१ पत्रुस 4:12 - कोन्छ्‌योककी सुङ

¹² ङ्‍यिङ्‍ज्‍येवु अच्‍युनुपतिवा, ख्‍यिराङला तेपा रम्‍बु जोपला छासे खोक्‍पा ल्‍हाप छेटाङतिवा ख्‍येलुप पेला ख्‍यिराङ मिच्‍यिक्‍पा च्‍युङ्‍सुङ सिनी हलेवा माकी,

१ पत्रुस 4:12 Iomraidhean Croise

१ कोरिन्‍थी 10:13

ख्‍यिरा मिजीला खोक्‍पा ल्‍हाप ताम्‍ङेतिवा ख्‍येलुप पेला ती खोक्‍पा ल्‍हाप ताम्‍ङेतिवा ति मी यम्‍बाला साङ ख्‍येल्‍गिवी सिनी नासाम तोङ। कोन्‍छ्‍योक ति खोङ्‍तेर्मु वे, खोकी ख्‍यिराङला ख्‍यिरा अछ्‍योवु सिनाङ ल्‍हक्‍पा खोक्‍पा ल्‍हाप ताम्‍ङेला ख्‍येल मिज्‍यिवी। यिने खोक्‍पा ल्‍हाप ताम्‍ङे ख्‍येल वासिनाङ ती नेसुर थरुप लाम साङ नङ्‍गिवी। तुक क्‍यानी ख्‍यिराङ खोक्‍पा ल्‍हापला ख्‍येलुप पेला हम क्‍यानी दे थुप्‍किवी।

१ कोरिन्‍थी 3:13

तुका मीतिवा रे रेकी लाका ति कोन्‍छ्‍योककी छ्‍या देन्‍गिवी। च्‍यिलासिसिन खोकी ठिम क्‍या नङ्‍गुप तुजेला तिवी क्‍यावु लाका ति ठछ्‍येली थोङ्‍गिवी। तमा सु सुकी चुका चुका लाका क्‍यानोक सिनी मे थ्‍वोनी र्‍हेनी ल्‍हेवी।

२ तिमोथी 3:12

वुतुङ के येशू ख्रीष्‍टला तेपा क्‍यानी मिजी टेङ्‍बु क्‍योङ्‍गुप मीतिवा तेरी छेटाङला राङ ख्‍येल्‍गिवी।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

१ पत्रुस 4:4

यिने त याङ ख्‍यिराङ तुका सेम नोजु कितुप लाका ति तिवी मुला च्‍यिक्‍पा राङ क्‍यानी मिकिवु ल्‍हानी कोन्‍छ्‍योकला ङो मेशेवु मीतिवा हलेवा लानी ख्‍यिराङला मारे तोङ्‍गिवी।

१ पत्रुस 5:9

तुक क्‍यानी ख्‍यिराङ तेपा रम्‍बु क्‍यानी तीकी तेन्‍दोकला लोसा, च्‍यिलासिसिन जम्‍बुलिङ तेरीला वोतुप ख्‍यिरा अच्‍युनुपतिवी साङ तुकै राङ छेटाङ खुरिन वोतो।