१ पत्रुस 4:4 - कोन्छ्‌योककी सुङ

⁴ यिने त याङ ख्‍यिराङ तुका सेम नोजु कितुप लाका ति तिवी मुला च्‍यिक्‍पा राङ क्‍यानी मिकिवु ल्‍हानी कोन्‍छ्‍योकला ङो मेशेवु मीतिवा हलेवा लानी ख्‍यिराङला मारे तोङ्‍गिवी।

१ पत्रुस 4:4 Iomraidhean Croise

मत्ती 23:25

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो! ख्‍यिराङ खोनक्‍पुतिवा! ख्‍यिरा देर्माङ ताङ कोरी फिला ति शिनी कर्मु जेवी, यिने ख्‍यिरा सेमगी दिङ्‍ला ति देर्पा ताङ खुरुङला तिराङ च्‍युङ्‍शी सिरुप नासाम क्‍येङ्‍गिवी।

लूका 15:13

तमा ङ्‍यिमा चेयी ज्‍युक्‍ला ती पुज्‍युङ छ्‍युङा ति खोरुङला थोपुप टोङ्‍बा ति तेरी रुनी थाक्‍रिङ्‍बु लुङ्‍बाला गाल। ते गल्‍नी तीकी सेम नोजु क्‍यानी खोरो टोङ्‍बा ति तेरी ना ताङ्‍सुङ।

लोमा छ्‍येतिवी लाका 13:45

मी माङ्‍छ्‍योक वुङ्‍गुप थोङ्‍नी यहूदीतिवा ठतोक लानी पावलकी मीतिवाला लापुप ताम्‍ङे ति टेङ्‍बु मिन सिनी पावलकी तेन्‍दोकला लासुङ।

लोमा छ्‍येतिवी लाका 18:6

यिने यहूदीतिवा पावलकी तेन्‍दोकला लानी मर्च्या क्‍यासुङ। तमा पावलकी ख्‍युर ग्‍युर्नी तिवाला “ख्‍यिराङला कोन्‍छ्‍योक नेमा ख्‍येलुप पर्च्या ति ख्‍यिरा क्‍येन यिन, ङे ति मिन। त याङ ङ यहूदी मिन्‍दुप मिरिक यम्‍बाकी मीतिवी ते डोयी।” सिनी खोरो मज्‍यी लोकी थल्‍दुक र्‍हुन ज्‍याक्‍नी गाल्‍सुङ।

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

एफिसी 5:18

छ्‌याङ आराक थुनी जिनी रङगी जुला ना मातोङ, यिने खोकी थु चाङ्‍माकी क्‍येङ्‍नी देता।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 3:16

तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।

२ पत्रुस 2:12

यिने ती गेकेन मेटेङ्‍बुतिवा याङ खोरो हाक्‍माकोवु ताम्‍ङेला मारे तोङ्‍गिवी। तिवा नो मेशेवु सेम्‍ज्‍येनतिवा दोके यिन्‍दुप तप्‍की खोप्‍राङ नोवाला तिराङ युकिवी। तिवा जिम्‍नी सेतुपकी थोक्‍ला क्‍येवु सेम्‍ज्‍येन दोके यिन। तुक क्‍यानी सेम्‍ज्‍येनतिवा दोके तिवा ना डिवी।

२ पत्रुस 2:22

तुक क्‍यानी तिवी थोक्‍ला “की तीकी खोरो क्‍युनी खोरो राङ लकिवी। फाक्‍पाला टुनी बिन्‍सिन येलुङ दक्‍च्‍यिरला राङ गङ्‍ङ्‍येल चेवी।” सिरुप पेकी तेन्‍दोक ति डिकिवी।

यहूदा 1:10

यिने ती मीतिवी याङ खोरो हाक राङ माकोवु ताम्‍ङे चुकै यिन्‍सिनाङ मारे तङ्‍नी क्‍येन तेर्किवी। तमा तिवी तेरी ताम्‍ङेतिवा ल्‍यामु हाक्‍कोकिवी सिनी रिक्‍पा मेतुप छ्‍युङ्‍मातिवा दोके क्‍यानी लाका किवी। तुक क्‍यानी तिवा रिक्‍पा मेतुप लाकाकी तेन्‍दोकला राङ ना डिवी।