१ पत्रुस 3:13 - कोन्छ्‌योककी सुङ

¹³ दोजो ख्‍यिरा मीतिवी थोक्‍ला लाका ल्‍यामु कितुपला छासे नो क्‍यासिन सी ख्‍यिराङला मेलोक्‍पा किवी रो?

१ पत्रुस 3:13 Iomraidhean Croise

रोमी 13:3

च्‍यिलासिसिन तुका लाका टेङ्‍बु कितुपतिवा ओङ्‍ज्‍येन कितुपतिवाला ज्‍यिवा कितुप मिन, यिने लाका दुक्‍टा कितुपतिवा ओङ्‍ज्‍येन कितुपतिवाला ज्‍यिवा किवी। काङ ख्‍युरुङ ओङ्‍ज्‍येन कितुपतिवाला ज्‍यिवा किवी? तुकै यिन्‍सिन ख्‍युरुङ तिवी ओङला देनी लाका टेङ्‍बु की। तमा तिवी ख्‍युरुङला ताङ्‍देन किवी।

रोमी 8:28

कोन्‍छ्‍योकला ङ्‍यिङ्‍ज्‍ये कितुपतिवा ताङ खोकी नोवा नेसुर पेतुप मीतिवाला ख्‍येल वुङ्‍गुप छेटाङ दुङल ताङ लोदिमु काङ वोसिनाङ खोकी ती तेरी मुला राङ ल्‍यामु जो नङ्‍गिवी सिरुप ति दाक्‍पुला छ्‍या वे।

१ कोरिन्‍थी 14:1

तुक क्‍यानी ख्‍यिराङ तेरी सिनाङ गोमाला ङ्‍यिङ्‍ज्‍ये कितुप तिराङ नासाम तोङ। तमा कोन्‍छ्‍योककी थु चाङ्‍मा नेमा नङ्‍गुप कटिनकी ङ्‍येम्‍बा थोपुपला छासे नो की। तमा खक्‍छ्‍येवुला ति कोन्‍छ्‍योककी नङ्‍गुप नम्‍दर शेतुप कटिनकी ङ्‍येम्‍बा थोपुप नो की।

एफिसी 5:1

तुक क्‍यानी ख्‍यिराङ ति कोन्‍छ्‌योककी ङ्‍यिङ्‍ज्‍येवु आङातिवा यिन्‍दुप तप्‍की खोकी लुमु से गोकिवी।

१ थेसलोनिकी 5:15

ख्‍यिराङ सी साङ मेलोक्‍पाकी थोक्‍ला मेलोक्‍पा माकी, यिने च्‍यिककी च्‍यिकला ताङ तेरीला ल्‍यामु कितुप नासाम तोङा।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।