

१ कोरिन्‍थी 9:25

चिर्मु चेपला वुङ्‍गुप मीतिवा तेरी छ्‍यक्‍तक थोपुपला डेकला देनी तालिम किवी। तिवा ना डोप छ्‍यक्‍तक थोपुपला तुक किवी, यिने दाक्‍पु ति नाम्‍साङ ना मोडोवु छ्‍यक्‍तक थोपुपला डेकला देनी तालिम किवी।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

१ पत्रुस 1:4

ती तिराङ मिन, कोन्‍छ्‍योककी खोरे पेन नङ्‍गुप मीतिवाला थोपुप मोलाम साङ नाङ्‍सुङ। ती मोलाम ति ना मोडोवु ताङ मेटेङ्‍बु मोडोवु ताङ नाम्‍साङ मेसेतुप यिन, तमा ती मोलाम ति दाक्‍पुला खोकी ग्‍येल्‍खापला टडिक क्‍यानी वे।

१ पत्रुस 2:25

च्‍यिलासिसिन तोङ्‍ला ख्‍यिराङ ख्‍यम्‍नी गलुप लुकतिवा दोके यिन, यिने त याङ ख्‍यिरा सेम ल्‍हाटे कितुप गोठाला दोके यिन्‍दुप ताङ ख्‍यिराङला र्‍होकुप येशू ख्रीष्‍टकी ते ख्‍यिराङ लोक्‍नी वा वे।

१ पत्रुस 5:2

ख्‍यिराङला चेक तेन ज्‍यकुप कोन्‍छ्‍योककी पेतुप मीतिवाला लुक गोठालाकी लुकतिवाला ल्‍हावु दोके क्‍यानी ल्‍यामु ल्‍हटे किसा। कर्खापला ख्‍येल्‍नी कितुप मिन, यिने कोन्‍छ्‍योककी नोवा यिन सिनी सेम्‍बा सेमगी किसा। टङ्‍गा डेवी देर्पाला ख्‍येल्‍नी मिन, यिने गा क्‍यानी किसा।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।

ज्‍यल्‍का 2:10

ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।

ज्‍यल्‍का 3:11

ल्‍होसा, ङ ङमु राङ वुङ्‍यिनो। ख्‍योरो ङला क्‍यावु तेपा ति र्‍होक्‍नी ज्‍योक। तमा ख्‍युरुङला ङे तेरिन सिक्‍यावु छ्‍यक्‍तक ति सी साङ ठोक मुथुप्‍तो।