१ पत्रुस 5:14 - कोन्छ्‌योककी सुङ

¹⁴ ख्‍यिराङ च्‍यिककी च्‍यिकला ङ्‍यिङ्‍ज्‍ये क्‍यानी टसी देलेक सिसा। ख्रीष्‍ट येशूला तेपा कितुपतिवा तेरीला लोदिमु वुङ्‍शी।

१ पत्रुस 5:14 Iomraidhean Croise

मत्ती 5:47

ख्‍यिरा रङगी अच्‍युनुपतिवाला तिराङ ताङ्‍देन किवी सिसिन ख्‍यिराङ मी यम्‍बा सिनाङ मङ काङ ल्‍यामु वे रो? काङ यहूदी मिन्‍दुप मिरिक यम्‍बातिवी साङ तुकै राङ मिकिवी रो?

यूहन्‍ना 14:27

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

यूहन्‍ना 20:19

ती जा ङ्‍यिमी गोमु राङ लोमातिवा मुला जोम्‍नी गो च्‍येनी देनोक, च्‍यिलासिसिन तिवा यहूदी गोमा कितुप छ्‍येतिवाला ज्‍यिवा क्‍यासुङ। ती पेला राङ येशू फेप्‍नी तिवी पर्ला शेङ्‍नी, “ख्‍यिराङला लोदिमु वुङ्‍शी।” सिनी सुङ्‍सुङ।

यूहन्‍ना 20:26

दिन्‍जा च्‍यिक तिङ्‍ला येलुङ लोमातिवा खाङ्‍बी नाङ्‍ला जोम्‍नोक, ती पेला थोमा साङ तिवी मुला राङ नोक। तिवा गो च्‍येनी देन्‍नोक, यिने येशू फेप्‍नी तिवी पर्ला शेङ्‍नी तिवाला “ख्‍यिराङला लोदिमु वुङ्‍शी।” सिनी सुङ्‍सुङ।

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

रोमी 16:16

ख्‍यिराङ च्‍यिककी च्‍यिकला येशू ख्रीष्‍टकी ङ्‍यिङ्‍ज्‍ये ताङ मुला टसी देलेक सिनी सिसा। ख्रीष्‍ट येशूला तेपा कितुप चर्चकी मीतिवा तेरीकी ख्‍यिराङला टसी देलेक सिनी ताङ वोते।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 16:20

दे वोतुप तेरी तेपा कितुप अच्‍युनुपतिवी साङ ख्‍यिराङला टसी देलेक सिनी ताङ्‍नी वोतो। ख्‍यिराङ च्‍यिककी च्‍यिकला ङ्‍यिङ्‍ज्‍ये ताङ मुला टसी देलेक सिसा।

२ कोरिन्थी 13:12

च्‍यिककी च्‍यिकला ङ्‍यिङ्‍ज्‍ये ताङ मुला टसी देलेक सिसा।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

एफिसी 6:23

पपा कोन्‍छ्‌योक ताङ चोवो येशू ख्रीष्‍ट नेमा खोला तेपा कितुपतिवा तेरीला तेपा नेसुर वुङ्‍गुप ङ्‍यिङ्‍ज्‍ये ताङ लोदिमु वुङ्‍शी।

१ थेसलोनिकी 5:26

तेरी अच्‍युनुपतिवाला ङ्‍यिङ्‍ज्‍ये ताङ मुला टसी देलेक सिसा।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

३ यूहन्‍ना 1:14

यिने ङ ङमु राङ ख्‍युरुङला ठेतुपला वुङ्‍गुप नो वे, ख्‍युरुङला ठेसिमा मुला राङ देनी ताम्‍ङे कितुप्‍नो।