१ पत्रुस 4:14 - कोन्छ्‌योककी सुङ

¹⁴ दोजो ख्रीष्‍टला तेपा क्‍यावु तप्‍की मीतिवी ख्‍यिराङला ङ्‍यिङ्‍मर क्‍यासिन ख्‍यिराङला मोलाम थोपुप यिनो, च्‍यिलासिसिन कोन्‍छ्‍योककी मोवा वोतुप थु चाङ्‍मा ति ख्‍यिरा मुला ज्‍यु वे।

१ पत्रुस 4:14 Iomraidhean Croise

मत्ती 5:11

ख्‍यिराङला मोलाम थोपुप यिनो। चो पेला मीतिवी ङे थोक्‍ला ख्‍यिराङला मर्च्या कितुप ताङ छेटाङ तेरुप ताङ टेङ्‍बु मेतुप ताम्‍ङे बङी लाप्‍नी मेलोवा किवी,

मत्ती 5:16

ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

लूका 6:22

ख्‍यिरा ङ मी पुज्‍युङला तेपा क्‍यावु तप्‍की मीतिवी ख्‍यिराङला ङ्‍यिङ्‍मर कितुप ताङ मीतिवी पर नेसुर तेन तोङ्‍गुप ताङ मर्च्या कितुप ताङ ख्‍यिरा मिङ दुक्‍टा वे सिनी ङोशी मारेला ताङ्‍सिन ख्‍यिराङ मोलाम थोपुप यिनो।

यूहन्‍ना 15:21

तमा ख्‍यिराङ ङे तिङ्‍ला तिङ्‍योकुप तप्‍की तिवी ख्‍यिराङला तुका छेटाङ तेर्किवी। ती ति ङला तोङ्‍गुप तीला तिवी ङो माशेवु तप्‍की यिन।

यूहन्‍ना 8:48

तमा यहूदीतिवी येशूला “ङ्‍यिरा ख्‍युरुङ सामरी यिन, तमा ख्‍युरुङला डे ग्‍यप्‍नोक सिनी सिक्‍यावु ति टेके मिन रो?” सिनी सिक्‍यासुङ।

यूहन्‍ना 9:28

तमा तिवी तीला मारे तोङ्‍यिन सिरा “ख्‍युरुङ ति तीकी लोमा यिन, यिने ङ्‍यिराङ याङ मोशाकी लोमा यिन।

यूहन्‍ना 9:34

तमा तिवी तीला “ख्‍युरुङ याङ क्‍येप पेला नेज्‍युनी दिक्‍पाला ख्‍येलुप वुतुङ के दिक्‍छेन यिन, यिन्‍सिनाङ ख्‍योरो के ङ्‍यिराङला लोपुप छोल्‍गिवी?” सिनी तीला यहूदी छ्‍योखाङ नेमा तेन्‍नी ताङ्‍सुङ।

लोमा छ्‍येतिवी लाका 13:45

मी माङ्‍छ्‍योक वुङ्‍गुप थोङ्‍नी यहूदीतिवा ठतोक लानी पावलकी मीतिवाला लापुप ताम्‍ङे ति टेङ्‍बु मिन सिनी पावलकी तेन्‍दोकला लासुङ।

लोमा छ्‍येतिवी लाका 18:6

यिने यहूदीतिवा पावलकी तेन्‍दोकला लानी मर्च्या क्‍यासुङ। तमा पावलकी ख्‍युर ग्‍युर्नी तिवाला “ख्‍यिराङला कोन्‍छ्‍योक नेमा ख्‍येलुप पर्च्या ति ख्‍यिरा क्‍येन यिन, ङे ति मिन। त याङ ङ यहूदी मिन्‍दुप मिरिक यम्‍बाकी मीतिवी ते डोयी।” सिनी खोरो मज्‍यी लोकी थल्‍दुक र्‍हुन ज्‍याक्‍नी गाल्‍सुङ।

