१ पत्रुस 3:4 - कोन्छ्‌योककी सुङ

⁴ यिने ख्‍यिरा सेमगी दिङ्‍ला ति नाम्‍साङ मोफोवु कुसु ज्‍यम्‍बु ताङ हम क्‍या देतुप च्‍युङ्‍नी मज्‍या ल्‍यामु कोन्‍नी छ्‍यावु दोके जेमु जो। ती ति कोन्‍छ्‍योककी थोङ्‍दाङला छासे गोङ नावु वे।

१ पत्रुस 3:4 Iomraidhean Croise

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

मत्ती 21:5

“इस्राएलकी मीतिवाला दुक सी। ल्‍होसा, ख्‍यिरा ग्‍येल्‍वु ति ख्‍यिरा चाला फेप्‍कितो। खो ति सेम बोल्‍मु क्‍यानी पुङ्‍गोक खला, पुङ्‍गोक तिवु खला शेन्‍नी फेप्‍कितो।”

मत्ती 23:26

ओ फरिसी मिक शर्वातिवा! तोङ्‍ला कोरा ताङ देर्माङकी नाङ्‍ला ल्‍यामु शी, तुक क्‍यासिन फिला साङ चेङ्‍गा डिवी।

मत्ती 5:5

मोलाम थोपुप यिनो, सेम बोल्‍मु वोतुपतिवा, च्‍यिलासिसिन कोन्‍छ्‍योककी तिवाला जम्‍बुलिङ ति तिवी ति यिन सिनी नङ्‍गितो।

लूका 11:40

ओ अम्‍बारङ्‍शिङतिवा, फीकी ति जो नङ्‍गुप कोन्‍छ्‍योककी राङ नाङगी ति साङ जो नङ्‍गुप मिन रो?

लूका 16:15

तमा येशूकी तिवाला सुङ्‍सुङ, “ख्‍यिराङ ति मीतिवी मिङ्‍गाला खोरुङ राङ टेङ्‍बु यिन सिनी छ्‍या देन्‍गिवी। यिने कोन्‍छ्‍योककी ख्‍यिरा सेम चुकै वे सिरुप ति हाक्‍कोकिवी। मीतिवी छासे खक्‍छ्‍येवु वे सिनी नो कितुपतिवाला ति कोन्‍छ्‍योककी छासे क्‍युक्‍टो किवी।”

रोमी 1:23

तिवी नाम्‍साङ ना मोडोवु कोन्‍छ्‍योकला मोवा माक्‍यानी ना डोप मी ताङ च्‍यच्‍युम ताङ ठेक्‍पा ज्‍यी चुनी युकुप छ्‍युङ्‍मा ताङ जु टिन युकुप सेम्‍ज्‍येन दोके कु जोनी तिवाला मोवा कितुप गल वे।

रोमी 2:29

यिने वुतुङ्‍की यहूदी टेङ्‍बु ति खोरो सेमगी दिङ नेज्‍युनी कोन्‍छ्‍योककी ठिमला युकिवी। तमा वुतुङ्‍की च्‍येतुप लुक्‍सु क्‍यावु ति ठिमला सिक्‍यावु दोके जुला तिराङ कितुप मिन, कोन्‍छ्‍योककी थु चाङ्‍मा नेमा सेमला क्‍यावु यिन। तुका मीतिवाला मी नेसुर मिन, कोन्‍छ्‍योक नेमा ताङ्‍देन ङ्‍येकिवी।

रोमी 6:6

दाक्‍पी दिक्‍पा वोतुप मिजी ति ना डोशी, तमा येलुङ दाक्‍पु दिक्‍पी ओङला मेख्‍येल्‍शी सिनी दाक्‍पी मिजी ङ्‍यिङ्‍बा ति खो ताङ मुला राङ ग्‍यङ्‍शिङ लोला कल्‍नी शेप यिन सिरुप ति दाक्‍पुला छ्‍या वे।

