१ पत्रुस 3:17 - कोन्छ्‌योककी सुङ

¹⁷ दोजो कोन्‍छ्‍योककी नोवा तुकै राङ यिन्‍सिन लाका मेलोक्‍पा क्‍यानी दुक्‍पा खुरुप सिनाङ लाका ल्‍यामु क्‍यावु तप्‍की दुक्‍पा खुरुप ति मङ ल्‍यामु यिन।

१ पत्रुस 3:17 Iomraidhean Croise

मत्ती 26:39

तमा खो ति चेयी फेचेक फेप्‍नी खवुतुङ्‍मा ज्‍युनी दुक सिनी मोपोर क्‍या नाङ्‍सुङ, “ओ ङे पपा, च्‍युङ थुप्‍सिन दी छेटाङकी कोरा ति ङ नेसुर दोनी नाङ। यिन्‍सिनाङ ङे नोवा दोके मिन, पपी नोवा दोके राङ च्‍युङ्‍शी।”

मत्ती 26:42

येलुङ येशू फेचेक फेप्‍नी, “ओ ङे पपा, दी छेटाङकी कोरा ति ङे माथुवा क्‍यानी दोनी डो मुथुपी सिसिन पपी नोवा दोके राङ च्‍युङ्‍शी।” सिनी मोपोर क्‍यासुङ।

लोमा छ्‍येतिवी लाका 18:21

तमा तिवी मुला क्‍येनी डोप पेला पावलकी तिवाला “कोन्‍छ्‍योककी नोवा वोसिन ङ येलुङ ख्‍यिरा ते लोङ वुङ्‍गुप्‍नो।” सिनी एफिसस नेसुर टुला जेनी गाल्‍सुङ।

लोमा छ्‍येतिवी लाका 21:14

तमा पावलला ङ्‍यिरा चो क्‍येक्‍सिनाङ माङ्‍येन्‍सिमा “कोन्‍छ्‍योककी नोवा दोके च्‍युङ्‍शी।” सिनी खरक्‍पा देतिन।

१ पत्रुस 1:6

तुक क्‍यानी तन्‍दा ख्‍यिराङ चेयी पर सेक रङगी मिजीला छेटाङ बङी वानी सेमला दुक्‍पा वोसिनाङ गा कि गोकिवी।

१ पत्रुस 2:15

च्‍यिलासिसिन कोन्‍छ्‍योककी नोवा ति ख्‍यिरा लाका ल्‍यामु क्‍यानी ख्‍यिरा तेन्‍दोकला लानी ताम्‍ङे मेलोवा कितुप मी अम्‍बारङ्‍शिङतिवाला खरक्‍पा देतुप जोप यिन।

१ पत्रुस 2:20

दोजो ख्‍यिरा लाका दुक्‍टा क्‍यावु तप्‍की ख्‍यिराङला मी दुसिनाङ हम क्‍यानी देसिन ख्‍येप्‍साङ गिवी सिसिन, ख्‍यिरा लाका ल्‍यामु क्‍यानी दुक्‍पा खुरुप पेला हम क्‍या देकिवी सिसिन कोन्‍छ्‍योककी ख्‍यिराङला गा किवी।

१ पत्रुस 3:14

यिने ख्‍यिराङ लाका टेङ्‍बुकी थोक्‍ला दुक्‍पा खुर्सुङ सिसिन ख्‍यिराङला मोलाम थोपुप यिनो। मीतिवी ख्‍यिराङला ज्‍यिवा कुसिन ख्‍यिराङ ज्‍यिवा माकी, यर्मिन मर्मिन साङ माडो।

१ पत्रुस 4:15

यिने ख्‍यिराङ सु साङ मी सेतुप ताङ कुन कितुप ताङ दुक्‍टा कितुप ताङ मी यम्‍बी लाकाला लाक्‍पा ग्‍यप्‍नी छेटाङ माखुर।

१ पत्रुस 4:19

तुक क्‍यानी कोन्‍छ्‍योककी नोवाला वोतुप दोके दुक्‍पा खुरुप मीतिवी लाका ल्‍यामु क्‍यानी खोप्‍रे सेम ति खोङ्‍तेर्मु वोतुप कोन्‍छ्‍योकला चेक ते गोकिवी।