१ पत्रुस 3:16 - कोन्छ्‌योककी सुङ

¹⁶ तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।

१ पत्रुस 3:16 Iomraidhean Croise

मत्ती 5:11

ख्‍यिराङला मोलाम थोपुप यिनो। चो पेला मीतिवी ङे थोक्‍ला ख्‍यिराङला मर्च्या कितुप ताङ छेटाङ तेरुप ताङ टेङ्‍बु मेतुप ताम्‍ङे बङी लाप्‍नी मेलोवा किवी,

लोमा छ्‍येतिवी लाका 24:16

ती तप्‍की कोन्‍छ्‍योककी थोङ्‍दाङला ताङ मीतिवी थोक्‍ला साङ ङ नरी टेङ्‍बु कितुप छोलिन।

लोमा छ्‍येतिवी लाका 28:22

यिने अच्‍युकी नासाम ति काङ नोक सिनी अच्‍युकी ख नेमा राङ ङ्‍येन्‍दुप ङ्‍यिरा नो वे। च्‍यिलासिसिन कनी साङ मीतिवा अच्‍युकी छोक्‍पाकी कोर्ला ताम्‍ङे मेलोवा तिराङ किवी सिरुप ति ङ्‍यिराङला छ्‍या वे।”

रोमी 9:1

ङ येशू ख्रीष्‍टकी मी यिन्‍दुप तप्‍की ख्‍यिराङला जिनोक माजोनी टेङ्‍बो सिरिन। दी ताम्‍ङे ति कोन्‍छ्‍योककी थु चाङ्‍मा नेमा ङे सेमगी पङ्‍बु तेर्किवी।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

१ तिमोथी 1:19

तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

तीतस 2:8

क्‍येन मेतुप वुङ्‍शी। तमा सी साङ ख्‍योरो ताम्‍ङेला मारे तोङ मुथुप्‍शी। तुक क्‍यानी ङ्‍यिरा तेन्‍दोकला लावुतिवी ङ्‍यिरा कोर्ला सिरुप ताम्‍ङे काङ साङ माङ्‍येनी ङोछाला ख्‍येल्‍शी।

हिब्रू 13:18

ङ्‍यिरा थोक्‍ला साङ नरी मोपोर किसा। ङ्‍यिरा सेम टेङ्‍बु वे सिरुप ति तेन्‍तेन वे। ङ्‍यिराङ ति नरी खोङ्‍तेर्मु क्‍यानी मिजी क्‍योङ्‍गुप नो वे।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 2:15

च्‍यिलासिसिन कोन्‍छ्‍योककी नोवा ति ख्‍यिरा लाका ल्‍यामु क्‍यानी ख्‍यिरा तेन्‍दोकला लानी ताम्‍ङे मेलोवा कितुप मी अम्‍बारङ्‍शिङतिवाला खरक्‍पा देतुप जोप यिन।

१ पत्रुस 2:19

चुका मी तीकी खोरो काङ लाका मेलोवा माक्‍यासिनाङ ज्‍यिन्‍दाककी छेटाङ बिन्‍दुप पेला कोन्‍छ्‍योकला नासाम ताङ्‍नी हम क्‍या देकिवे, ती मी तीला कोन्‍छ्‍योककी गा किवी।

१ पत्रुस 3:21

ती छ्‍यु ति तन्‍दा ख्‍यिराङला साङ र्‍होकुप बप्‍तिस्‍माकी थोक्‍ला गोमाला के छ्‍या तेन्‍दुप त यिन। ती बप्‍तिस्‍मा ति जुकी टेमा शलुप मिन, यिने ख्‍यिरा सेम टेङ्‍बुकी कोन्‍छ्‍योक ताङ मुला थाक्‍छ्‍येतुप त यिन। च्‍यिलासिसिन कोन्‍छ्‍योककी येशू ख्रीष्‍टला टुङ्‍गुप नेसुर ङोसु लाङ्‍नी ख्‍यिराङला शेप ने थर च्‍यिसुङ।

१ पत्रुस 4:4

यिने त याङ ख्‍यिराङ तुका सेम नोजु कितुप लाका ति तिवी मुला च्‍यिक्‍पा राङ क्‍यानी मिकिवु ल्‍हानी कोन्‍छ्‍योकला ङो मेशेवु मीतिवा हलेवा लानी ख्‍यिराङला मारे तोङ्‍गिवी।