१ पत्रुस 4:11 - कोन्छ्‌योककी सुङ

¹¹ सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।

१ पत्रुस 4:11 Iomraidhean Croise

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

यूहन्‍ना 13:31

यहूदा पाङ्‍ला थेन गल्‍सिमा येशूकी सुङ्‍सुङ, “त याङ मीतिवी ङ मी पुज्‍युङला मोवा वोतुप थोङ्‍गितो, तमा मी पुज्‍युङ नेमा कोन्छ्‍योक छासे मोवा वोतुप ति थोङ्‍गितो।

लोमा छ्‍येतिवी लाका 7:38

ती मोशाकी राङ दाक्‍पी हङ्‍गावातिवाला दासा पाङ्‍थेरीला टिनी वासुङ। तमा सीनै रीला देवाच्‍येनकी लेन क्‍योलुप थुकी मोशा ताङ मुला ताम्‍ङे लाप्‍सुङ। ते राङ सुङ टेङ्‍बु ति मोशाला थोप्‍नी दाक्‍पुला बिन्‍दुप यिन।

रोमी 11:36

जम्‍बुलिङला वोतुप तेरी च्‍यालकतिवा खोकी राङ ज्‍ये नङ्‍गुप यिन। ती तेरी खो नेसुर राङ खोकी थोक्‍ला यिन। तुक क्‍यानी खोला राङ नरीकी नरी मोवा वुङ्‍शी। आमिन।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 16:27

तुक क्‍यानी च्‍यिक राङ ज्‍यु वोतुप ताङ रिक्‍पाकी क्‍येङ्‍गुप दाक्‍पी कोन्‍छ्‍योकला येशू ख्रीष्‍ट नेसुर नरीकी नरी मोवा वुङ्‍शी। आमिन।

रोमी 3:2

ख्‍येप्‍साङ ति बङी वे। ती ति काङ यिन सिसिन थल्‍माला कोन्‍छ्‍योककी यहूदीतिवाला खोकी सुङ टेङ्‍बु ति चेक तेन नङ्‍गुप यिन।

१ कोरिन्‍थी 10:31

तुक क्‍यानी ख्‍यिराङ सोसिनाङ थुसिनाङ काङ क्‍यासिनाङ ती तेरी कोन्‍छ्‍योककी मोवाकी थोक्‍ला किसा।

१ कोरिन्‍थी 12:4

कोन्‍छ्‍योककी थु चाङ्‍मा नेमा थोपुप कटिनकी ङ्‍येम्‍बा ति कुतुक कुतुक गिवी, यिने ती कटिनकी ङ्‍येम्‍बा नङ्‍गुप खोकी थु चाङ्‍मा ति च्‍यिक राङ यिन।

१ कोरिन्‍थी 3:10

कोन्‍छ्‍योककी ङला नङ्‍गुप कटिनकी राङ ङ ति खाङ्‍बा जोप मी खामु दोके डम्‍ज्‍यी तिङ्‍यिन। तमा यम्‍बातिवी ती डम्‍ज्‍यी खला खाङ्‍बा जेवी। तमा खाङ्‍बा जोपतिवी चुक क्‍यानी जो गोकिवी सिनी नासाम ल्‍यामु तोङ गोकिवी।

१ कोरिन्‍थी 6:20

ख्‍यिराङ ति खोकी गोङ तेनी ङ्‍योवु यिन। तुक क्‍यानी ख्‍यिरा रङगी मिजी ने कोन्‍छ्‍योकला मोवा की।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

२ कोरिन्थी 9:13

ख्‍यिरा तिवी थोक्‍ला बुल्‍वा बिन्‍नी ख्रीष्‍टकी लेन ल्‍यामुला वोतुप सुङला युसुङ, तमा ख्‍यिरा सेम पेनी कोन्‍छ्‍योकला तेपा कितुप मीतिवा ताङ मी बङीकी थोक्‍ला दाल्‍जा किटे क्‍यानी पङ्‍बु छ्‍या तेन्‍दुप तप्‍की मीतिवी कोन्‍छ्‍योकला मोवा किवी।

एफिसी 1:19

तमा दाक्‍पु तेपा कितुपतिवी थोक्‍ला खोकी छासेकी ङार ति काङ यिनोक सिनी ख्‍यिरा हाक्‍कोशी सिनी मोपोर कितिन। ती ङार ति खोकी चोछ्‍येवु ङार यिन।

एफिसी 4:29

ख्‍यिरा ख नेमा चोताम मालाप, यिने मीला यर्के लोङ्‍गुप ताङ लप गोवु ताम्‍ङे ल्‍यामु तिराङ लोप। तमा ङ्‍येन्‍दुपतिवाला साङ कटिन थोप्‍शी।

एफिसी 5:20

नरी तेरी ताम्‍ङेकी थोक्‍ला दाक्‍पी चोवो येशू ख्रीष्‍टकी मिङला पपा कोन्‍छ्‌योकला थुचिछे पुल।

एफिसी 6:10

तेरी सिनाङ तिङ्‍ला ङ सिरिन, ख्‍यिराङ चोवो येशूकी ओङला ङार छ्‍येवु वुङ गोकिवी।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 2:11

