१ पत्रुस 3:11 - कोन्छ्‌योककी सुङ

¹¹ तमा मेलोक्‍पा कितुप नेसुर लोक्‍नी लाका ल्‍यामु किशी, तमा लोदिमु छल्‍नी ती लोदिमुकी तिङ्‍ला तिङ्‍योक्‍शी।

१ पत्रुस 3:11 Iomraidhean Croise

मत्ती 5:45

तुक क्‍यासिन ख्‍यिराङ ति देवाच्‍येनला ज्‍यु वोतुप पपा कोन्‍छ्‍योककी पेजातिवा च्‍युङ्‍गिवी, च्‍यिलासिसिन कोन्‍छ्‍योककी मी ल्‍यामु ताङ मेलोवा ङ्‍यिकरला ङ्‍यिमी वोसिर ग्‍यक ज्‍यिकिवी, तमा मी टेङ्‍बु ताङ मेटेङ्‍बु ङ्‍यिकरला छ्‍यर्वा ग्‍यक ज्‍यिकिवी।

मत्ती 5:9

मोलाम थोपुप यिनो, क्‍येङ्‍सु गलुपतिवी पर्ला थिन ज्‍यितुपतिवा, च्‍यिलासिसिन कोन्‍छ्‍योककी तिवाला खोकी पेजा सिनी सुङ्‍गितो।

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

मर्कूस 14:7

पेराङ्‍बुतिवा याङ ख्‍यिरा मुला नरी लुकिवी। तुक क्‍यानी नम पेला ख्‍यिरा नो लङ्‍गिवे, ती पेला राङ तिवाला दाल्‍जा कि थुप्‍किवी। यिने ङ याङ नरी ख्‍यिरा मुला मुलुवी।

लूका 1:79

नक्‍तोमी ताङ शेपकी र्‍हिपला देतुपतिवाला ठछ्‍येली तेर च्‍यिसुङ, तमा ती ठछ्‍येलीकी ङ्‍यिराङला लोदिमु वोतुप लाम नेवा टिकिवी।”

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

लूका 6:9

तमा येशूकी खोरुङला चिवा क्‍यानी देतुपतिवाला सुङ्‍सुङ, “ङ ख्‍यिराङला ताम्‍ङे यी टेयिन। ङासोप ङ्‍यिमाला काङ कितुप ति दाक्‍पी ठिमला टेके यिन? लाका ल्‍यामु कितुप टेके यिनाङ की, लाका मेलोक्‍पा कितुप? र्‍होकुप टेके यिनाङ की, सेतुप?”

यूहन्‍ना 17:15

ङे मोपोर क्‍यावु ति पपी तिवाला दी जम्‍बुलिङ ने टि फेप सिनी मिन, यिने तिवाला दुक्‍टा शैतान नेसुर र्‍होक्‍टे कि सिनी यिन।

रोमी 12:18

दे थुप्‍सिन मी तेरी ताङ मुला डिक्‍नी दे।

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

रोमी 14:19

ती तप्‍की दाक्‍पु च्‍यिककी च्‍यिकला लोदिमु तेरुप ताङ च्‍यिककी च्‍यिकला रम्‍बु जोपला दाल्‍जा किटे कि गोकिवी।

रोमी 5:1

तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

रोमी 7:19

ङे काङ लाका ल्‍यामु कितुप नो क्‍यावे, ती ति मिकिवी। यिने ङे कितुप नो माक्‍यावु लाका मेलोवा ति ङे किवी।

रोमी 7:21

तुक क्‍यानी ङे हाक्‍कोवु खक्‍छ्‍येवु ताम्‍ङे ति काङ यिन सिसिन ङला ल्‍यामु कितुप नासाम वोसिनाङ दुक्‍टा कि ज्‍यितुप डे ति ङे मुला वोतुप यिन।

रोमी 8:6

दिक्‍पी नासाम ति शेप यिन, यिने कोन्‍छ्‍योककी थु चाङ्‍माकी नासाम ति मिजी ताङ लोदिमु यिन।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

गलाती 6:10

तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

१ तिमोथी 6:18

तमा तिवाला “मी यम्‍बाला ल्‍यामु कितुप ताङ लाका ल्‍यामु कितुप सेम वोतुप ताङ सेम बोल्‍मु वोतुप ताङ रङगी लोला वोतुप टोङ्‍बातिवा कतुकारला ख्‍येलुपतिवाला तेरुप सेम वोतुप च्‍युङ गोकिवी।” सिनी क बिन।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।

हिब्रू 13:16

च्‍यिककी च्‍यिकला ल्‍यामु कितुप ताङ रङगी लोला वोतुप च्‍यालकतिवा यम्‍बा गोवुतिवाला तेरुप लाका कितुप टोक माज्‍येता। च्‍यिलासिसिन दाक्‍पी तुका जिन्‍बा पुलुप ति कोन्‍छ्‍योकला सेमला डिवी।

याकूब 4:17

ती तप्‍की चुका मी तीकी लाका ल्‍यामु कि गोकिवी सिरुप छ्‍या वोसिनाङ मिकिवी सिसिन, तीकी दिक्‍पा क्‍यावु यिन।

१ पत्रुस 3:12

च्‍यिलासिसिन चोवोकी सुङला युकुपतिवाला खोकी शाल जिकिवी, तमा तिवी क्‍यावु मोपोर साङ ङ्‍येन्‍गिवी। यिने कोन्‍छ्‍योककी सुङला मुयुकुपतिवाला ति खोकी शाल मिजिवी।”

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।