१ पत्रुस 5:3 - कोन्छ्‌योककी सुङ

³ ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।

१ पत्रुस 5:3 Iomraidhean Croise

यूहन्‍ना 13:15

ङे ख्‍यिराङला दी नमुना छ्‍या तेन्‍दुप तेन्‍दोक ति ङे ख्‍यिरा थोक्‍ला काङ क्‍या वे, ख्‍यिरा साङ तुक राङ किशी सिनी यिन।

लोमा छ्‍येतिवी लाका 20:28

तुक क्‍यानी ख्‍यिराङ गोमा कितुप मी छ्‍येतिवा रङगी थोक्‍ला ल्‍यामो क्‍यानी नासाम तोङ, तमा तेपा कितुप ख्‍यिरा मीतिवाला साङ ल्‍यामो क्‍यानी ल्‍होसा। च्‍यिलासिसिन कोन्‍छ्‍योककी थु चाङ्‍माकी ख्‍यिराङला तेपा कितुप मीतिवा ल्‍हाटे कितुपला चेक तेतुप ताङ खोकी खोरो सेवुकी ठककी ङ्‍योनी नङ्‍गुप चर्च ल्‍यामो क्‍यानी ल्‍हापला पेतुप यिन।

१ कोरिन्‍थी 11:11

यिन्‍सिनाङ चोवोकी थोङ्‍दाङला ति ख्‍योक्‍पेजाला पुम्‍पेजा मेसिन मेवी, पुम्‍पेजाला साङ ख्‍योक्‍पेजा मेसिन मेवी।

१ कोरिन्‍थी 3:5

काङ अपोल्‍लोस ति सु यिन रो? पावल ति सु यिन रो? ङ्‍यिरा ख्‍याप्‍टाक क्‍यावु कोन्‍छ्‍योककी सुङ थोनी ख्‍यिरा तेपा क्‍यावु यिन। ङ्‍यिराङ याङ कोन्‍छ्‍योकला शब्‍ज्‍यी कितुप मी तिराङ यिन।

१ कोरिन्‍थी 3:9

ङ्‍यिराङ ति कोन्‍छ्‍योककी थोक्‍ला मुला राङ लाका कितुपतिवा तिराङ यिन। तमा ख्‍यिराङ ति कोन्‍छ्‍योककी शिङ ताङ खोकी जोवु खाङ्‍बा यिन।

२ कोरिन्थी 1:24

ङ्‍यिरा ख्‍यिराङला चुक क्‍यानी तेपा कि गोकिवी सिनी ओङ्‍ज्‍येन कितुपला कार क्‍यावु मिन, यिने ख्‍यिराङला गा लोङ्‍गुपला राङ ङ्‍यिराङ ख्‍यिरा मुला लाका कितिनो। च्‍यिलासिसिन ख्‍यिराङ याङ येशूला तेपा रम्‍बु वे।

२ कोरिन्थी 4:5

ङ्‍यिराङ रङगी कोर्ला ख्‍याप्‍टाक मिकिवी, यिने येशू ख्रीष्‍ट तिराङ चोवो यिन सिरुप ताङ ङ्‍यिराङ ति येशूकी थोक्‍ला शब्‍ज्‍यी कितुप ख्‍यिरा योक्‍पु यिन सिनी ख्‍याप्‍टाक किवी।

फिलिप्पी 3:17

अच्‍युनुपतिवा, ङे काङ क्‍यावे, ख्‍यिरा साङ तुकै राङ नरी लुमु से। तमा ङ्‍यिरा मिजी नेसुर छ्‍या तेन्‍दुप दोके क्‍यानी मिजी क्‍योङ्‍गुप यम्‍बा मीतिवाला ल्हानी लोपा।

फिलिप्पी 4:9

ख्‍यिरा चुका ताम्‍ङे ति ङे नेसुर लाप्‍वे, चुका ताम्‍ङे ति सेमला लावे, चुका ताम्‍ङे ति ङे ख नेमा थोवे, चुका ताम्‍ङे ति ङे मिजीला थोङ्‍वे, ती दोके राङ की। तमा लोदिमु नङ्‍गुप कोन्‍छ्‍योक ख्‍यिरा मुला ज्‍युकितो।

१ थेसलोनिकी 1:7

ती तप्‍की माकेडोनिया ताङ अखैयाकी तेपा कितुपतिवा तेरीकी पर्ला ख्‍यिराङ पे च्‍यिक च्‍युङ्‍सुङ।

२ थेसलोनिकी 3:9

ङ्‍यिराङला ख्‍यिराङ नेसुर दाल्‍जा ङ्‍येतुप ओङ मेतुप याङ मिन, यिन्‍सिनाङ ख्‍यिरा ङ्‍यिरा क्‍यावु दोके क्‍यानी ङ्‍यिरा लुमु से गोकिवी सिरुप ति ख्‍यिराङला हाक्‍कोशी सिनी ङ्‍यिरा तुक क्‍यावु यिन।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

तीतस 2:7

तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

१ पत्रुस 2:9

यिने ख्‍यिराङ याङ तुकै मिन, ख्‍यिराङ ति कोन्‍छ्‍योककी पेन नङ्‍गुप गिपा ताङ खोकी ग्‍येल्‍खापकी कोङ्‍यार ताङ टेङ्‍बु वोतुप मिरिक ताङ कोन्‍छ्‍योककी खोरे मीतिवा यिन। खोकी ख्‍यिराङला नक्‍तोमी ने थेन्‍नी खोकी हलेवु वोसिरला टिन फेप्‍सुङ। तुक क्‍यानी ख्‍यिरा खोकी हलेवु लाकातिवा मी यम्‍बाला ख्‍याप्‍टाक कि थुप्‍शी।