१ पत्रुस 4:16 - कोन्छ्‌योककी सुङ

¹⁶ यिन्‍सिनाङ ख्‍यिराङ येशूला तेपा क्‍यावु तप्‍की दुक्‍पा खुर्किवी सिसिन ख्‍यिराङ ङोछा माकी, यिने कोन्‍छ्‍योकला राङ सोवा तेक।

१ पत्रुस 4:16 Iomraidhean Croise

लोमा छ्‍येतिवी लाका 11:26

शाऊलला ठेसिमा एन्‍टिओखियाला टिनी वासुङ। तमा तिवी मुला लो खोर्मा यी सेक देनी चर्चला वोतुप तेपा कितुप मीतिवा बङीला नरी ठेनी येन्‍देन बिन्‍सुङ। ती पेला नेज्‍युनी एन्‍टिओखियाला वोतुप लोमातिवाला थल्‍माला ख्रीष्‍टियान सिनी सिक्‍यावु यिन।

लोमा छ्‍येतिवी लाका 26:28

तमा अग्रिपासकी पावलला “काङ ख्‍युरुङ ङला उकुर च्‍यिकला राङ ख्रीष्‍टियान जोप नो किवी?” सिनी सिक्‍यासुङ।

लोमा छ्‍येतिवी लाका 28:22

यिने अच्‍युकी नासाम ति काङ नोक सिनी अच्‍युकी ख नेमा राङ ङ्‍येन्‍दुप ङ्‍यिरा नो वे। च्‍यिलासिसिन कनी साङ मीतिवा अच्‍युकी छोक्‍पाकी कोर्ला ताम्‍ङे मेलोवा तिराङ किवी सिरुप ति ङ्‍यिराङला छ्‍या वे।”

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

फिलिप्पी 1:20

ङे खक्‍छ्‍येवुला कि राङ गोवु लाका ताङ रेवा ति दी यिन। ङ नाम्‍साङ ङोछाला माख्‍येल्‍नी छासे ङाडेङ ङ्‍येनी शिसिनाङ सेन्‍बु वोसिनाङ नरी दोके तन्‍दा साङ ङे मिजी ति ख्रीष्‍टकी थोक्‍ला मोवा कितुप डोशी।

फिलिप्पी 1:29

च्‍यिलासिसिन ख्‍यिराङ ख्रीष्‍टला तेपा कितुप तिराङ मिन, यिने खोकी थोक्‍ला दुक्‍पा साङ खुर गोकिवी। तुक कितुप ति ख्रीष्‍टकी नङ्‍गुप कटिन यिन।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

याकूब 2:7

काङ तिवी ख्‍यिरा तेपा क्‍यावु चोवो येशू ख्रीष्‍टला साङ मारे तङ्‍गुप मिन रो?

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।

१ पत्रुस 4:14

दोजो ख्रीष्‍टला तेपा क्‍यावु तप्‍की मीतिवी ख्‍यिराङला ङ्‍यिङ्‍मर क्‍यासिन ख्‍यिराङला मोलाम थोपुप यिनो, च्‍यिलासिसिन कोन्‍छ्‍योककी मोवा वोतुप थु चाङ्‍मा ति ख्‍यिरा मुला ज्‍यु वे।

१ पत्रुस 4:19

तुक क्‍यानी कोन्‍छ्‍योककी नोवाला वोतुप दोके दुक्‍पा खुरुप मीतिवी लाका ल्‍यामु क्‍यानी खोप्‍रे सेम ति खोङ्‍तेर्मु वोतुप कोन्‍छ्‍योकला चेक ते गोकिवी।