१ पत्रुस 4:1 - कोन्छ्‌योककी सुङ

¹ चुक क्‍यानी ख्रीष्‍टकी खोरे जुला दुक्‍पा खुर नाङ्‍सुङ, ख्‍यिरा साङ खोकी दोके क्‍यानी दुक्‍पा खुरुपला टडिक क्‍यानी दे। च्‍यिलासिसिन सी ख्रीष्‍टकी थोक्‍ला जुला दुक्‍पा खुर्किवे, तीकी दिक्‍पा कितुप क्‍युर्किवी।

१ पत्रुस 4:1 Iomraidhean Croise

मर्कूस 3:3

येशूकी ती लाक्‍पा कम्‍बु ठोक गलुप मी तीला “मी तेरीकी दोङ्‍ला लो।” सिनी सुङ्‍सुङ।

रोमी 6:11

तुक राङ क्‍यानी ख्‍यिराङ साङ दाक दाक्‍पी दिक्‍पी थोक्‍ला शेप यिन, यिने त याङ येशू ख्रीष्‍ट ताङ मुला राङ कोन्‍छ्‍योककी थोक्‍ला सेन्‍बु लावु यिन सिनी नासाम तोङ गोकिवी।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

रोमी 6:7

च्‍यिलासिसिन मी शिसिमा दिक्‍पाकी तीला ओङ्‍ज्‍येन कि मुथुपी।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

गलाती 5:24

सु येशू ख्रीष्‍टकी सुङला युकिवे, तीकी दिक्‍पाकी किताङ नालु ताङ नोवातिवा खोरो जु ताङ मुला राङ ग्‍यङ्‍शिङला कल वे।

एफिसी 6:13

तुक क्‍यानी ती तेरी मक्‍मीकी लाक्‍च्‍येतिवा लङ्‍नी ती तुजे मेलोक्‍पाकी खला ग्‍येल थुपा की। तमा ती मक ग्‍यकुप लाका तेरी सिन्‍सिमा रम्‍बु क्‍यानी दे थुपा की।

फिलिप्पी 2:5

ख्‍यिरा सेम ति येशू ख्रीष्‍टला वोतुप दोके वुङ गोकिवी।

हिब्रू 12:3

ख्‍यिराङ चो दुक्‍पा खुर गोसिनाङ येन छ्‍येनी यिछ्‍येता मिकिवुला मी दिक्‍छेनतिवी चो ङ्‍यिङ्‍मर क्‍यासिनाङ हम क्‍यानी देतुप येशूला नासाम तोङ।

हिब्रू 4:10

कोन्‍छ्‍योककी खोरे छ्‍यक्‍लेन नेसुर ङप्‍सु तङ्‍गुप दोके खोकी ङप्‍सु ङ्‍येतुप मीतिवी साङ खोप्‍रे लाका नेसुर ङप्‍सु ङ्‍येकिवी।

१ पत्रुस 2:21

च्‍यिलासिसिन खोकी ख्‍यिराङला तीकी थोक्‍ला कताङ नङ्‍गुप यिन। ख्रीष्‍टकी साङ छेटाङ खुर्नी ख्‍यिरा थोक्‍ला पङ्‍बु च्‍युङ्‍सुङ। ती तप्‍की ख्‍यिराङ साङ खोकी क्‍या नङ्‍गुप दोके क्‍यानी मिजी क्‍योङ गोकिवी।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।