१ पत्रुस 3:7 - कोन्छ्‌योककी सुङ

⁷ तुक राङ क्‍यानी ख्‍योवातिवी साङ रङगी पेर्मी ति रम्‍बु मेतुप यिन सिमाक्‍यानी तिवाला ताङ्‍देन क्‍यानी मुला राङ मिजी क्‍योङ, च्‍यिलासिसिन ख्‍योवा ताङ पेर्मी ति कोन्‍छ्‍योककी कटिन नङ्‍गुप मिजी मुला राङ क्‍योङ्‍गुपला जो नङ्‍गुप यिन। तुक क्‍यासिन ख्‍यिराङ मोपोर कितुप पेला ख्‍यिराङला कले मेङ्‍शी।

१ पत्रुस 3:7 Iomraidhean Croise

मत्ती 18:19

येलुङ ङ ख्‍यिराङला सिरिन, जम्‍बुलिङला ख्‍यिराङ मिरा ङ्‍यी सेम थिन्‍नी काङ लाङ्‍सिनाङ देवाच्‍येनला ज्‍यु वोतुप ङे पपी ख्‍यिरा थोक्‍ला च्‍युङ ज्‍यिकिवी।

१ कोरिन्‍थी 7:3

ख्‍योवाकी खोरो पेर्मीकी थोक्‍ला कि गोवु लाका ति तेरी की, पेर्मीकी साङ खोरो ख्‍योवी थोक्‍ला कि गोवु लाका ति तेरी की।

एफिसी 3:6

ती छ्‍याकला वोतुप ताम्‍ङेकी तेन्‍दोक ति लेन ल्‍यामु नेसुर राङ यहूदी मिन्‍दुप मिरिक यम्‍बातिवाला साङ यहूदीतिवाला थोपुप कोन्‍छ्‌योककी मोलाम ति मुला राङ थोप्‍नी वे। तमा दाक्‍पु तेरी येशू ख्रीष्‍ट ताङ मुला जु च्‍यिक्‍पा राङ च्‍युङ्‍नी खोकी खोरे मीतिवाला थाक्‍छ्‌येन नङ्‍गुप साङ मुला राङ थोप्‍नी वे।

एफिसी 4:30

तमा कोन्‍छ्‌योककी थु चाङ्‍माला सेम्‍दुक मालोङ, ती थु चाङ्‍माकी राङ ख्‍यिराङला दिक्‍पा ने थर ज्‍यितुप तुजे मालेपा सेक्‍ला ख्‍यिराङ खोकी ति यिन सिनी त ग्‍यप्‍नी वे।

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

कलस्सी 3:19

ख्‍योवातिवा, ख्‍यिरा रङगी पेर्मीतिवाला च्‍युरुवु माक्‍यानी ङ्‍यिङ्‍ज्‍ये किसा।

१ थेसलोनिकी 4:4

ख्‍यिराङ दाक दाक्‍पुला टेङ्‍बु क्‍यानी रङगी पेर्मीला ताङ्‍देन की,

तीतस 3:7

तुक क्‍यानी खोकी कटिनकी दाक्‍पु टेङ्‍बु च्‍युङ्‍नी दाक्‍पुला नाम्‍साङ मिसिवु मिजी थोप छ्‍योवु रेवा नाङ्‍सुङ।

हिब्रू 1:14

ती देवाच्‍येनकी लेन क्‍योलुप थुतिवा ति सु यिन रो? काङ तिवा याङ दिक्‍पा ने थर्वा ङ्‍येतुपतिवाला शब्‍ज्‍यी कितुप थोक्‍ला तङ्‍गुप थुतिवा तिराङ मिन रो?

१ पत्रुस 3:1

तुक राङ क्‍यानी पेर्मीतिवा रङगी ख्‍योवी ओङला दे। तुक क्‍यासिन कोन्‍छ्‍योककी सुङला मेङ्‍येन्‍दुप ख्‍योवा साङ पेर्मीकी किताङ नालु ल्‍यामु वोतुप थोङ्‍सिमा कोन्‍छ्‍योककी कोर्ला काङ मालाप्‍सिनाङ ख्‍योवी सेम साङ कोन्‍छ्‍योककी थाकाला ग्‍युर्किवी।