१ पत्रुस 2:7 - कोन्छ्‌योककी सुङ

⁷ तुक क्‍यानी ख्‍यिराङ सी खोला तेपा किवे, तीकी थोक्‍ला खो गोङ नावु वे, यिने तेपा मिकिवुतिवी थोक्‍ला ति कोन्‍छ्‍योककी सुङला साङ दुक सिनी टि वे, “ती दो ति खाङ्‍बा जोप मीतिवी फेन मोथोवु सिनी क्‍युर वे, यिन्‍सिनाङ ती ति सुरकी दो च्‍युङ्‍गिवी।”

१ पत्रुस 2:7 Iomraidhean Croise

मत्ती 21:42

येशूकी तिवाला सुङ्‍सुङ, “काङ ख्‍यिरा कोन्‍छ्‍योककी सुङला दुक सिनी टि वोतुप ति मारा? ‘चुका दो तीला खार चिकुपतिवी फेन मोथोवु सिनी क्‍युर ज्‍याक्‍वे, ती दो ति खाङ्‍बी सुरकी खक्‍छ्‍येवु दो च्‍युङ्‍सुङ। दी ति चोवो कोन्‍छ्‍योककी क्‍यावु यिन, तमा दाक्‍पी थोङ्‍दाङला हलेवु वे।’

लूका 2:32

दी ति यहूदी मिन्‍दुप मिरिक यम्‍बातिवाला ति चोवोकी लाम छ्‍या देन्‍दुप वोसिर यिन, तमा इस्राएलकी मीतिवाला ति मोवा ङ्‍ये ज्‍यितुप यिन।”

लूका 2:34

शिमियोनकी तिवाला मोलाम बिन्‍नी आङी आमा मरियमला सिक्‍यासुङ, “ल्‍होसा, दी आङा ति इस्राएलकी मीतिवा बङीला ललाइला ति थर ज्‍यितुपकी थोक्‍ला ताङ ललाइला ति ना तोङ ज्‍यितुपकी थोक्‍ला कोन्‍छ्‍योककी पेतुप यिन। दी ति कोन्‍छ्‍योककी छ्‍या तेन्‍दुप त यिन, मी बङीकी तीकी तेन्‍दोकला लानी खोरो सेमगी नासाम छ्‍या देन्गिवी।

लूका 20:17

येशूकी तिवाला केरी ल्‍हानी सुङ्‍सुङ, “तुकै यिन्‍सिन दी कोन्‍छ्‍योककी सुङला टिवु ति काङ यिनाङ? ‘चुका दो तीला खार चिकुपतिवी फेन मोथोवु सिनी क्‍युर्नी ज्‍याक्‍वे, ती दो ति सुरकी खक्‍छ्‍येवु दो च्‍युङ्‍सुङ।’

यूहन्‍ना 4:42

तमा तिवी ती पुम्‍पेजाला “तन्‍दा ङ्‍यिरा तेपा क्‍यावु ति ख्‍योरे सिक्‍यावु तप्‍की मिन, ङ्‍यिरा राङ खोकी सुङ थोनी खो ति वुतुङ के जम्‍बुलिङकी मीतिवाला दिक्‍पा ने थर ज्‍यितुप यिनोक सिनी हाक्‍कोवु तप्‍की यिन।” सिनी सिक्‍यासुङ।

लोमा छ्‍येतिवी लाका 26:19

ती तप्‍की ओ ग्‍येल्‍वु अग्रिपास, देवाच्‍येन नेमा सुङ्‍गुप ताम्‍ङेला ङे ङ्‍येनिन।

रोमी 10:21

यिने इस्राएलकी मीतिवी कोर्ला यशैयाकी दुक सिक्‍या वे, “ग्‍यिन्‍ना वोतुप ताङ ङे सिक्‍यावु ताम्‍ङेला मेङ्‍येन्‍दुप मीतिवी थोक्‍ला ङ ङ्‍यिमी टेङ ङे लाक्‍पा क्‍याङ्‍नी वे।”

रोमी 15:31

ङ यहूदियाला वोतुप तेपा मिकिवु मीतिवी लक नेसुर थर थुप्‍शी, तमा यरूशलेमला वोतुप कोन्‍छ्‍योकला तेपा कितुप मीतिवी थोक्‍ला ङे शब्‍ज्‍यी क्‍यावु ति मीतिवी सेमला डोशी।

२ कोरिन्थी 2:16

ती टी जङ्‍बु ति ना डोपतिवी थोक्‍ला नरीकी नरी शेप तेन्‍दोक यिन, दिक्‍पा ने थरुपतिवी थोक्‍ला मिजी थोपुप तेन्‍दोक यिन। तमा तुका लाका ग्‍येर्पु कितुप ति सु वे रो?

कलस्सी 2:10

तमा ख्‍यिरा खोला तेपा क्‍यावु तप्‍की खोला वोतुप तेरी किताङ नालुतिवा ति ख्‍यिरा मिजीला थोप्‍नी वे। खो ति तेरी ओङ्‍ज्‍येन ताङ ङारतिवी खला चोछ्‍ये वे।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

हिब्रू 11:31

तेपा नेसुर राङ राहाब छ्‍येमु तीकी यरीहोला च च्‍येतुपला वावु मीतिवाला ल्‍यामु क्‍यानी गासो शुवु तप्‍की कोन्‍छ्‍योककी सुङला मेङ्‍येन्‍दुप ती ग्‍येसाकी मीतिवा तेरी सेसिनाङ तीला ति मासे।

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।

१ पत्रुस 2:4

ख्‍यिराङ चोवो येशूकी चिप्‍ला शोक। खो ति खाङ्‍बा जोप मीतिवी फेन मोथोवु यिन सिनी तेन्‍नी क्‍युरुप दो यिन, यिन्‍सिनाङ कोन्‍छ्‍योककी ती दो ति पेनी मीतिवी थोक्‍ला मिजी नङ्‍गुप गोङ छ्‍येन्‍बु वोतुप दो जो नाङ्‍सुङ।

१ पत्रुस 2:8

तमा यम्‍बा सुङला दुक सिनी टि वे, “दो च्‍यिककी मीतिवाला नर्तुक ग्‍यक ज्‍यिकिवी, तमा टक च्‍यिककी मीतिवाला तला ग्‍यक ज्‍यिकिवी।” ती दोके क्‍यानी मीतिवा तला ग्‍यकिवी, च्‍यिलासिसिन तिवी कोन्‍छ्‍योककी सुङ माङ्‍येन्‍दुप तप्‍की यिन। तिवी थोक्‍ला तुकै च्‍युङ्‍गुप ति कोन्‍छ्‍योककी गोमाला राङ सुङ्‍गुप सुङगी मुला डिकिवी।