१ पत्रुस 5:12 - कोन्छ्‌योककी सुङ

¹² दी यिकी ति खोङ्‍तेर्मु वोतुप ङे नुप सिलासला टिक च्‍यितुप यिनो। दी यिकी ति ख्‍यिराङला टोङ्‍गु तेरुपला ताङ कोन्‍छ्‍योककी कटिन टेङ्‍बु ति दी राङ यिन सिनी पङ्‍बु तेरुपला टिवु यिनो। तुक क्‍यानी ख्‍यिराङ दी कटिनला ल्‍यामो क्‍यानी देता।

१ पत्रुस 5:12 Iomraidhean Croise

यूहन्‍ना 21:21

तीला थोङ्‍सिमा पत्रुसकी येशूला “चोवो, तीला ति चुकै च्‍युङ्‍गिवी?” सिनी टिसुङ।

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

लोमा छ्‍येतिवी लाका 15:22

ती ज्‍युक्‍ला लोमा छ्‍येतिवा ताङ यहूदी गोमा कितुप मी छ्‍येतिवा ताङ तेपा कितुपतिवा तेरी डिक्‍नी तिवी पर नेमा ललाइ मीतिवाला पेनी पावल ताङ बारनाबासकी मुला एन्‍टिओखियाला तोङ्‍गुप नो क्‍यासुङ। तुक क्‍यानी तेपा कितुपतिवी पर नेमा बारसाबास सिरुप यहूदा ताङ सिलास मिरा ङ्‍यीला पेसुङ।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

१ कोरिन्‍थी 15:1

अच्‍युनुपतिवा, ङे ख्‍यिराङला ख्‍याप्‍टाक क्‍यावु लेन ल्‍यामु ति ख्‍यिराङला येलुङ सिरिन। ख्‍यिराङ ती सुङ ति सेमला लानी तेपा रम्‍बु च्‍युङ्‍नी देन वे।

२ कोरिन्थी 1:19

च्‍यिलासिसिन सिलास ताङ तिमोथी ताङ ङे ख्‍यिराङला ख्‍याप्‍टाक क्‍यावु कोन्‍छ्‍योककी सेवु येशू ख्रीष्‍ट साङ पर्साला “यिन”, पर्साला “मिन” सिनी ताम्‍ङे ङ्‍यी कितुप मिन। यिने खो ति नरी “यिन” सिरुप तिराङ वे।

२ कोरिन्थी 1:24

ङ्‍यिरा ख्‍यिराङला चुक क्‍यानी तेपा कि गोकिवी सिनी ओङ्‍ज्‍येन कितुपला कार क्‍यावु मिन, यिने ख्‍यिराङला गा लोङ्‍गुपला राङ ङ्‍यिराङ ख्‍यिरा मुला लाका कितिनो। च्‍यिलासिसिन ख्‍यिराङ याङ येशूला तेपा रम्‍बु वे।

एफिसी 3:3

खोकी नोवा ति छ्‍याकला नोक। ती ति खोकी ङला ज्‍यल्‍का नेसुर हाक्‍को च्‍यिसुङ। तीकी कोर्ला तोङ्‍ला साङ ङे ख्‍यिराङला चेयी टिनी वे।

एफिसी 6:21

ङ चुकै वे, काङ कियी वे, ती ति ख्‍यिरा साङ हाक्‍कोशी सिनी कोन्‍छ्‌योकला ल्‍यामो क्‍यानी शब्‍ज्‍यी बुलुप ङे ङ्‍यिङ्‍ज्‍येवु नुप तुखिकसकी तेरी ताम्‍ङे ति ख्‍यिराङला शेकितो।

कलस्सी 1:7

दी कोन्‍छ्‍योककी कटिन ति ङ्‍यिरा मुला राङ शब्‍ज्‍यी कितुप दाल्‍जा इपाफ्रास नेसुर ख्‍यिराङला लापुप यिन। ती ति ङ्‍यिरा छापला ख्‍यिरा पर्ला ख्रीष्‍टकी थोक्‍ला लाका कितुप खोङ्‍तेर्मु वोतुप नुप यिन।

कलस्सी 4:7

दाक्‍पी नुप तुखिकसकी राङ ङे कोर्ला तेरी लेन ति ख्‍यिराङला लप्‍कितो। ती ति ङे ङ्‍यिङ्‍ज्‍येवु नुप यिन, तमा ङे मुला राङ चोवोला शब्‍ज्‍यी कितुप खोङ्‍तेर्मु वोतुप मी यिन।

कलस्सी 4:9

तीकी मुला ङ्‍यिरा ङ्‍यिङ्‍ज्‍येवु ताङ खोङ्‍तेर्मु वोतुप नुप ओनेसिमस साङ वुङ्‍यिन वोतो। ती ति ख्‍यिरा मु नेसुर राङ वावु मी यिनो। दे च्‍युङ्‍गुप ताम्‍ङेतिवा तिवी राङ तेरी ख्‍यिराङला लप्‍कितो।

१ थेसलोनिकी 1:1

टसी देलेक! पावल ताङ सिलास ताङ तिमोथी नेसुर पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेला वोतुप चर्चकी मीतिवाला दी यिकी ति टिवु यिनो। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

२ थेसलोनिकी 1:1

टसी देलेक! दी यिकी ति ङ पावलकी सिलास ताङ तिमोथी मुला राङ दाक्‍पी पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेकी चर्चकी मीतिवाला टिवु यिनो।

हिब्रू 13:22

अच्‍युनुपतिवा, ङ ख्‍यिराङला ठाकुरे सिरिन, ङे टोङ्‍गु बिन्‍दुप ति ङ्‍येना। दी टोङ्‍गु ति ङे ख्‍यिराङला चेयी तिराङ टिनी वोतो।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 4:10

ख्‍यिराङ सुला कोन्‍छ्‍योक नेमा मीतिवाला शब्‍ज्‍यी कितुपला ओङ थोप्‍वे, ती ओङ थोपुप दोके क्‍यानी च्‍यिककी च्‍यिकला शब्‍ज्‍यी की।

२ पत्रुस 1:12

दी ताम्‍ङे ति ख्‍यिराङला छ्‍या वे, तमा ख्‍यिराङ तेपा रम्‍बु क्‍यानी देकिवी, यिन्‍सिनाङ ङ ख्‍यिराङला नरी टेन ज्‍यितुपला दी ताम्‍ङे ति सिरिन।

२ पत्रुस 2:15

तिवा लाम थेकाङला युकुप क्‍युर ज्‍याक्‍नी लाम मेटेङ्‍बुला गल्‍नी बओरकी पुज्‍युङ लुङ्‍तेम्‍बा बालमकी दला शुकुप गल वे। ती बालम ति गोमाला लाका मेटेङ्‍बु क्‍यानी टङ्‍गा शोम्‍बुप गा किनोक।

३ यूहन्‍ना 1:12

डेमेत्रियसकी थोक्‍ला याङ मी तेरीकी पङ्‍बु ल्‍यामु बिन वे, ती ति तीकी टेङ्‍बु वोतुप मिजी ल्‍हानी साङ हाक्‍कोकिवी। ङ्‍यिराङ साङ तीकी थोक्‍ला पङ्‍बु तेरिन। ती ति ङ्‍यिरा बिन्‍दुप पङ्‍बु टेङ्‍बु यिन सिनी ख्‍यिरा हाक्‍कोकिवी।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।