१ पत्रुस 3:1 - कोन्छ्‌योककी सुङ

¹ तुक राङ क्‍यानी पेर्मीतिवा रङगी ख्‍योवी ओङला दे। तुक क्‍यासिन कोन्‍छ्‍योककी सुङला मेङ्‍येन्‍दुप ख्‍योवा साङ पेर्मीकी किताङ नालु ल्‍यामु वोतुप थोङ्‍सिमा कोन्‍छ्‍योककी कोर्ला काङ मालाप्‍सिनाङ ख्‍योवी सेम साङ कोन्‍छ्‍योककी थाकाला ग्‍युर्किवी।

१ पत्रुस 3:1 Iomraidhean Croise

मत्ती 18:15

“दोजो तेपा कितुप अच्‍युनुपतिवी पर्ला ललाइकी ख्‍योरो तेन्‍दोकला लाका मेलोवा क्‍यासिन तीला गल्‍नी ख्‍यिराङ ङ्‍यी तिराङ देनी तीकी क्‍यावु मेलोवाकी कोर्ला तीला सी। तीकी ख्‍योरो ताम्‍ङे ङ्‍येन्‍सिन ती ति येलुङ तेपा कितुप ख्‍योरो अच्‍युनुप च्‍युङ्‍गिवी।

रोमी 10:16

यिने तिवी ख्‍याप्‍टाक क्‍यावु लेन ल्‍यामु थोवु मीतिवा तेरीकी तेपा क्‍यावु ति मिन। ती तप्‍की कोन्‍छ्‍योककी लुङ्‍तेम्‍बा यशैयाकी थेपला दुक सिनी टि वे, “ओ चोवो, ङ्‍यिरा ख्‍याप्‍टाक क्‍यावु सुङला सी तेपा क्‍यासुङ रो?”

रोमी 6:17

यिने कोन्‍छ्‍योकला थुचिछे बुल गोकिवी, च्‍यिलासिसिन तोङ्‍ला ख्‍यिराङ थेङ्‍मा यी दिक्‍पाकी योक्‍पु च्‍युङ्‍नी वे, यिने त याङ ङ्‍यिरा ख्‍यिराङला कोन्‍छ्‍योककी कोर्ला नङ्‍गुप येन्‍देन ति टेङ्‍बु नोक सिनी ख्‍यिरा सेमगी दिङ नेज्‍युनी ङ्‍येन्‍दुप तप्‍की

रोमी 7:2

तीकी कोर्ला ङ ख्‍यिराङला पे यी शेतिन। पुम्‍पेजा मिरा च्‍यिककी जेन्‍दी क्‍यासिमा तीकी ख्‍योवा वोता सेक ख्‍योवी ओङला देकिवी। यिने तीकी ख्‍योवा शिसुङ सिसिन ती ति ख्‍योवी ओङ नेसुर थर्किवी।

१ कोरिन्‍थी 11:3

यिने दी ताम्‍ङे ति ख्‍यिरा हाक्‍कोशी सिरुप ति ङला नोवा वे। तेरी मीतिवा सिनाङ छ्‍ये ति येशू ख्रीष्‍ट यिन। तमा पेर्मी सिनाङ छ्‍ये ति तीकी ख्‍योवा यिन। तमा ख्रीष्‍ट सिनाङ छ्‍ये ति कोन्‍छ्‍योक यिन।

१ कोरिन्‍थी 14:34

पुम्‍पेजातिवा ति खरक्‍पा देशी। तिवाला काङ साङ सि माज्‍यी, यिने कोन्‍छ्‍योककी नङ्‍गुप ठिमला सिक्‍यावु दोके तिवा चर्चकी ओङला देशी।

१ कोरिन्‍थी 7:16

पेर्मीतिवा, ख्‍यिराङला छ्‍या वे, येशूला तेपा कितुप पेर्मीकी खोरो तेपा माक्‍यावु ख्‍योवाला थर ज्‍यि थुप्‍किवी, तमा येशूला तेपा कितुप ख्‍योवी साङ तेपा माक्‍यावु खोरो पेर्मीला थर ज्‍यि थुप्‍किवी।

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

कलस्सी 3:18

पेर्मीतिवा, ख्‍यिरा रङगी ख्‍योवातिवी सिक्‍यावु खला ङ्‍येन। तुक कितुप ति चोवोला तेपा कितुप मीतिवी कि गोवु यिन।

कलस्सी 4:5

तेपा मिकिवुतिवी मुला किताङ नालु कितुप पेला कोन्‍छ्‍योककी नङ्‍गुप रिक्‍पा नेसुर किसा। तमा ख्‍यिराङला थोपुप तुजेला तेरी ल्‍यामु क्‍यानी लाका किसा।

२ थेसलोनिकी 1:8

कोन्‍छ्‍योकला ङो माशेवु ताङ दाक्‍पी चोवो येशूकी लेन ल्‍यामुला तेपा मिकिवु मीतिवाला खोकी पर्च्या तोङ्‍गिवी।

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 3:2

च्‍यिलासिसिन ख्‍यिरा मिजी टेङ्‍बु वोतुप ताङ ख्‍यिरा तिवाला ताङ्‍देन क्‍यावु ति तिवी थोङ्‍गिवी।

१ पत्रुस 3:7

तुक राङ क्‍यानी ख्‍योवातिवी साङ रङगी पेर्मी ति रम्‍बु मेतुप यिन सिमाक्‍यानी तिवाला ताङ्‍देन क्‍यानी मुला राङ मिजी क्‍योङ, च्‍यिलासिसिन ख्‍योवा ताङ पेर्मी ति कोन्‍छ्‍योककी कटिन नङ्‍गुप मिजी मुला राङ क्‍योङ्‍गुपला जो नङ्‍गुप यिन। तुक क्‍यासिन ख्‍यिराङ मोपोर कितुप पेला ख्‍यिराङला कले मेङ्‍शी।

१ पत्रुस 4:17

च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?