लोमा छ्‍येतिवी लाका 28:22

यिने अच्‍युकी नासाम ति काङ नोक सिनी अच्‍युकी ख नेमा राङ ङ्‍येन्‍दुप ङ्‍यिरा नो वे। च्‍यिलासिसिन कनी साङ मीतिवा अच्‍युकी छोक्‍पाकी कोर्ला ताम्‍ङे मेलोवा तिराङ किवी सिरुप ति ङ्‍यिराङला छ्‍या वे।”

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

२ कोरिन्थी 12:10

तुक क्‍यानी ङ ति ख्रीष्‍टकी थोक्‍ला ङार मेतुप पेला ताङ मी मारे तोङ्‍गुप पेला ताङ कलेला ख्‍येलुप पेला ताङ छेटाङला ख्‍येलुप पेला ताङ दुङलला ख्‍येलुप पेला लोदिमु क्‍यानी दे थुप्‍किवी। च्‍यिलासिसिन ङ ङार मेतुप पेला ङार छ्‍येवु च्‍युङ वे।

२ कोरिन्थी 4:10

येशूकी मिजी ति ङ्‍यिरा मिजीला साङ वोतुप छ्‍या देन्‍दुपला ङ्‍यिराङ ङ्‍यिमी टेङ रङगी जुला खोकी थोक्‍ला शिराङ गोसिनाङ दुक्‍पा खुर्किवी।

२ कोरिन्थी 4:16

तुक क्‍यानी ङ्‍यिराङ नाम्‍साङ यिछ्‍येता मिकिवी। ङ्‍यिरा जु ति काङ कि मुथुवु गल्‍सिनाङ ङ्‍यिरा सेम ति मङ मङ रम्‍बु डोयी वे।

गलाती 1:24

ते तिवी ङे मिजी फोवु थोङ्‍नी कोन्‍छ्‍योकला सोवा तेक्‍सुङ।

हिब्रू 11:26

तीकी मिश्रला वोतुप नोर ताङ टोङ्‍बा सिनाङ ख्रीष्‍टकी थोक्‍ला मारे गल्‍नी देतुप ति छासे गोङ नावु यिन सिनी नो क्‍यानोक। च्‍यिलासिसिन तीकी कोन्‍छ्‍योककी नङ्‍गुप छ्‍यक्‍तककी थोक्‍ला लाम ल्हानी देसुङ।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

याकूब 5:11

ल्‍होसा, हम क्‍या देतुपतिवा मोलाम वोतुप यिनो। अय्‍यूबकी चुक क्‍यानी हम क्‍यानी देसुङ, तमा तिङ्‍ला कोन्‍छ्‍योककी तीला मोलाम नाङ्‍सुङ सिरुप ताम्‍ङे साङ ख्‍यिरा हाक्‍को वे। तमा चोवो कोन्‍छ्‍योक ति ङ्‍यिङ्‍ज्‍ये ताङ च्‍यम्‍बा नङ्‍गुप यिन सिरुप साङ हाक्‍को वे।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 3:14

यिने ख्‍यिराङ लाका टेङ्‍बुकी थोक्‍ला दुक्‍पा खुर्सुङ सिसिन ख्‍यिराङला मोलाम थोपुप यिनो। मीतिवी ख्‍यिराङला ज्‍यिवा कुसिन ख्‍यिराङ ज्‍यिवा माकी, यर्मिन मर्मिन साङ माडो।

१ पत्रुस 3:16

तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।

१ पत्रुस 4:16

यिन्‍सिनाङ ख्‍यिराङ येशूला तेपा क्‍यावु तप्‍की दुक्‍पा खुर्किवी सिसिन ख्‍यिराङ ङोछा माकी, यिने कोन्‍छ्‍योकला राङ सोवा तेक।

२ पत्रुस 2:2

तमा मी बङीकी तिवी लापुप येन्‍देन मेटेङ्‍बु ङ्‍येन्‍नी दुक्‍टा किवी। तीकी जोसालेन्‍सिन मी यम्‍बातिवी साङ कोन्‍छ्‍योककी सुङ टेङ्‍बुला मारे तोङ्‍गिवी।