१ पत्रुस 3:2 - कोन्छ्‌योककी सुङ

² च्‍यिलासिसिन ख्‍यिरा मिजी टेङ्‍बु वोतुप ताङ ख्‍यिरा तिवाला ताङ्‍देन क्‍यावु ति तिवी थोङ्‍गिवी।

१ पत्रुस 3:2 Iomraidhean Croise

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

एफिसी 6:5

ख्‍यिराङ योक्‍पुतिवा, ख्रीष्‍टला ताङ्‍देन क्‍यावु दोके दी जम्‍बुलिङकी ख्‍यिरा ज्‍यिन्‍दाकतिवी सिक्‍यावु ताम्‍ङे ति ज्‍यिवा क्‍यानी र्‍हुकिन सिरा सेमगी दिङ नेज्‍युनी की।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 3:20

यिने दाक्‍पु याङ देवाच्‍येनला वोतुप कोन्‍छ्‍योककी ग्‍येल्‍खापकी मीतिवा यिन। तमा दाक्‍पुला दिक्‍पा ने थर ज्‍यितुपला देवाच्‍येन नेमा फेपुप येशू ख्रीष्‍टला राङ दाक्‍पु छासे गुनी देन वे।

कलस्सी 3:22

लावातिवा, ख्‍यिराङ दी जम्‍बुलिङकी रङगी ज्‍यिन्‍दाकतिवी सिक्‍यावु खला ङ्‍येना। तिवाला गा लोङ्‍गुप नोनी तिराङ तिवी थोङ्‍दाङला लाका माकी, यिने चोवोला ज्‍यिवा खुर्नी सेम टेङ्‍बुकी लाका की।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ पत्रुस 1:15

यिने ख्‍यिराङला कताङ नङ्‍गुप चोवो कोन्‍छ्‍योक टेङ्‍बु वोतुप दोके ख्‍यिराङ साङ ख्‍यिरा मिजीला वोतुप तेरी किताङ नालुतिवा टेङ्‍बु वुङ गोकिवी।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 3:1

तुक राङ क्‍यानी पेर्मीतिवा रङगी ख्‍योवी ओङला दे। तुक क्‍यासिन कोन्‍छ्‍योककी सुङला मेङ्‍येन्‍दुप ख्‍योवा साङ पेर्मीकी किताङ नालु ल्‍यामु वोतुप थोङ्‍सिमा कोन्‍छ्‍योककी कोर्ला काङ मालाप्‍सिनाङ ख्‍योवी सेम साङ कोन्‍छ्‍योककी थाकाला ग्‍युर्किवी।

१ पत्रुस 3:3

तुक क्‍यानी ख्‍यिराङ र्‍ह शेनी सेरकी क्‍येङ्‍येन तानी मज्‍या ल्‍यामु कोन्‍नी फिला तिराङ छ्‍यावु दोके जेमु जोप मिन,

२ पत्रुस 3:11

दी तेरी च्‍यालकतिवा ना डिवी सिरुप हाक्‍कोनी ख्‍यिरा मिजी ति चुक क्‍यानी टेङ्‍बु ताङ कोन्‍छ्‍योककी सुङला युक गोकिवी सिरुप ति नासाम तोङ।