१ पत्रुस 5:2 - कोन्छ्‌योककी सुङ

² ख्‍यिराङला चेक तेन ज्‍यकुप कोन्‍छ्‍योककी पेतुप मीतिवाला लुक गोठालाकी लुकतिवाला ल्‍हावु दोके क्‍यानी ल्‍यामु ल्‍हटे किसा। कर्खापला ख्‍येल्‍नी कितुप मिन, यिने कोन्‍छ्‍योककी नोवा यिन सिनी सेम्‍बा सेमगी किसा। टङ्‍गा डेवी देर्पाला ख्‍येल्‍नी मिन, यिने गा क्‍यानी किसा।

१ पत्रुस 5:2 Iomraidhean Croise

लूका 12:32

“ओ छो टिक्‍पे, ज्‍यिवा माकी, च्‍यिलासिसिन ख्‍यिरा पपा कोन्‍छ्‍योककी ख्‍यिराङला खोकी ग्‍येल्‍खाप नङ्‍गुपला गा किनोक।

लोमा छ्‍येतिवी लाका 20:29

ङ गल्‍सिमा ख्‍यिरा पर्ला ज्‍यिवा लोङ्‍गुप खटमुतिवा दोके येन्‍देन मेटेङ्‍बु लोपुपतिवा वानी ख्‍यिरा मीतिवाला ना तोङ्‍गिवी सिरुप ति ङला छ्‍या वे।

लोमा छ्‍येतिवी लाका 21:13

यिने पावलकी ङ्‍यिराङला “ख्‍यिराङ दुक क्‍यान ङुनी ङे सेम च्‍यिला मेलोवा जेवी? चोवो येशूकी मिङला ङ चोन्‍खाङला शोर्सिनाङ, यरूशलेमला शिराङ गोसिनाङ ङ डोयी।” सिनी सिक्‍यासुङ।

रोमी 1:15

ती तप्‍की ख्‍यिराङ रोमीतिवाला साङ ती लेन ल्‍यामु ति ख्‍याप्‍टाक कितुप ङला छासे गा लानी वे।

१ कोरिन्‍थी 9:7

चुका मी तीकी रङगी डोसुमला मक्‍मीकी लाका किवी रो? चुका मी तीकी गुन्‍डुम तप्‍सिमा गुन्‍डुम डेलु मासावी रो? चुका मी तीकी छ्‍युङ्‍मा सोसिमा छ्‍युङ्‍मी वोमा मुथुङ्‍गिवी रो?

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 3:8

तुक राङ क्‍यानी चर्चला ल्हाटे कितुप मीतिवा साङ नासाम ल्‍यामु तोङ्‍गुप वुङ गोकिवी। तन्‍दा राङ च्‍यिक तन्‍दा राङ च्‍यिक सिरुप ताङ छ्‍याङ्‍गेले कितुप ताङ नोरला देर्पा कितुप मिन,

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

तीतस 3:1

ओङ्‍ज्‍येन कितुपतिवा ताङ मी छ्‍येतिवी ओङला देनी तिवी खला ङ्‍येन्‍दुप ताङ लाका टेङ्‍बु कितुपला नाम्‍साङ तिङ माछे सिनी मीतिवाला टोङ्‍गु बिन।

फिलेमोन 1:14

यिने ख्‍युरुङ माङ्‍येन्‍सुङ सिसिन ङ काङ साङ कितुप गा मलाङ्‍गिवी। ङे करखापकी ख्‍योरो ङला च्‍यम्‍बा कितुप मिन, ख्‍योरो सेम्‍बा सेमगी किशी सिरुप ति ङ नो कितिन।

हिब्रू 12:15

नासाम तोङा, ख्‍यिराङ सु साङ कोन्‍छ्‍योक नेमा थोपुप कटिनला क्‍युर्नी मोज्‍योक्‍शिता, तमा सेमला लाका मेलोवा कितुप नासाम माज्‍योक। नासाम मेलोवा ज्‍याक्‍सिन तीकी मङ मङ फेल्‍नी मी बङीला मेटेङ्‍बु जेवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।