तमा पपा कोन्‍छ्‍योककी मोवाकी थोक्‍ला तेरीकी ख नेमा येशू ख्रीष्‍ट राङ चोवो यिन सिनी मी मिङ्‍गाला खलाङ किवी।

कलस्सी 4:6

छे टोवाकी समा शिम्‍बु जोवु दोके ख्‍यिरा ताम्‍ङे लप्‍ताङ ति नरी कटिन नेसुर वुङ गोकिवी। तुक क्‍यासिन सी ख्‍यिराङला टिवा टिसिनाङ ख्‍यिरा तिवाला ल्‍यामु क्‍यानी टिलेन तेर थुप्‍किवी।

१ थेसलोनिकी 2:4

यिने कोन्‍छ्‍योककी ङ्‍यिराङला लो तेन्‍नी लेन ल्‍यामु ख्‍याप्‍टाक कि च्‍यिसुङ। ङ्‍यिरा ख्‍याप्‍टाक क्‍यावु लेन ल्‍यामु ति मीला गा लोङ्‍गुपला मिन, यिने दाक्‍पी सेम ल्‍हाप कोन्‍छ्‍योकला गा लोङ्‍गुपला यिन।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

१ तिमोथी 6:16

खो तिराङ नरीकी नरी लुवु वे। खो ति वोसिरला ज्‍युकिवी, तमा ती वोसिरकी चिप्‍ला सु साङ डो मुथुपी। खोला सी साङ नाम्‍साङ माथोङ वे, याङ्‍ना थोङ साङ मुथुपी। खोला राङ ताङ्‍देन ताङ ओङ्‍ज्‍येन ति नरीकी नरी वुङ्‍शी। आमिन।

तीतस 2:1

यिने तीतस ख्‍युरुङ ति येन्‍देन टेङ्‍बु तिराङ लोप।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

हिब्रू 13:7

ख्‍यिराङला कोन्‍छ्‍योककी सुङ लोपुप गेकेनतिवाला नासाम तोङ। तिवी चुक क्‍यानी मिजी क्‍याङ्‍सुङ, तिवा चुक क्‍यानी शिसुङ, तीकी कोर्ला ल्‍यामु क्‍यान ल्‍हानी ख्‍यिराङ साङ तिवी दोके तेपा किसा।

हिब्रू 5:12

ख्‍यिरा तेपा क्‍यावु ति लो अलायी गाल, तुक क्‍यानी त याङ ख्‍यिराङ गेकेन के च्‍युङ गोवु ति यिन्‍जा, यिने तरोङ साङ ख्‍यिराङला ललाइकी कोन्‍छ्‍योककी सुङगी कोर्ला गोमा नेज्‍युनी येलुङ लोप गोवु नोक। ख्‍यिराङ याङ समा क्‍योङ्‍बु साप मिन, आमी नुम तिराङ थुङ्‍गुप आङा टिक्‍पे दोके नोक।

याकूब 1:19

ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति हाक्‍कोवा किसा। ख्‍यिराङ टिम्‍बु क्‍यानी ङ्‍येन्‍दुप ताङ फिमु क्‍यानी ताम्‍ङे लपुप ताङ टिम्‍बु ङ्‍यिर्मु मिकिवु वुङ गोकिवी।

याकूब 1:26

दोजो सी ङ कोन्‍छ्‍योककी थोङ्‍दाङला टेङ्‍बु वे सिनी सिवी, यिने खोरो ख ति डेकला मोज्‍योकिवी सिसिन तीकी खोरो राङ खुरुङला जिनोकला ख्‍येलुप यिन। तमा तीकी कोन्‍छ्‍योककी थोङ्‍दाङला क्‍यावु टेङ्‍बुकी लाका ति तेर्मे यिन।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ पत्रुस 4:10

ख्‍यिराङ सुला कोन्‍छ्‍योक नेमा मीतिवाला शब्‍ज्‍यी कितुपला ओङ थोप्‍वे, ती ओङ थोपुप दोके क्‍यानी च्‍यिककी च्‍यिकला शब्‍ज्‍यी की।

१ पत्रुस 4:16

यिन्‍सिनाङ ख्‍यिराङ येशूला तेपा क्‍यावु तप्‍की दुक्‍पा खुर्किवी सिसिन ख्‍यिराङ ङोछा माकी, यिने कोन्‍छ्‍योकला राङ सोवा तेक।

१ पत्रुस 5:11

खोला राङ ओङ ताङ ङार ति नरीकी नरी वुङ्‍शी। आमिन।

यहूदा 1:25

खो ति च्‍यिक राङ ज्‍यु वोतुप कोन्‍छ्‍योक यिन, खो ति येशू ख्रीष्‍ट नेसुर दाक्‍पुला थर्वा नङ्‍गुप कोन्‍छ्‍योक यिन। खोला तेरी मोवा ताङ ताङ्‍देन ताङ ङार ताङ ओङ्‍ज्‍येन ति थल्‍मा नेज्‍यु तन्‍दा सेक तसाम नेज्‍यु तिङ्‍ला सेक नरीकी नरी वुङ्‍शी, आमिन।