१ पत्रुस 4:17 - कोन्छ्‌योककी सुङ

¹⁷ च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?

१ पत्रुस 4:17 Iomraidhean Croise

लूका 23:31

दोजो दोङ्‍बु ङोर्मु वोतुप पेला साङ तुकै किसिन दोङ्‍बु कम्‍बुप पेला याङ काङ च्‍युङ्‍गी ताङ?”

रोमी 1:1

रोमला वोतुप मीतिवा तेरीला टसी देलेक! दी यिकी ति येशू ख्रीष्‍टकी थोक्‍ला लावा च्‍युङ्‍गुप ङ पावलकी टिवु यिनो। ङ ति कोन्‍छ्‍योककी लेन ल्‍यामु ख्‍याप्‍टाक कितुप ताङ लोमा छ्‍ये च्‍युङ्‍गुपला खोकी पेन नङ्‍गुप यिन।

रोमी 2:9

तुका लाका दुक्‍टा कितुप मीतिवा तेरीला छेटाङ दुङल ख्‍येल्‍गिवी। ती छेटाङ दुङल ति गोमाला यहूदीतिवाला ख्‍येल्‍गिवी, ती ज्‍युक्‍ला यहूदी मिन्‍दुप मिरिक यम्‍बाकी मीतिवाला ख्‍येल्‍गिवी।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 5:7

ख्‍यिरा तेपा ति रम्‍बु डोयी नोक, यिने सी ख्‍यिराङला दी लाका टेङ्‍बु कितुप नेसुर क्‍येक्‍सुङ?

गलाती 6:10

तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

२ थेसलोनिकी 1:8

कोन्‍छ्‍योकला ङो माशेवु ताङ दाक्‍पी चोवो येशूकी लेन ल्‍यामुला तेपा मिकिवु मीतिवाला खोकी पर्च्या तोङ्‍गिवी।

१ तिमोथी 3:15

ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

हिब्रू 2:2

तोङ्‍ला देवाच्‍येनकी लेन क्‍योलुप थुतिवी दाक्‍पी हङ्‍गावातिवाला सिक्‍यावु सुङ ति वुतुङ के टेङ्‍बु च्‍युङ्‍सुङ। तमा ती सुङला मेङ्‍येन्‍दुप ताङ ती सुङला मुयुकुपतिवाला ङ्‍ये गोवु पर्च्या ति ङ्‍येसुङ।

हिब्रू 2:4

दी थर्वा ति टेङ्‍बु यिन्‍दुप पङ्‍बु छ्‍या देन्‍दुपला कोन्‍छ्‍योककी साङ ततिवा छ्‍या देन्‍दुप ताङ हलेवु लाकातिवा ताङ नम्‍बा बङीकी ङार छ्‍येवु लाकातिवा क्‍या नाङ्‍सुङ। तमा खोकी नोवाला वोतुप दोके खोरे थु चाङ्‍माकी कटिनतिवा साङ नाङ्‍सुङ।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ पत्रुस 2:8

तमा यम्‍बा सुङला दुक सिनी टि वे, “दो च्‍यिककी मीतिवाला नर्तुक ग्‍यक ज्‍यिकिवी, तमा टक च्‍यिककी मीतिवाला तला ग्‍यक ज्‍यिकिवी।” ती दोके क्‍यानी मीतिवा तला ग्‍यकिवी, च्‍यिलासिसिन तिवी कोन्‍छ्‍योककी सुङ माङ्‍येन्‍दुप तप्‍की यिन। तिवी थोक्‍ला तुकै च्‍युङ्‍गुप ति कोन्‍छ्‍योककी गोमाला राङ सुङ्‍गुप सुङगी मुला डिकिवी।