१ पत्रुस 2:8 - कोन्छ्‌योककी सुङ

⁸ तमा यम्‍बा सुङला दुक सिनी टि वे, “दो च्‍यिककी मीतिवाला नर्तुक ग्‍यक ज्‍यिकिवी, तमा टक च्‍यिककी मीतिवाला तला ग्‍यक ज्‍यिकिवी।” ती दोके क्‍यानी मीतिवा तला ग्‍यकिवी, च्‍यिलासिसिन तिवी कोन्‍छ्‍योककी सुङ माङ्‍येन्‍दुप तप्‍की यिन। तिवी थोक्‍ला तुकै च्‍युङ्‍गुप ति कोन्‍छ्‍योककी गोमाला राङ सुङ्‍गुप सुङगी मुला डिकिवी।

१ पत्रुस 2:8 Iomraidhean Croise

लूका 2:34

शिमियोनकी तिवाला मोलाम बिन्‍नी आङी आमा मरियमला सिक्‍यासुङ, “ल्‍होसा, दी आङा ति इस्राएलकी मीतिवा बङीला ललाइला ति थर ज्‍यितुपकी थोक्‍ला ताङ ललाइला ति ना तोङ ज्‍यितुपकी थोक्‍ला कोन्‍छ्‍योककी पेतुप यिन। दी ति कोन्‍छ्‍योककी छ्‍या तेन्‍दुप त यिन, मी बङीकी तीकी तेन्‍दोकला लानी खोरो सेमगी नासाम छ्‍या देन्गिवी।

रोमी 9:22

ती दोके कोन्‍छ्‍योककी साङ खोरे ओङ नेसुर मीतिवाला ना ताङ्‍नी खोकी पर्च्या ताङ ङार छ्‍या देन्‍दुप नोवे, यिने खोकी पर्च्या तोङ्‍गुप नो क्‍यावु मीतिवी थोक्‍ला खो हम क्‍यानी दे मुथुवी रो?

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

२ कोरिन्थी 2:16

ती टी जङ्‍बु ति ना डोपतिवी थोक्‍ला नरीकी नरी शेप तेन्‍दोक यिन, दिक्‍पा ने थरुपतिवी थोक्‍ला मिजी थोपुप तेन्‍दोक यिन। तमा तुका लाका ग्‍येर्पु कितुप ति सु वे रो?

गलाती 5:11

ङे अच्‍युनुपतिवा, ङ च्‍येतुप लुक्‍सुकी कोर्ला तिराङ ख्‍याप्‍टाक किवी सिसिन, च्‍यिला तन्‍दा सेक साङ यहूदीतिवी ङला छेटाङ दुङल तेर्किवी? तुकै यिन्‍सिन ग्‍यङ्‍शिङला कलुप येशूकी दिक्‍पा ने थरुप लेन ल्‍यामु ख्‍याप्‍टाक कितुपला काङ साङ छेटाङ मे।

१ थेसलोनिकी 5:9

च्‍यिलासिसिन कोन्‍छ्‍योककी दाक्‍पुला छ्‍येर्पा तेरुपला मिन, यिने दाक्‍पी चोवो येशू ख्रीष्‍ट नेसुर दिक्‍पा ने थर थुपुपला तोङ्‍ला के पेन नङ्‍गुप यिन।

१ पत्रुस 2:6

च्‍यिलासिसिन कोन्‍छ्‍योककी सुङला दुक सिनी टि वे, “ल्‍होसा, ङ सियोनला ङे पेतुप गोङ नावु सुरकी दो दोके यिन्‍दुप मिरा च्‍यिक ज्‍योकिनो। सी खोला तेपा किवे, तिवा नाम्‍साङ ङोछाला मेख्‍येल्‍वी।”

१ पत्रुस 2:7

तुक क्‍यानी ख्‍यिराङ सी खोला तेपा किवे, तीकी थोक्‍ला खो गोङ नावु वे, यिने तेपा मिकिवुतिवी थोक्‍ला ति कोन्‍छ्‍योककी सुङला साङ दुक सिनी टि वे, “ती दो ति खाङ्‍बा जोप मीतिवी फेन मोथोवु सिनी क्‍युर वे, यिन्‍सिनाङ ती ति सुरकी दो च्‍युङ्‍गिवी।”

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।