रोमी 7:22

ङे सेमगी दिङ नेज्‍युनी कोन्‍छ्‍योककी ठिमला वोतुप दोके लाका कितुप गा लासिनाङ

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

२ कोरिन्थी 4:16

तुक क्‍यानी ङ्‍यिराङ नाम्‍साङ यिछ्‍येता मिकिवी। ङ्‍यिरा जु ति काङ कि मुथुवु गल्‍सिनाङ ङ्‍यिरा सेम ति मङ मङ रम्‍बु डोयी वे।

गलाती 5:23

कुसु ज्‍यम्‍बु ताङ डेकला देतुप तेरी लाकातिवा वुङ्‍गिवी। तीकी तेन्‍दोकला लङ्‍गुप ति काङ साङ ठिम मे।

एफिसी 4:2

नरी सेम बोल्‍मु ताङ च्‍यङ्‍च्‍यु सेम्‍बा च्‍युङ्‍नी हम क्‍यानी च्‍यिककी च्‍यिकला ङ्‍यिङ्‍ज्‍ये की।

कलस्सी 3:12

ख्‍यिराङ कोन्‍छ्‍योककी पेन नङ्‍गुप खोकी ङ्‍यिङ्‍ज्‍येवु ताङ टेङ्‍बु वोतुप मी यिन्‍दुप तप्‍की च्‍यङ्‍च्‍यु सेम्‍बा ताङ च्‍यम्‍बा कितुप ताङ खोरुङला मो बेपुप ताङ कुसु ज्‍यम्‍बु ताङ हम क्‍या देतुप वुङ गोकिवी।

कलस्सी 3:3

च्‍यिलासिसिन ख्‍यिराङ शिनी वे, तमा ख्‍यिरा मिजी ति ख्रीष्‍टकी मुला राङ कोन्‍छ्‍योककी चिप्‍ला बानी ज्‍याङ वे।

१ थेसलोनिकी 4:11

ङ्‍यिरा ख्‍यिराङला टोङ्‍गु बिन्‍दुप दोके मी यम्‍बी कोर्ला ताम्‍ङे माकी, यिने दाक दाक्‍पी लाकाला नासाम तङ्‍नी लाका की।

२ थेसलोनिकी 3:12

तिवाला ङ्‍यिराङ चोवो येशू ख्रीष्‍टकी मिङला क ताङ टोङ्‍गु तेरिन। तिवा खरक्‍पा सोक सोके देनी दाक दाक्‍पी लाका क्‍यानी सशी।

१ तिमोथी 2:2

तमा ग्‍येल्‍वुतिवा ताङ ग्‍येल्‍वी ओङला लाका कितुप मी छ्‍येतिवा तेरीकी थोक्‍ला साङ मोपोर की। तुक क्‍यासिन दाक्‍पु लोदिमु क्‍यानी कोन्‍छ्‍योकला सोवा देकुप ताङ ल्‍यामु वोतुप मिजी क्‍योङ थुप्‍शी।

२ तिमोथी 2:25

कुसु ज्‍यम्‍बु क्‍यानी रङगी तेन्‍दोकला लङ्‍गुप मीतिवाला साङ ल्‍यामु क्‍यानी लोप गोकिवी। तुक क्‍यासिन कोन्‍छ्‍योककी तिवाला साङ सेम ग्‍युर च्‍यिनी तिवी खोकी सुङ टेङ्‍बुला तेपा कि थुप्‍किवी।

तीतस 3:2

तमा तिवा सी तेन्‍दोकला साङ मालङ्‍शी, खाँदा मिकिशी, सेम बोल्‍मु ताङ मी तेरीकी मुला कुसु ज्‍यम्‍बु वुङ गोकिवी सिनी तिवाला टेन्‍सो कि च्‍यी।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ पत्रुस 3:15

यिने येशू ख्रीष्‍टला चोवो सिनी सेमगी दिङ नेज्‍यु मोवा की। तमा ख्‍यिरा क्‍यावु रेवाकी कोर्ला ललाइकी ख्‍यिराङला टिसिन तीकी टिलेन तेरुपला नरी टडिक क्‍यानी दे। यिने ख्‍यिराङ कुसु ज्‍यम्‍बु कितुप ताङ ताङ्‍देन क्‍यानी किसा।